Eksodha 21:16 - Bhiblia Yo Sawuleka

¹⁶ Awule a pako m'thu a txi mxavisa, mwendo e ta manwa nayo manzani kwakwe, a na dawa.

Eksodha 21:16 Referans Kwoze

Dhewuteronome 24:7

Ngako m'thu a txi kuretwa a di ruruvisile Muisrayeli kulowe, kasi ku mmaha khumbi yakwe, mwendo kuve a txi mxavisa, edo dikhamba di fanete kudawa. Ngu toneto, u na fuvisa wubihi hagari kwanu.

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Eksodha 22:4

Ngako a txi manwa naso manzani sile a nga pa, hambi i di homu mwendo mbongola, mwendo kambe i nvuta, a na diha kambidi.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Genesisi 40:15

nguko, ni to pfhukulwa ditikoni ka Vahebheru; hambi ni kona hawa kha na maha txilo txo biha, txa kuza ni ta wuletwa diphalani muwa.”

Mtuletelo 18:12

Mirwalo ya nzalama ni ya silivela, marigwi o dhula ni tidhayimana, tinguwo ta linya ni disilika, ni sedha ni tinguwo to bhilivila, ni totshe tixaka ta mapulango o bhumula, ni simaha sa kumahwa ngu makwasa a tinzofu; ni mapulango a lisima la hombe, ni siya sa koporo ni sa simbi, ni sa marigwi a lisima;

Eksodha 20:15

U nga pe.

Eksodha 21:15

Awule a pekako tate wakwe mwendo mame wakwe, a na dawa.