Eksodha 21:34 - Bhiblia Yo Sawuleka

³⁴ nyamne wa dona diphaledo, a na diha ngu male ka nyamne wa txihari ngu mtengo wa txona, aniko txihari atxile txi nga dawa txi na va txi txi mlumba ene.

Eksodha 21:34 Referans Kwoze

Eksodha 22:14

Ngako m'thu a di lombile txokari ka muakelani wakwe, se txi txi ta onhwa mwendo kudawa, nyamne wa txona na asi nga ho, ngu ditshuri a na txi diha.

Eksodha 22:6

Ngako wuhya wu txi hisa txitinga, wu txi tshapela ka thembwe ya mmwani, wu txi hisa fulaho mwendo siyalo hambi txitinga, awule a nga hisa wuhya, a na diha sotshe sile si nga hiswa.

Eksodha 21:33

Ngako m'thu a txi leka diphala di di asamile, mwendo wo kela diphala asi tshumeli a txi di kuletela, se ka dona ku txi hojomela homu mwendo mbongola,

Eksodha 21:35

Ngako homu ya m'thu wokari yi txi dhina homu ya mmwanwe yi txi fa, sekoko va na xavisa homu yile yi hanyako va txi abana male ya kona, se ni nyama ya homu yile yi nga dawa, va na abana kambe nyama ya kona.

Eksodha 22:3

Ngako di ti humile ditambo di txi muwoninga, a na mana mnandu wa kutheketa mnoha. Dikhamba di na dihela sotshe sile di nga pa; se ngako di si nga ni so diha ngu sona, di na xaviswa ngu mhaka ya wukhokhokho.

2 Samuwele 12:6

Se a na diyela txi nvutana ngu kuningela mune wa sona, nguko a mahile mhaka yo ngeto asi nga ni kupfela wusiwana.

Mavingu 6:31

aniko di txi manwa, di na diha ngu kupinda mtxhanu wa makhati ni mambidi; di na ningela yotshe thomba ya m'tini ka dona.

Ezekhiyele 33:15

ngako m'bihiyo a txi tshumeta sile a nga ti vekisile, ni kudiha sile so piwa, e londeta sileleto sa kuhanya, asi mahi to biha, ngu ditshuri a na hanya, kha na mbi fa.