Eksodha 21:33 - Bhiblia Yo Sawuleka

³³ Ngako m'thu a txi leka diphala di di asamile, mwendo wo kela diphala asi tshumeli a txi di kuletela, se ka dona ku txi hojomela homu mwendo mbongola,

Eksodha 21:33 Referans Kwoze

Jeremiya 18:22

Tihuwa ti na pfale tinyumbani kwawe; ka dona ditshiku di u tisako makhokhokho kwawe ngu txidhukisa. Nguko va kete diphala da hombe da kuniwuleta ka dona ni kuriyela milawu mikondoni kwangu.

Jeremiya 18:20

Ina wunene wu nga tshumetelwa ngu wubihi kani? Nguko va kete diphala kasi wu txi wulela muhefemulo wangu. Alakanya ti taku ni emile masoni kwako, kuva ni womba-womba ngu wunene wako ni kutshumetela kule navo kuhenya kwako.

Ekleziyaste 10:8

Awule a kelako diphala a na wela ka dona, ni wu a dhodako diseta a na lumwa ngu mnyoka.

Mavingu 28:10

Awule a jikisako vo lulama ve huma e va yisa ka nzila yo biha, ene apune a na wa ka dona diphaledo dakwe; aniko avale va ditshuri va na wuyelwa ngu wunene.

Masalmo 119:85

Va kutiguleta, avale va si khataliko ngu milayo yako, va kete maphala masoni kwangu.

Masalmo 9:15

Mahedheni ma hujumete ka diphala di ma ngadi kela; litshenga li va nga li riya li va bzwetile mikondo.

Eksodha 21:32

aniko ngako homu yi txi dhina khumbi ya wamwamna mwendo ya wamsikati, nyamne wa homu a na diha ngu male ya magumi mararu a maxekele a silivhela ka nyamne wa khumbi, ni homu ya kona yi na baliselwa ngu marigwi.

Eksodha 21:34

nyamne wa dona diphaledo, a na diha ngu male ka nyamne wa txihari ngu mtengo wa txona, aniko txihari atxile txi nga dawa txi na va txi txi mlumba ene.

Levhi 24:18

Ni wule a dayako txifuyo txa vane, a fanete kudihela ngu tximwani txo hanya; wutomi wu dihelwa ngu wutomi.