Eksodha 22:26 - Bhiblia Yo Sawuleka

²⁶ Ngako u txi ñola txyambalo txa muakelani wako ngu mhaka ya mnandu, u na mtshumetela na di si se swa ditambo,

Eksodha 22:26 Referans Kwoze

Mavingu 20:16

Awule a tumelako kudiha mnandu wa m'thu wo mbi m'ziva, a na thavise syambalo sakwe.

Amosi 2:8

Va otelako kumweko ka ni txihi txiluvelo, ka simaha sa minandu, ka tinyumba ta sizimu sawe, ve sela vhinya ya va vo diha minandu.

Dhewuteronome 24:6

U nga teke marigwi a mambidi a txigayo u txi zima mseve ngu ona, hambi dirigwi da txigayo da txitimwi, nguko eto ngu zima mseve ngu wutomi wa m'thu.

Ezekhiyele 18:16

kambe asi xanisi m'thu ni wammweyo, asi zumbiko ni so vekiswa, asi pi, a ningako sakudya ka wo pfa nzala, e ambeka wule i ku tximbwiri,

Ezekhiyele 18:7

asi xuphi ni m'thu mmweyo, a tshumetako ka nyamne asile a nga vekisa ngu sona, asi piko, a ningako sakudya ka wule a ku ni nzala, e ambeka wule i ku tximbwiri;

Mavingu 22:27

Ngako u si nga ni so diha ngu sona, ina kha va na mbi teka m'bhedhu wako kani?

Jobe 24:3

Va teka mbongola ya wo felwa ngu vaveleki; ve ñola homu ya noni ve vekisa ngu yona.

Dhewuteronome 24:17

U nga jikise mhaka ya mluveli ni ya wo felwa ngu vaveleki, kambe u nga amukele syambalo sa noni, si txi maha so zima mseve ngu sona.

Ezekhiyele 33:15

ngako m'bihiyo a txi tshumeta sile a nga ti vekisile, ni kudiha sile so piwa, e londeta sileleto sa kuhanya, asi mahi to biha, ngu ditshuri a na hanya, kha na mbi fa.

Jobe 24:9

Mwanana wo felwa ngu tate, a thaviswa tshumbuni, ve amukela txo vekiswa ngu txisiwana.

Jobe 22:6

Nguko u zimile mseve ngu vananu, ku si nga ni txilo, u va tshambute syambalo ve sala di simbwiri.

Jobe 24:7

Va otela wusiku wotshe va sa ambala simaha, ngu ku va va si nga ni so fenengela ve sisala pheho.

Jobe 34:28

kasi ku kudila ka txisiwana, ku txi hoka ka Txizimu, txi engisa kudila ka vanana vo xomuleka.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Masalmo 34:7

Ngelozi ya Mkoma ya vhikela avale va mthavako yi va hulusa ka tiphango.