Eksodha 21:2 - Bhiblia Yo Sawuleka

² “Ngako u txi xava khumbi ya Muhebheru, yi na kuthumele mtxhanu wa malembe ni dimwedo; aniko dilembe da wutxhanu ni mambidi, yi na huma ngu kutxhatxheka, yi si diheli txilo.”

Eksodha 21:2 Referans Kwoze

Dhewuteronome 15:18

Ti nga ku mahe u txi karateka ngu mhaka ya ku mleka e tsula, nguko ene a kuthumete mtxhanu wa malembe ni dimwedo, a ku mahete dibhindu da sithumi simbidi, se Mkoma, Txizimu txako, a na kukatekisa ka totshe ati u no ti maha.

Eksodha 12:44

Kambe ni yihi khumbi yile yi nga xawa ngu male, msana ka kuva yi di sinyisilwe wukwera, sekoko yi na dya m'buso wa Pasika.

Nehemiya 5:8

Se ni txi khani: Athu hi hulukisile Vajudha, madingano ni mtamo wathu, i ku vanathu, avale va nga xaviswa ka vamatiko, se anu kambe mi lava kuxavisa vananu, kasi kuveta xaviswa kwathu kani? Sekoko va to malala, va txi kayee.

Dhewuteronome 31:10

se Mosi a to va leleta a txi khene: Ngu msana ka mtxhanu wa malembe ni mambidi, ngu txikhati txa dilembe da kudivalelana minandu, ngu mbimo ya m'buso wa matenda,

Dhewuteronome 15:1

Kugumani ka mtxhanu wa malembe ni mambi, u na divalela minandu.

Eksodha 22:3

Ngako di ti humile ditambo di txi muwoninga, a na mana mnandu wa kutheketa mnoha. Dikhamba di na dihela sotshe sile di nga pa; se ngako di si nga ni so diha ngu sona, di na xaviswa ngu mhaka ya wukhokhokho.

1 Vakorinto 6:20

Nguko mi xavilwe ngu txuma txa hombe; dhumisani Txizimu koko mmidini kwanu, ni moyani kwanu, asi si lumbako Txizimu.

Matewu 18:25

Se ngako a di pwati so dihela ngu sona, nyamne wakwe a to rumela ku e xaviswa ene ni msikati wakwe ni vanana vakwe ni sotshe si a nga ti naso, kufela ku na dihela mnandu wule.

2 Vafumeli 4:1

Se mmweyo hagari ka vasikati va vanana va vaprofeti, a to peka huwa ka Elixa a txi khene: Mwamna wangu, i ku txithumi txako, a fite. Kambe awe wa tiziva ti to txithumi txako, txi ti ti ni txithavo ka Mkoma, se awule a ngadi ni mnandu kwakwe a ti ta teka vanana vangu vavambidi, kuya va maha tikhumbi takwe.

Genesisi 27:36

Sekoko Esawu a to engeta, a txi khene: “Kha ditshuri, ngu tona tiya va nga mraya ngu tona ditina daku i Jakobe, nguko se nda wumbidi a txi ni dyelela. Kukhata a tekile wutiwula wangu, se konkuwa a tekile txikatekiso txangu.” Se a txi sanzekela mapswi a ku khene: “Ina khwa ni siyela ni txa tximwetxo txikatekiso kani?”

Genesisi 27:28

Txizimu txi na ku nisela mwando wa nzumani, txi kuninga mafu o nona; ni kupfuna ka fulaho ni vhinya.

Eksodha 21:3

Ngako awule wa khumbi a di tile ekha, a na tshumela ekha; ngako a di tile ni msikati, msikati wakwe a na tshumela nayo.

Eksodha 21:7

Se ngako m'thu wokari a txi xavisa mwanana wakwe wa dihorana, ngu wukhumbi, ene kha na mbi txhatxheka ku nga khumbi ya wamwamna.

Levhi 25:54

Ngako asi tirulwi ngu nzila yiya, a na va a txi tekiswa ngu ka dilembe da kutsaka ka hombe, kumweko ni vanana vakwe.