Eksodha 22:30 - Bhiblia Yo Sawuleka

³⁰ U na maha nga toneto ngu matiwula a tihomu tako ni tinvuta tako; amu ka mtxhanu wa masiku ni mambidi si na zumba ni vamame va kona, se ngu ka ditshiku da wutxhanu ni mararu u na si hambanisa u txi si ninga ani.

Eksodha 22:30 Referans Kwoze

Levhi 22:27

Ngako ku txi velekwa dirole, mwendo txinvutana, mwendo txihongwana, txi fanete kuzumba ni mame wa txona amu ka mtxhanu wa masiku ni mambidi. Kukhukhela ka ditshiku da wutxhanu ni mararu, ta koteka kumaha mningelo wa mhamba ngu sona ka Mkoma.

Dhewuteronome 15:19

“U na ningela ka Mkoma, Txizimu txako, otshe matiwula a vamatune va tihomu tako ni a tinvuta tako, u nga thuke u txi thumisa matiwula a vamatune a tihomu tako, kambe u nga kaye matiwula a vamatune va tinvuta tako.

Levhi 12:3

Se ka ditshiku da wutxhanu ni mararu mwanana a na yiswa wukwerani.

Eksodha 13:12

u na ningela ka Mkoma, votshe vanana va mazambi avale i ku matiwula, ni sifuyo sotshe sa matiwula sa vamatune si mi ku naso, nguko vanana vo khata va lumba Mkoma.

Genesisi 17:12

Msana ka mtxhanu wa masiku ni mararu a kuvelekwa, votshe vanana va vafana va na yiswa wukwerani, kukhukhela ka wule a velekwako m'tini kwako, kala ka wule a xawako ngu male ka vamatiko, awule i ku si nga wa lihunzu lako.

Levhi 7:23

Zivisa va ka Israyeli ku khawe: Mi nga dyeni mafura a didhuna, hambi a hamba, mwendo a phongo.

Levhi 7:24

Mafura a txihari txi txi nga fa mwendo kudawa ngu txihari txa txitinga, nyama ya kona ya sikota kuthumiswa ka timwani timhaka, aniko hambi ku txo txani, yi nga dyiwe.

Levhi 7:26

Hambi ni hani amu mi manekako mi di kona, mi nga dyeni mnoha, hambi wa txihari mwendo txinyana.

Levhi 11:44

Ani ngani Mkoma, Txizimu txanu. Ti maheni vasawuleki, nguko ani ni msawuleki! Mi nga ti nyenyeziseni ngu mhaka ya sona sihari si si kasako ha mafuni!

Levhi 11:45

Kha ditshuri, ani ngani Mkoma, ni nga mi humisa ditikoni ka Egipta, kasi ku ni txi va ni di Txizimu txanu. Ngu toneto, mahani vo sawuleka. Nguko ani ni sawulekile.

Levhi 17:15

Ngako mmwani m'thu wa ka Israyeli mwendo mluveli wu a nga aka kwawe, a txi dya nyama ya txihari txo fa, hambi txo dawa ngu tximwani txihari txa txitinga, a na va a txi kuwula syambalo sakwe, e samba ngu mati, se a txi zumba a sa basa kala minova; ngu msana a na va a di basile.

Levhi 22:8

A nga thuke a txi dya nyama ya txihari txo ti fela txokha, hambi txo dawa ngu sihari sa txitinga, nguko a nga nyenyeziswa nene: Ani ngani Mkoma!

Dhewuteronome 14:21

Mi nga dyeni ni txa tximwetxo txihari txa ku ti fela; u na txi ningela ka mluveli wu a hanyako ha txikeni kwako a txi dya, mwendo ku txi xavisa ka wa matiko, nguko anu mi vathu vo sawuleka ka Mkoma, Txizimu txako. Mi nga bhikeni txihongwana ngu masi a mame wa txona.”

Ezekhiyele 4:14

Sekoko ani ni to khani: O! Mkoma Txizimu! Moya wangu kha wa bihiswa, nguko kha ni zivi ku nga dya txokari txa kufa, mwendo txo phatulelwa, kukhukhela wujahani kwangu kala kuwa, hambi nyama yo nyenyeza kha ya wulela mkanani kwangu.