Eksodha 22:28 - Bhiblia Yo Sawuleka

²⁸ U nga ruketele valamuli, kambe u nga ruketele vathangeli va vathu vako, u nga va ruketele.

Eksodha 22:28 Referans Kwoze

Mithumo 23:5

Se Paulo a to khene: “Vanathu, ni ti si ti zivi ti to i mphaxeli wa hombe, nguko kubhatwe tito: ‘U nga thuke u txi ruka mfumeli wa ditiko dako.’ ”

Ekleziyaste 10:20

U nga ruketele mfumeli, hambi ngu mapimo ako, nikakudotho u nga ruketele nyatithombe, hambi u di nyumbani kwako; nguko sinyana sa nzumani si nga rwala mhaka ya kona, se sile si ku ni tibhapi si nga ya hangalasa mhaka.

Judha 1:8

Se ava va hanyisako toneto, kusisalelwani kwawe, va nyenyezisa mmidi wawe, ve kanyisa wukoma wa Txizimu, ni kuruketela mitumi ya nzumani.

2 Pedro 2:10

ngutu-ngutu avale va londetelako kunavela ka nzambwa, va txi ti ningela ka minavelo yo nyenyeza, va txi eyisa ni wuhi wukoma. Vathuvo va ti themba ngutu, va ti kukumukisa, kha va thavi kuruketela sivangwa so sawuleka sa txitimwi.

Eksodha 21:17

Awule a ruketelako tate wakwe mwendo mame wakwe, a na dawa.

1 Pedro 2:17

Vekani txithavo ka votshe vathu. Randani kuhanyelana. Thavani Txizimu. Thavani mfumeli.

Mithumo 23:3

Sekoko Paulo a to khene kwakwe: “Txizimu txi na kupeka, disetawe do pendwa! U zumbete ku ni lamula ngu mlayo, na kasi u ndaka mlayo, u txi rumela ku ni pekwa.”

Masalmo 138:1

Na bonga, Mkoma, ngu yotshe mbilu yangu; na embelela wudhumo wako masoni ka tingelozi.

Masalmo 32:6

Ngu mhaka yeto, ka mbimo ya kuxaniseka, votshe vale va kuthembako va na khongela kwako, u txi ngadi u maneka; hambi mati amangi ma txi khulunga, kha ma na mbi va hokela.

1 Samuwele 26:9

Se Dhavhidha a to khene ka Abhixayi: U nga mmahe txilo; nguko i mani a nga guletako diwoko dakwe ka msawuleki wa Mkoma asi mani mnandu kani?

1 Samuwele 24:10

Nyamsi u ti woni upune ti to Mkoma a ku ningete manzani kwangu ka diphala diya, vamwani va ni kuzetete ti to ni kudaya; kambe ni ku divalete, nguko ni ti khani: Kha ni na mbi nawuluta diwoko dangu ni wukela nyamne wangu, nguko mbo totwa wa Mkoma.

1 Samuwele 24:6

se a to khene ka vathu vakwe: Mkoma a na ni xayise ku ni si maheli nyamne wangu mhaka yiya, ka wule a nga totwa wa Mkoma, ngu kuguleta dianza dangu ni mwukela, nguko mbwo totwa wa Mkoma.

Levhi 24:16

Awule a ruketelako ditina da Mkoma, ngu ditshuri a na fa, wotshe msengeletano ngu ditshuri wu na m'balisela ngu marigwi. Hambi i di mluveli mwendo Muisrayeli, ngako a txi ruketela ditina da Mkoma, a na dawa.

Levhi 24:11

Awule i nga ti Muisrayeli ngu didhawa da mame dwe, a to womba mapswi a tshofu e ruketela Mkoma. Se ditina da mame wakwe i ti ti Xelomite, mwana Dhebhiri wa lihunzu la ka Dhani.

Levhi 24:15

U na womba ka vanana va ka Israyeli u txi khawe: Ni wuhi m'thu a ruketelako Txizimu txakwe, a na rwala kunemela ka txionho txakwe.

2 Samuwele 16:5

Se mbimo yile Dhavhidha a nga hoka Bhawurimi, ku to huma wamwamna wa lixaka la va ka Sawule, awule a nga ti dhanwa ku i Simeyi, mwana Gera; se a to ta a txi ruketela.

2 Samuwele 16:9

Sekoko Abhixayi, mwana Zeruiya, a to khene ka mfumeli: Ngu kutxani yimbwa yiya ya kufa yi ruketela mfumeli, nyamne wangu, kani? Ni leke ni pinda, ni ya mwila msungo!

2 Samuwele 19:21

Sekoko Abhixayi, mwana Zeruiya a to xamula, a txi khene: Ina koko kha na mbi dawa Simeyi, kule a nga ruketela wo totwa wa Mkoma kani?

1 Vafumeli 21:10

Mi veka masoni kwakwe vavamna vambidi, vanana va Bheliyali, va txi womba masoni kwakwe va txi kha vona: U ruketete Txizimu, ni mfumeli; se mi txi m'humisa hahanze mi txi m'balisela ngu marigwi, a txi fa.

Eksodha 13:2

Ni sawulekisele “otshe matiwula, hagari ka vanana va ka Israyeli, matiwula a vathu mwendo a sihari, nguko otshe ngangu.”

Eksodha 13:12

u na ningela ka Mkoma, votshe vanana va mazambi avale i ku matiwula, ni sifuyo sotshe sa matiwula sa vamatune si mi ku naso, nguko vanana vo khata va lumba Mkoma.

Eksodha 23:16

ni M'buso wa kuelulwa ka mihando yo khata yi u nga ti thumela, yi u no va u di phayile thembweni. Ni M'buso wa kuguma ka dilembe, mbimo yile u nova u di yi elute thembweni kwako.

Eksodha 23:19

Matiwula, mihando yo khata ya mafu, u na yi tisa Nyumbani ka Mkoma, Txizimu txako; u nga bhike txihongwana ngu masi a mame wa txona.