Eksodha 22:13 - Bhiblia Yo Sawuleka

¹³ Aniko ngako txifuyo txi di datwe ngu txihari txa txitinga, a na txi tisa txifuyotxo txi nga dawa, kasi ku ta maha wufakazi, se kha na mbi diha txilo txo vhandamulelwa.

Eksodha 22:13 Referans Kwoze

Nahume 2:12

Ngonyamo yi ti ti phatulela asi si nga ti dingana vanana va yona, kambe yi ti ti kama makolo a sihari kasi kuya ninga tingonyamo ta mikati, ni ku tata dizumbo da yona ngu mipfimba, ni maphala a yona ngu so xotwa.

Mika 5:8

Se miboti ya ka Jakobe yi na va hagari ka matiko, hagari ka vathu vavangi, kufana ni ngonyamo hagari ka sihari sa txitinga, ku nga txingonyamoana hagari ka mitxhambi ya tinvuta, ngako txi txi pinda, txi na ti ganyatela ni ku ti phatulela, ku si maneki ni wo ti lwela.

Amosi 3:12

Mkoma a womba tiya: Ku nga m'dyisi a hulukisako minenge yimbidi ya nvuta mkanani ka ngonyamo, mwendo txipembwana txa nzeve, va na hulukisisa toneto vanana va ka Israyeli va hanyako Samariya, ka misingo yo zumbiseka ni mu ka mataho a manene.

Ezekhiyele 4:14

Sekoko ani ni to khani: O! Mkoma Txizimu! Moya wangu kha wa bihiswa, nguko kha ni zivi ku nga dya txokari txa kufa, mwendo txo phatulelwa, kukhukhela wujahani kwangu kala kuwa, hambi nyama yo nyenyeza kha ya wulela mkanani kwangu.

Eksodha 22:12

Aniko ngako txihari txi di pitwe ngu ditshuri, a fanete kudihwa kumbidi ka nyamne wa txona.

Eksodha 22:14

Ngako m'thu a di lombile txokari ka muakelani wakwe, se txi txi ta onhwa mwendo kudawa, nyamne wa txona na asi nga ho, ngu ditshuri a na txi diha.