Eksodha 21:1 - Bhiblia Yo Sawuleka

¹ Ayiya ngu yona milayo yi u no vekela va ka Israyeli:

Eksodha 21:1 Referans Kwoze

Dhewuteronome 4:14

Kambe yoneyo mbimo, Mkoma a ni rumile ti to ni txi mi gondisa milayo ni sileleto, kasi ku mi txi yi veketa, mi di ka ditiko dile mi yako ka dona, kasi kuya di fuma.

Dhewuteronome 6:20

Ka mbimo yi yi tako, ngako mwanana wako a txi ku wotisa, a txi khene: “Wufakazi, ni milayo ni sileleto, asi Mkoma, Txizimu txathu, a nga mi gela, si womba txani kani?”

1 Vatesalonika 4:1

Ngu kugwitisa, vanathu, athu hi mi kombela ni ku mi laya ngu ka Mkoma Jesu. Anu mi gondile kwathu ati mi fanelako kuhanyisa tona, kasiku mi txi tsakisa Txizimu. Se, ngu toneto mi fanelako kuhanyisa tona, simamisani mi anda ka toneto.

Matewu 28:20

mi txi va gondisa kuvekisa totshe tiya ni nga mi leleta tona. Se wonani, ni ni nanu yotshe mbimo, kala kugumani ka mafu.”

Malakiya 4:4

Alakanyani Mlayo wa Mosi, txithumi txangu, awu ni nga wu rumela kwakwe kona Horebhi ka votshe va ka Israyeli, awu i ku sileleto ni wulamuli.

Ezekhiyele 20:25

Nguko ni va ningile sileleto sa kuva i nga si nga sa sinene, ni milayo yile va nga ti si dingani kuhanya ngu yona;

Ezekhiyele 20:11

Ni va ningile sileleto sangu, ni ku va komba milayo yangu, ngako m'thu a txi si londeta, a na hanya ngu sona.

Masalmo 147:19

Ene wa rumela mahungu akwe ka va ka Jakobe, mithetho yakwe ni milayo yakwe ka va ka Israyeli.

Nehemiya 10:29

va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;

2 Makronika 19:10

Vananu ava va zumbako madhoropani kwanu va na mi tisela timhaka ti ti humelela timwayani kwawe,

1 Vafumeli 6:12

Kasi ngu mhaka ya nyumba yi u nga yi aka, u txi tsimbila ngu sileleto sangu, u txi maha wululamo wangu, ni kuveketa sirumo sangu, u tsimbila ka sona, ni na tsanisa ni nawe dipswi dangu, adi ni ngadi womba ka Dhavhidha, tate wako;

Dhewuteronome 6:1

“Ayiya koko, ngu yona milayo ni sileleto ni mithetho, asi Mkoma, Txizimu txanu, a nga ruma ti to ni mi gondisa, kasi ku mi txi si maha, ka ditiko di mi yako ka dona, mi txi ya di fuma.

Dhewuteronome 5:31

Kambe awe, zumba kona hawa ni nani, ni txi ku geletela sotshe sirumo, ni milayo, ni sileleto si u no ya va gondisa, kasi kuva txi ya si maha ka ditiko dile ni no va ninga va txi di fuma.”

Dhewuteronome 5:1

Se Mosi a to dhana votshe va ka Israyeli a txi ta va gela ku khene: “Engisa, awe Israyeli, milayo ni sileleto si nyamsi ni huwelelako tinzeveni kwanu. Si gondeni, mi si xayisa ni ku si vekisa.”

Dhewuteronome 4:45

Asiya nzirumo ni milayo ni sileleto si Mosi a nga gela vanana va ka Israyeli, ngako va di humile Egipta.

Dhewuteronome 4:8

Se ngu vahi vahombe va va ku ni sileleto ni milayo, sa ditshuri, so fana ni wotshe mlayo wu ni mi ningako nyamsi kani?

Dhewuteronome 4:5

Wonani ani ni mi gondisile milayo ni sileleto, madingano ni ti Mkoma, Txizimu txangu, a nga ni rumisa tona, ti to mi txi si londeta, amu ka ditiko di mi no wulela ka dona, mi txi di fuma.

Mitengo 36:13

Ayi ngu yona milayo ni sileleto si Mkoma a nga ruma ngu dianza da Mosi ka vanana va ka Israyeli, libalani ka va ka Mowabhi, hafuhi ni Jordhani, ka Jeriko.

Mitengo 35:24

sekoko msengeletano wu na lamula hagari ka wule a nga dayiswa ni ka mphoteli, madingano ni milayo yiya.

Levhi 20:22

Vekisani koko sotshe sileleto sangu, ni milayo yangu, mi txi yi londeta, kasi ku ditiko di ni mi yisako ka dona kuya zumba kona, di si mi kosi.

Levhi 19:37

Mi na vekisa sotshe sileleto sangu, ni kulondisa yotshe milayo yangu: Ani ngani Mkoma!

Levhi 18:26

Kambe mi fanete kulondeta milayo yangu ni mithetho yangu, mi si maheteli timhaka to thisa hagari kwanu, anu vanyamne va ditiko, kumweko ni valuveli.

Levhi 18:5

Mi fanete kuxayisa milayo yangu ni mithetho yangu, nguko yona ya tsanisa wutomi, ka wule a yi londetako! Ani ngani Mkoma!

Eksodha 19:7

Mosi a to ramba madhota otshe a vathu a txi va txhamusela kambe ona mapswi aale Mkoma a nga m'gela ona.

Dhewuteronome 15:12

Ngako mwanangu wa Muhebheru mwendo ndiyako ya Muhebheru a txi ti xavisa kwako, ene a na kuthumela mtxhanu wa malembe ni dimwedo, aniko amu ka dilembe da wutxhanu ni mambidi, u na mleka e tsula.