Eksodha 22:21 - Bhiblia Yo Sawuleka

²¹ U nga xuphe mluveli kambe u nga m'dyisete; nguko nanu mive valuveli ditikoni ka Egipta.

Eksodha 22:21 Referans Kwoze

Dhewuteronome 10:19

Ngu toneto, randani mluveli, nguko nanu mi ti ti valuveli ditikoni ka Egipta.

Eksodha 23:9

U nga xuphe mluveli; anu ma kuziva kuxupheka kwakwe, nguko nanu mi ti ti valuveli ditikoni ka Egipta.”

Levhi 19:33

Se ngako mluveli a txi ta zumba ka ditiko danu, mi nga mxupheni.

Zakariya 7:10

se mi nga xaniseni noni, hambi wo felwa ngu vaveleki, ni wa matiko, ni txisiwana, mwendo kualakanyela wubihi mmwani ni mmwani ka mwanawe, mbiluni kwakwe.

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Jeremiya 7:6

ngako mi si xanisi muwuyi, txisiwana ni noni, ngako mi si theketi mnoha wa va va singako ni mnandu ka wuwa wukhalo, hambi ni kulondetela simwani sizimu, miva ni makhombo ngu kota yawe;

Dhewuteronome 23:7

U nga nyenye muedhomi, nguko i mwananu; hambi kunyenye Muegipta, nguko u ti ti mluveli ditikoni kwawe.

Levhi 25:35

Ngako m'thu wa ka kwanu i di txisiwana, asi sikoti kuthuma, mu amukele e hanya kumweko ni nawe. Maha toneto hambi ni ka wule i ku mluveli, mwendo mtsimbili amu ditikoni.

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Jeremiya 22:3

“Mkoma a khene: Lamulani ngu fanelo ni kululama, mi txi hulukisa wu a handwako manzani ka mtsindaveti, mi nga xaniseni mluveli, ni txisiwana, ni noni, mi nga va tsindaveteni, hambi kutheketa mnoha wa va va kuwalo mnandu ka wuwa wukhalo.”

Dhewuteronome 15:15

Alakanya ti to na nawe u ti ti khumbi ditikoni ka Egipta, ni ti to Mkoma, Txizimu txako, a ku tirute; ngu mhaka ya toneto, ani na kuninga mlayo wuwa nyamsi.

Levhi 19:13

U nga xuphe mkwanu kambe u nga mpele sakwe; muholo wa mthumo wu a thumako u nga zumbe nawo manzani kwako, kala ditshiku da mangwana.

Levhi 19:34

Mluveli wule a zumbako ni nanu a na va a txi xayiswa ku nga mmweyo wa va ka kwanu, u na mranda nga ti u ti randisako tona awe upune, nguko nanu mi ti valuveli ditikoni ka Egipta: Ani ngani Mkoma, Txizimu txanu!

Dhewuteronome 1:16

Ka mbimo yoneyo, ni leletete ka vathangeli vanu ni txi khani: Engisani timhaka ta vananu, mi txi lamula ngu kululama mhaka ya m'thu ni mwanawe, mwendo ni mluveli wu a hanyako nayo.

Dhewuteronome 23:16

Khumbiyo yi na zumba ni nawe, hagari ka vathu vako, amu ditikoni kwako, ka wukhalo wu yona yi no wu sawula, amu ka dimwedo da madhoropa ako, adi yi no di lava; u nga yi xuphe!

Dhewuteronome 27:19

“Dikhombo di nave ka wule a hambukisako fanelo ya mluveli, ni ya wo felwa ngu vaveleki, ni noni!” Vathu votshe va na womba va txi kha vona: “Amen!”

Masalmo 146:9

Mkoma wa xayisa valuveli; wa xayisa vo felwa ngu vaveleki, ni tinoni, aniko wa weketa nzila ya vaonhi.

Ezekhiyele 22:7

Tate ni mame va txhipisilwe kwako, va xanisile mluveli hagari kwanu, va khozisile wo felwa ngu vaveleki, kumweko ni noni.

Dhewuteronome 10:18

Awu a emelako avale vo felwa ngu vaveleki, ni tinoni, kambe wa randa mluveli, a txi mninga sakudya ni syambalo.

Dhewuteronome 24:17

U nga jikise mhaka ya mluveli ni ya wo felwa ngu vaveleki, kambe u nga amukele syambalo sa noni, si txi maha so zima mseve ngu sona.

Jobe 6:27

Aniko, kukhata, mo xaxuvela tixolo txikulungu, mi dyelelwa, mi ningela walo mngana wanu.

Isaya 1:17

Gondani kumaha ta tinene; lavani kululama, vhunani va va xanisekako, mi seketela vo felwa ngu vaveleki, mi lwela tinoni.