Eksodha 22:23 - Bhiblia Yo Sawuleka

²³ Se ngako ngu mamahelo okari mi txi va xupha, vona va txi dila kwangu, ani ngu ditshuri ni na engisa huwa yawe,

Eksodha 22:23 Referans Kwoze

Luka 18:7

Ina Txizimu txi nga tandeka kulamulela vasawuleki va txona, ni kutimisela ngu vona ava va dilako masoni ka txona, wusiku ni mitshikari, kani?

Masalmo 18:6

Kupandisekani kwangu ni dhani Mkoma, ni kombete txivhuno ka Txizimu txangu. Txi di Nyumbani ka txona txi engisile dipswi dangu, huwa yangu yi hokile tinzeveni ka txona.

Jobe 34:28

kasi ku kudila ka txisiwana, ku txi hoka ka Txizimu, txi engisa kudila ka vanana vo xomuleka.

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Jakobe 5:4

Wonani, male yi mi nga lamba kuholela sithumi si si nga elula tithembweni kwanu ya kwangula, se tihuwa ta vaeluli ti hokile tinzeveni ka Mkoma wa Mabutho.

Jobe 35:9

Va diliswa ngu mhaka ya kuxaniswa ka hombe; va diliswa ngu kutxikwa ngu diwoko da vahombe.

Masalmo 145:19

Ene a na maha kunavela ka vale va m'thavako; a na engisa kudila kwawe, kambe a va hanyisa.

Masalmo 140:12

Na tiziva ti to Mkoma, na emela mhaka ya wule wo tsindavetwa kumweko ni madingano a txikulungu.

Dhewuteronome 24:15

U na mninga hakhelo yakwe ka ditshiku donedo, di sanzi kuswa ditambo, nguko ene njisiwana, a themba yona hakeloyo: A nga dila ka Mkoma ngu mhaka yako, se awe u txi mana mnandu.

Eksodha 22:27

nguko adileya didhamba dakwe ni txyambalo txo sisa mmidi wakwe; se a na fenengela txani kani? Ngako a txi dila kwangu, ani ni na mu engisa, nguko ni wa wumbilu.

Dhewuteronome 10:18

Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Masalmo 68:5

Txizimu txi zumbako mu Dithepeleni ka txona ko sawuleka, i tate wa sikulungu, kambe m'vhikeli wa tinoni.

Sidilo 5:3

Athu hi fetwe ngu vatate, vamame vathu va hindukile va txi nga tinoni.