Eksodha 22:15 - Bhiblia Yo Sawuleka

¹⁵ Ngako nyamne wa txona a diho, kha na mbi txi diha; ngako txi di ko lombwa, a na diha ngu mtengo wo lomba ngu wona.

Eksodha 22:15 Referans Kwoze

Zakariya 8:10

Nguko ma sinzi kuhoka masiku awa, ku si nga ni kuholelwa ka vathu, hambi ni kudihelwa ka sifuyo; kambe ku ti si nga ni kudikha ka wule a nga ti ti wulela, ni ka wule a nga ti ti huma, ngu mhaka ya mlala, nguko ani ni kujetete votshe vathu, ti to mmweyo ni mmweyo e wukela mmwani m'thu.

Eksodha 22:14

Ngako m'thu a di lombile txokari ka muakelani wakwe, se txi txi ta onhwa mwendo kudawa, nyamne wa txona na asi nga ho, ngu ditshuri a na txi diha.

Eksodha 22:16

Ngako m'thu a txi kanganyisa a txi otela ngu kukurumeta ni mbiri yokari yi nga ti sanzi kuwutwa, ngu ditshuri a fanete e yi teka yi txi va msikati wakwe.

Genesisi 34:12

Engetelani lowolo yayingi kwangu, ni txiningo, se ni na mi ninga si mi no si kombela; anu koko ni ningeni mwanana wanu, e maha msikati wangu!”

Dhewuteronome 22:29

sekoko wamwamna wule a nga otela nayo, a na diha ka tate wa dihorana male ya mtxhanu wa magumi a maxekele a silivhela; se dihorana di na va msikati wakwe, nguko a di mahisile tingana; ngu toneto ene kha na mbi sikota ku mtutumisa, ka otshe masiku a kuhanya kwakwe.