Eksodha 22:3 - Bhiblia Yo Sawuleka

³ Ngako di ti humile ditambo di txi muwoninga, a na mana mnandu wa kutheketa mnoha. Dikhamba di na dihela sotshe sile di nga pa; se ngako di si nga ni so diha ngu sona, di na xaviswa ngu mhaka ya wukhokhokho.

Eksodha 22:3 Referans Kwoze

Eksodha 21:2

“Ngako u txi xava khumbi ya Muhebheru, yi na kuthumele mtxhanu wa malembe ni dimwedo; aniko dilembe da wutxhanu ni mambidi, yi na huma ngu kutxhatxheka, yi si diheli txilo.”

Matewu 18:25

Se ngako a di pwati so dihela ngu sona, nyamne wakwe a to rumela ku e xaviswa ene ni msikati wakwe ni vanana vakwe ni sotshe si a nga ti naso, kufela ku na dihela mnandu wule.

Isaya 50:1

Mkoma a womba tiya: Di hani dipapilo da kulekwa ka mame wanu, adi ni nga mtovela ngu dona kani? Mwendo i mani mxavi wangu, awu ni nga mi xavisa kwakwe kani? Wonani taku mi xavisilwe ngu mhaka ya wubihi wanu, ni mame wanu a tovetwe, ngu mhaka ya kuwekela kwanu.

Valamuli 10:7

Se txiviti txa Mkoma txi to tura txi wukela Vaisrayeli, kambe a to va ningela manzani ka Vafilista, ni manzani ka vanana va ka Amoni.

Valamuli 2:14

Ngu kumaha keto, kuhenya ka Mkoma ku to wukela va ka Israyeli, se e va ningela manzani ka makhamba, ma txi va pela; kambe a to va ningela manzani ka valala vawe vale va nga ti ti va ranganyetile; se kha va nga sikota kukhukha va txi ema kambe masoni ka valala vawe.

Eksodha 22:2

Ngako dikhamba di txi manwa di txi gwanda ditimba di txi pa, se di txi baliswa di txi fa, awule a ngadi daya kha na mbi va ni mnandu wa kutheketa mnoha.

Genesisi 44:10

Ene a to engeta, a txi khene: “Ti na maheke nga kuwomba kwako: Awule txi no manwa kwakwe tximahetxo, a na va i di khumbi yangu, ani avale vamwanyani va na va va di txhatxhekile.”

Eksodha 21:34

nyamne wa dona diphaledo, a na diha ngu male ka nyamne wa txihari ngu mtengo wa txona, aniko txihari atxile txi nga dawa txi na va txi txi mlumba ene.

Isaya 40:2

Wombawombani ngu wumbilu ka Jerusalema, kambe kwangulani mi m'zivisa ti to wukhumbi wakwe wu gumile, ti to sionho sakwe si divaletwe, ni ti to ka sotshe sionho sakwe a amukete hakhelo kumbidi ngu ka dianza da Mkoma.