Eksodha 21:14 - Bhiblia Yo Sawuleka

¹⁴ Ngako m'thu a txi daya mmwani khakwenye, hambi nga ti a di ha digandeloni kwangu, u na mñola u txi mruruvisa u txi ya m'daya nene.

Eksodha 21:14 Referans Kwoze

Vahebheru 10:26

Nguko, ngako hi txi onha khakwenye, na hi txi di ziva ditshuri ta tinene, kha ku nga ngadi ni mhamba yimwani yo thavisa sionho.

2 Pedro 2:10

ngutu-ngutu avale va londetelako kunavela ka nzambwa, va txi ti ningela ka minavelo yo nyenyeza, va txi eyisa ni wuhi wukoma. Vathuvo va ti themba ngutu, va ti kukumukisa, kha va thavi kuruketela sivangwa so sawuleka sa txitimwi.

Masalmo 19:13

Kambe hulukisa txithumi txako amu ko tikulisa; kasi ku ku si fumi kwangu; ngu kumaha keto, ni na va ni di thembekile, ni si nga ni txisolo ni txi ti hulukisa ka sionho sa hombe.

2 Vafumeli 11:15

Ngu konaho, mphaxeli Joyadha a to gela vathangeli va mazana va nga txi thangela tiyimbi ku khene: M'humiseni hahanze ka titxhatxha ta vawoneleli, se ni wuhi a no lava ku mlwela, m'dayeni ngu ditxhari. Nguko mphaxeli a ti khene: Mi nga m'dayeleni Nyumbani ka Mkoma.

2 Samuwele 3:27

A di hokile koko, Abhineri kona Hebroni, Jowabhi a to m'dhana ngu txihunja ha txikeni, nga o lava kuya mlengela to kari, se eya m'daya koneho ngu ha ka limbavhu la wutxhanu, a txi fa ngu mhaka ya mnoha wa Asayeli, mwanawe.

Dhewuteronome 27:24

“Dikhombo di nave ka wule a dayako muakelani wakwe kusisalani!” Vathu votshe va na womba va txi kha vona: “Amen!”

Dhewuteronome 18:22

Ngako mprofeti a txi womba-womba ngu ditina da Mkoma, aniko mhakeyo yi si maheki mwendo yi si humeleli, tikomba ti to mhakeyo kha ya wombwa ngu Mkoma; mprofeti eneyo a wombawombile ngu kutiguleta, u nga mthave.

Dhewuteronome 1:43

Kambe ni mi gete ngu toneto. Hambi keto, kha ma ni engisa, mi to kaneta kuleleta ka Mkoma: Mi kwela mmango ngu txikanyiso.

Eksodha 21:15

Awule a pekako tate wakwe mwendo mame wakwe, a na dawa.

Mitengo 35:16

Ngako a txi dayisa m'thu ngu simbi, a txi fa, m'dayi ngu ditshuri; m'dayi a nafa.

Mavingu 28:17

Awu a ti rwekako mnandu ngu kudaya m'thu, a na ya gwitela nawo diphalani, kha nga ho a no muemisa.