Eksodha 22:22 - Bhiblia Yo Sawuleka

²² Mi nga xupheni noni ni ya yimweyo, hambi wo felwa ngu vaveleki.

Eksodha 22:22 Referans Kwoze

Isaya 1:17

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.

Dhewuteronome 24:17

U nga jikise mhaka ya mluveli ni ya wo felwa ngu vaveleki, kambe u nga amukele syambalo sa noni, si txi maha so zima mseve ngu sona.

Isaya 1:23

Vathangeli vako va ni eyisa, va timaha vangana va makhamba; votshe va dhunda kuxavelelwa ni kuhakelwa; kha va mahi wunene ka vo felwa ngu vaveleki, ni timhaka ta tinoni kha ti hoki masoni kwawe.

Jakobe 1:27

Nguko, wukholwa wa ditshuri wo mbi na dikhwiti masoni ka Txizimu, Tate wathu, ngu kudingula va vo felwa ngu vaveleki, ni vale i ku tinoni, kuxanisekani kwakwe, ni ku ti vhikela kambe ka nzambwa ya ditiko.

Zakariya 7:10

se mi nga xaniseni noni, hambi wo felwa ngu vaveleki, ni wa matiko, ni txisiwana, mwendo kualakanyela wubihi mmwani ni mmwani ka mwanawe, mbiluni kwakwe.

Ezekhiyele 22:7

Tate ni mame va txhipisilwe kwako, va xanisile mluveli hagari kwanu, va khozisile wo felwa ngu vaveleki, kumweko ni noni.

Isaya 10:2

Kasi kuonha mhaka ya sisiwana, ve pela sisiwana sa ditiko dangu, kasi kuhanda tinoni, ni kupela vale vo felwa ngu vaveleki.

Dhewuteronome 27:19

“Dikhombo di nave ka wule a hambukisako fanelo ya mluveli, ni ya wo felwa ngu vaveleki, ni noni!” Vathu votshe va na womba va txi kha vona: “Amen!”

Dhewuteronome 10:18

Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo.

Dhewuteronome 24:18

Alakanya ti to na nawe u ti ti khumbi ditikoni ka Egipta, ni ti to Mkoma, a kuthavisile koneyo. Ngu toneto, ni kuleleta ti to u hanyisa toneto.

Jobe 31:16

Ngako ni di zumbile ni sile si nga txi verelwa ngu sisiwana, ni kupfhumisa maso a noni;

Mavingu 23:10

U nga thavise mihingano ya kale kambe u nga wulelele tithomba ta vo felwa ngu vaveleki,

Mavingu 23:11

nguko Mtiruli wawe mbwa mtamo; ene a na va emela, se awe e kuwukela.

Jeremiya 7:6

ngako mi si xanisi muwuyi, txisiwana ni noni, ngako mi si theketi mnoha wa va va singako ni mnandu ka wuwa wukhalo, hambi ni kulondetela simwani sizimu, miva ni makhombo ngu kota yawe;

Jeremiya 7:7

sekoko ni na mi maha mi aka ka wuwa wukhalo, ka ditiko di ni nga ninga vatate vanu kala kupinduka.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Dhewuteronome 15:9

Ti wonele ti to ku si maneki mipimiso yo biha mbiluni kwako, u txi khata kuwomba u txi khawe: Da hoka dilembe da wutxhanu ni mambidi, dilembe da kudivalela sikweneti, se u txi wona mwanana wa txisiwana ngu maso o biha, u si mningi txilo; ene a na dila ka Mkoma ngu ngawe, se awe u na va ni txionho.

Jobe 34:28

kasi ku kudila ka txisiwana, ku txi hoka ka Txizimu, txi engisa kudila ka vanana vo xomuleka.

Masalmo 10:14

Aniko awe wa wona kupandiseka ni kuxaniseka, totshe wa ti wonisisa, ni kukhatala ngu tona. Va tutumela kwako ava vo mbi na m'vhikeli ni va vo felwa; awe ngawe m'vhuneteli wawe.

Masalmo 34:7

Ngelozi ya Mkoma ya vhikela avale va mthavako yi va hulusa ka tiphango.

Mavingu 22:23

Nguko Mkoma a na emela mhaka ya mxaniseki kulamulwani, kambe a na thavisa wutomi wa vale va va pelako.

Matewu 23:14

[Mi na ni dikhombo, anu vabhali ni nanu Vafarisi, vaxengeteli! Mi moxako silo sa tinoni, mi txi va xenga ngu mikombelo yo lapha; ngu toneto mi na lamulwa ngu malamulelo o karata ngutu.”]