Eksodha 22:31 - Bhiblia Yo Sawuleka

³¹ Anu mi na va mi di vathu vangu vo sawuleka; ngu kumaha keto, mi nga dyeni nyama ya txihari txo phatulelwa ngu sihari sa txitinga; mi na yi ningela ka timbwa.”

Eksodha 22:31 Referans Kwoze

Ezekhiyele 4:14

Sekoko ani ni to khani: O! Mkoma Txizimu! Moya wangu kha wa bihiswa, nguko kha ni zivi ku nga dya txokari txa kufa, mwendo txo phatulelwa, kukhukhela wujahani kwangu kala kuwa, hambi nyama yo nyenyeza kha ya wulela mkanani kwangu.

Levhi 19:2

Womba ka wotshe msengeletano wa vanana va ka Israyeli, u txi khawe: Mahani vathu vo sawuleka, nguko ani, Mkoma, Txizimu txanu, ni wo sawuleka.

Mithumo 15:20

Va na bhalelwe ti to ve leka asi si nga yiliswa ngu sizimu, ni wugelegele, ni nyama ya sihari si si nga dawa ngu kukamwa mkolo, ni mnoha.

Ezekhiyele 44:31

Ni txa tximwetxo txa kuva txi di fite, mwendo txo maha ngu kudawa, ka sinyana ni ka sihari, kha na mbi dya mphaxeli.

Dhewuteronome 14:21

Mi nga dyeni ni txa tximwetxo txihari txa ku ti fela; u na txi ningela ka mluveli wu a hanyako ha txikeni kwako a txi dya, mwendo ku txi xavisa ka wa matiko, nguko anu mi vathu vo sawuleka ka Mkoma, Txizimu txako. Mi nga bhikeni txihongwana ngu masi a mame wa txona.”

Levhi 22:8

A nga thuke a txi dya nyama ya txihari txo ti fela txokha, hambi txo dawa ngu sihari sa txitinga, nguko a nga nyenyeziswa nene: Ani ngani Mkoma!

Mithumo 10:14

Kambe Pedro a txi khene: “Txima kha ni na mbi dya, Mkoma! Nguko kukhukhela wutomini kwangu, kha ni dyi txilo txi txi yilako ni txi txi nga mbi basa.”

Levhi 20:25

Anu mi fanete kuziva kuhambanisa sihari so yila ni sihari so mbi yila, sinyana so yila ni so mbi yila; mi si ti nyenyezisi ngu sihari ni sinyana ni si si tsimbilako ngu dibindi, ha mafuni, asi ni nga mi gondisa ku si ziva, ni txi mi gela asi i ku so yila.

Levhi 7:24

Mafura a txihari txi txi nga fa mwendo kudawa ngu txihari txa txitinga, nyama ya kona ya sikota kuthumiswa ka timwani timhaka, aniko hambi ku txo txani, yi nga dyiwe.

Ezra 9:2

nguko va tekile mahorana a vamatiko ve ma maha vasikati vawe ni va vanana vawe, ngu kumaha keto ku to patana mbewu yo sawuleka ni vathu va mafu awa, kambe manza a madhota ni a vathangeli ngu ona ma nga khatisa kuhambunyeta kuwa.