Eksodha 22:10 - Bhiblia Yo Sawuleka

¹⁰ Ngako m'thu a txi vekela ka mmwani, mbongola, homu, mwendo txihi ni txihi txihari, se txi txi maneka txi txi fa, mwendo kulimala, mwendo txi txi mwalala, aha ko txi si manwi ngu m'thu,

Eksodha 22:10 Referans Kwoze

2 Timoti 1:12

Ngu toneto, ni xanisekelako tona. Aniko kha ni na tingana, nguko ani na m'ziva awu ni thembako ene, na tiziva ngu ditshuri ti to ene ana ni mtamo wa kuveketa asi a nga ni vekela manzani kwangu, kala kedo ditshiku.

Luka 16:11

Ngu toneto, ngako mi sa ziva kumaha vo thembeka amu kuxayisani ka txuma txi i ku si nga txa txinene, mi na sikotisa kutxani kumahwa vaxayisi va sile i ku sa sinene kani?

Luka 12:48

Aniko, awule a nga mbi kuziva kuranda ka nyamne wakwe, se a txi maha to fanelwa ngu kukwapelwa, a na kwapwa ka kudotho. Awule a nga ningwa sasingi, kwakwe ku nata lawa sasingi; ani wule a nga vekelwa sasingi, kwakwe ku nata vilwa sasingi.”

Genesisi 39:8

Kambe Josefa a to lamba, a txi gela wule wamsikati wa kata nyamne wakwe, a txi khene: “Ngako ni diho hawa, nyamne wangu kha vileli txilo ka totshe ti ti mahekako m'tini hawa kwakwe, asi vekile manzani kwangu sotshe asi si mlumbako.

Eksodha 22:9

Ni yihi mhaka ku singako ni kupfana, mwendo ngu homu, mwendo ngu mbongola, mwendo ngu nvuta, mwendo ngu txyambalo, mwendo ngu tximwani txo maha txi nga mwalala, atxi txi wombwako ti to nja nombwe, mhaka ya kona yi na yiswa ka Txizimu. Atile Txizimu txi no womba ti to ana ni mnandu, a na diha e tshumeta ngu kuwuyeta kambidi wa kona.

Eksodha 22:11

sekoko ku na vaho txixambanyo masoni ka Txizimu hagari kwawe vavambidi, txa ti to kha pa txilo ka thomba ya mwakelani wakwe; se nyamne wa kona a na tumela, awule mmwani kha na mbi diha.