Eksodha 22:29 - Bhiblia Yo Sawuleka

²⁹ U nga swele ni sile u nga khata kuelula, ni vhinya ya kona; u na ni ninga matiwula a vanana vako.

Eksodha 22:29 Referans Kwoze

Eksodha 23:16

ni M'buso wa kuelulwa ka mihando yo khata yi u nga ti thumela, yi u no va u di phayile thembweni. Ni M'buso wa kuguma ka dilembe, mbimo yile u nova u di yi elute thembweni kwako.

Eksodha 13:2

Ni sawulekisele “otshe matiwula, hagari ka vanana va ka Israyeli, matiwula a vathu mwendo a sihari, nguko otshe ngangu.”

Jakobe 1:18

Ngu kuranda kwakwe ene, a hi velekile ngu dipswi da ditshuri, kasi ku hi txi maha matiwula a siwumbwa sakwe.

Eksodha 23:19

Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.

Varoma 8:23

Hi nga sona sokha, aniko hambi ni nathu hi nga amukela mihando yo khata ya Moya, ha kuma timbiluni kwathu, na hi txi rinzela kumahwa vanana va mafuyiwa i ku kutirulwa ka mmidi wathu.

Matewu 6:33

“Kukhata, lavani Mfumo wa Txizimu ni kululama ka txona, ani sotshe siya mi na engetelwa.

Mika 7:1

Dikhombo kwangu! Nguko no nga tile ta kuhaphwa ka mihando ya malanga, ku nga va vo roletela msana ka kuhaphwa ka mauvha: Kha ku na txizangwa txa mauvha o dingana kudyiwa, hambi makuwu o navelwa ngu mbilu yangu.

Eksodha 34:19

Otshe matiwula ngangu, hambi otshe matiwula a vamatune a sifuyo sanu sa hombe ni sa sidotho.

Eksodha 13:12

u na ningela ka Mkoma, votshe vanana va mazambi avale i ku matiwula, ni sifuyo sotshe sa matiwula sa vamatune si mi ku naso, nguko vanana vo khata va lumba Mkoma.

Ezekhiyele 20:40

Nguko ka mmango wangu wo sawuleka, mmangoni ko guleka ka Israyeli, kuwomba Mkoma Txizimu, nguyo yi no ni thumela kona yotshe nyumba ya ka Israyeli, yotshe ka dona ditiko dile; koneyo ni na tsaka ngu vona, kambe ni na amukela miningelo yanu yo ndiwitelwa, ni miningelo yanu yo khata, ni sotshe somaha sanu so sawuleka.

2 Makronika 31:5

Msana ka kuva txiziviso txi di zivilwe ngu vanana va ka Israyeli va to tisa fulaho yayingi yo khata, ni vhinya ya yiphya, ni mtona ni wulombe ni simwani ngu kutala ka sona sa thembweni ve ningela ni sa wugumi wa simaha sotshe si va nga funyela tithembweni kwawe.

2 Vafumeli 4:42

Se kutota wamwamna wokari ngu Bhahali-Salisa, e ta ningela ka m'thu wa Txizimu, mapawu a kufunyela ko khata, magumi mambidi a mapawu a sevhadha, ni mafaka o nakana a makamba, a nje khene: Ningela ka vathu va txi dya.

Eksodha 23:15

U na vekisa M'buso wa Mapawu o mbi Tshumbelwa. Amu ka mtxhanu wa masiku ni mambidi u na dya mapawu o mbi tshumbelwa, nga ti ni nga kuleletelisa tona, ka mbimo yi yi nga emiselwa, amu ka mtxima wa Abhibhi, nguko ngu wonewo mtxima u nga huma ngu wona ditikoni ka Egipta. Ni wammweyo a nga sikote kuhumelela masoni kwangu a sa ñola txilo;

Eksodha 34:20

U na tekisa matiwula a mbongola ngu txihambana, mwendo u na yi wila thamo, u na tirula otshe matiwula a vanana vako va vafana. M'thu a nga thuke a txi humelela masoni kwangu asi nga ni txilo manzani kwakwe.

Mitengo 18:13

Yotshe mihando yo khata ya ditikoni kwako, ayi yi ningelwako ka Mkoma, yi na kulumba; ni votshe ava va mahako ta tinene va nyumbani kwako, va na dya sotshe.

Levhi 22:27

Ngako ku txi velekwa dirole, mwendo txinvutana, mwendo txihongwana, txi fanete kuzumba ni mame wa txona amu ka mtxhanu wa masiku ni mambidi. Kukhukhela ka ditshiku da wutxhanu ni mararu, ta koteka kumaha mningelo wa mhamba ngu sona ka Mkoma.

Dhewuteronome 15:19

“U na ningela ka Mkoma, Txizimu txako, otshe matiwula a vamatune va tihomu tako ni a tinvuta tako, u nga thuke u txi thumisa matiwula a vamatune a tihomu tako, kambe u nga kaye matiwula a vamatune va tinvuta tako.