Eksodha 21:8 - Bhiblia Yo Sawuleka

⁸ Se ngako asi tsakisi masoni ka nyamne wakwe, awule a nga mxava, a na tumela to e tirulwa. Kambe asi mxavisi ka vanyamthuvo, nguko a mkanganyisile.

Eksodha 21:8 Referans Kwoze

Valamuli 14:3

Aniko tate wakwe ni mame wakwe, va to kha vona kwakwe: “Ina kha ku nga wamsikati hagari ka vanana vamahorana a vananu, hambi hagari ka votshe vathu vangu, aha koza awe u txi ya lava msikati ka Vafilista, ka vona vale va kwa mbi ya wukwerani kani?” Aniko Samusoni a to khene ka tate wakwe: “Ni lowoleleni wuwa, nguko ngene a ni tsakisako.”

Valamuli 9:19

se ngako ngu ditshuri ni kutsanisa, mi di thumile ni Jerubhahali ni nyumba yakwe, nyamsi, tsakani ni Abhimeleki, nene a na tsake ni nanu.

Dhewuteronome 20:7

Niku i mani a nga tekana ni wamsikati wokari, a sanziko ku muamukela kani? A na khukhe a txi tsula m'tini kwakwe, kasi asi fi yimbini, se mmwani m'thu a txi sala e mteka.”

Eksodha 8:29

Se Mosi a to khene: “Konkuwa ni no maneka ni di humile hawa, ni na khongela ka Mkoma. Mangwana mabhawu, ma na thava ka Faro, ni ka mahalamu akwe, ni ka vathu votshe; aniko Faro a nga engete a txi ni dyelela, asi leki vathu va txi tsula kuya maha mphaxo ka Mkoma.”

Genesisi 28:8

Esawu a ti zivile kambe ti to mahorana a Kanana kha ma tsakisi tate wakwe Isaake.

Jobe 6:15

Vanathu va ni amukete ngu wuviyaku, va nga txinambwana, nga mati a sinambwana maphwako.

1 Samuwele 18:8

Sekoko Sawule a to henya ngutu, ni dipswi dile di to maneka di di bihile masoni kwakwe; se a txi khene: Digumi da magumi a mazana va ningile Dhavhidha, kambe ani digumi da mazana dwe; kha ditshuri, a kelelelwa ngu txani, hi nga mfumo dwe kani?

1 Samuwele 8:6

Kambe dipswi e do di manekile di di bihile masoni ka Samuwele, mbimo yile va nga kha vona: Hi ninge mfumeli, kasiku e hi lamula. Se Samuwele a to maha mkombelo ka Mkoma.

Eksodha 21:7

Se ngako m'thu wokari a txi xavisa mwanana wakwe wa dihorana, ngu wukhumbi, ene kha na mbi txhatxheka ku nga khumbi ya wamwamna.

Eksodha 21:9

Ngako a txi mxavela mwanana wakwe wa mfana, ene a na mxayisisa ku nga mwanana wakwe wa dihorana.

Ezekhiyele 15:8

Se ni na maha ti to ditiko di txi xaselwa, ngu mhaka ya ku va nga ni eyisa ngutu, kuwomba Mkoma Txizimu.