Eksodha 22:24 - Bhiblia Yo Sawuleka

²⁴ se kuhenya kwangu ku na tura, kambe ni na maha a ti to mi txi fuviswa ngu ditshuri; vasikati vanu va na va tinoni, ni vanana vanu va txi maha sikulungu.

Eksodha 22:24 Referans Kwoze

Masalmo 109:9

Vanana vakwe va na felwe ngu tate wawe ni msikati wakwe a na mahe noni!

Jeremiya 15:8

Tinoni tawe ti engetekelani kupinda mtxhefa wa linene. Ni nehile mlovisi wu a dayako vamame va mazambi ni mitshikari. Ngu txidhukisa ni rumete txitimwi kwawe kuxaniseka ni kuthava.

Sidilo 5:3

Athu hi fetwe ngu vatate, vamame vathu va hindukile va txi nga tinoni.

Masalmo 69:24

Theketa txiviti txako txitimwi kwawe; va na hokelwe ngu dikhulo da kuhenya kwako!

Vahebheru 10:31

Ta thisa ngutu kuwela manzani ka Txizimu txi txi hanyako.

Luka 6:38

Hanani vamwani, kasiku na nanu mi na hiwa. Ha tikhanani kwanu ku na thelwa mpimo wa wunene, wo zindetwa, wu txi khusungelwa, wo tala wu txi thekela; nguko mpimo wu mi no pimela vamwani, ngu wonewo nanu mi no pimelwa ngu wona.”

Nahume 1:6

I mani a no ema masoni ka txiviti txa Mkoma kani? I mani a no timisela masoni ka kutura ka kuhenya kwakwe kani? Txiviti txakwe txi thekete ku nga mndilo, se marigwi ma hoxotilwe ngu ngene.

Jeremiya 18:21

Ngu konaho ningela vanana vawe nzalani, u va henjeleta kudawani ngu ditxhari; vasikati vawe va na felwe ngu vanana, ni kuva tinoni. Vamna vawe va na dawe ngu mtungu, ni mazambi awe ma na dawe ngu ditxhari kulwani.

Masalmo 90:11

I mani a sikotako kuziva mtamo wa kuhenya kwako kani? I mani asi thaviko wurena wa kuhenya kwako kani?

Masalmo 76:7

Awe, Mkoma, wa thisa ka votshe; kuwalo wo tsana e tserama masoni kwako, ngako u di henyile.

Jobe 31:23

Nguko txitsayiso txa Txizimu i ti ti txidhusa kwangu, se ani ni si sikoti kutsana ka wuhombe wa txona.

Masalmo 109:2

Vathu vo biha ni vathu va makuhu va womba kubiha ngu ngani, va womba makuhu ngu ngani.

Levhi 25:35

Ngako m'thu wa ka kwanu i di txisiwana, asi sikoti kuthuma, mu amukele e hanya kumweko ni nawe. Maha toneto hambi ni ka wule i ku mluveli, mwendo mtsimbili amu ditikoni.

Levhi 25:36

U nga lave dibhindu, kambe u nga m'dyelele, aniko thava Txizimu txako, u na zumba nayo mwananu.

Dhewuteronome 23:20

Ka vamatiko u na lombisa ngu kubhindulisa; aniko ka mwananu u nga lombise ngu kubhindulisa, kasi ku Mkoma, Txizimu txako, a na katekisa wotshe mthumo wa manza ako, ka ditiko dile di no kulumba.

Dhewuteronome 23:21

Ngako u txi xambanya txixambanyo txokari ka Mkoma, Txizimu txako, u nga swele kuhumisa txi u nga xambanya, ngu ditshuri Mkoma, Txizimu txako, a na vilela kwako, se u na maneka u di ni txionho.

Nehemiya 5:7

Se ni to alakanya mbiluni kwangu; ngu msana, ni to lwa ni sikhumukani ni valamuli, ni va gela tiya: Mmwani ni mmwani a nga bhindule ngu ka mwanawe. Aniko ni to va rambela msengeletano wa hombe.

Masalmo 15:5

awule a txenekisako male yakwe asi lavi dibhindu, hambi awule asi tumeliko kuxavelelwa kasi kuninga mnandu m'thu wo mbi na txionho. Awule a mahako tona eto kha na mbi va ni kurereka.