Eksodha 20:9 - Bhiblia Yo Sawuleka

⁹ U na thuma amu ka mtxhanu wa masiku ni dimwedo, u txi maha yotshe mithumo yako.

Eksodha 20:9 Referans Kwoze

Luka 13:14

Kambe mthangeli wa disinagoga a to henya, nguko Jesu a nga hanyisa m'thu ngu Sabbata. Se e gela vathu a txi khene: “Ku na ni masiku a mtxhanu ni dimwedo, ayawa vathu va tumelelwako kuthuma ngu ona; ngonani ngu ona mi ta hanyiswa, i si nga ngu ditshiku da Sabbata.”

Eksodha 34:21

U na thuma amu ka mtxhanu wa masiku ni dinwedo aniko ngu ditshiku da wutxhanu ni mambidi u na humula, hambi i di ditshiku da mbimo ya txidimo mwendo mbimo yo elula.

Eksodha 23:12

Amu ka mtxhanu wa masiku ni dimwedo u na maha mithumo yako; se ka ditshiku da wutxhanu ni mambidi u na humula, kasiku homu yako ni mbongola yako si mana kuhumula, kasiku mwanana wa khumbi yako a txi mana ku hefu, kumweko ni mluveli wako.

Levhi 23:3

Mi na maha mithumo mu ka mtxhanu wa masiku ni dimwedo, aniko ditshiku da wutxhanu ni mambidi, i Sabbata yo humula, msengeletano wo sawuleka; kha mi na mbi maha mthumo ni wawumwewo; i Sabbata ya Mkoma kotshe mu mi zumbako kona.

Eksodha 35:2

Amu ka mtxhanu wa masiku ni dimwedo mndani ka divhiki, mi nga sikota kuthuma totshe, aniko ngu ditshiku da wutxhanu ni mambidi di na va do sawuleka, i Sabbata ya kuhumula ka Mkoma. Awule a manekako a txi thuma ka ditshiku donedo a na dawa.

Eksodha 16:26

Amu ka mtxhanu wa masiku ni dimwedo mi na si rolela, aniko ka ditshiku da mtxhanu ni mambidi, i ku ditshiku do humula, kha si na mbi maneka.”

Eksodha 31:15

Amu ka mtxhanu wa masiku ni dimwedo ku na thumwa aniko ka ditshiku da wutxhanu ni mambidi, ku nava i di Sabbata ya kuhumula ko hetiseka, kasi kudhumisa Mkoma.

Eksodha 35:3

Minga dhiveleni mndilo tinyumbani kwanu, ngu ka ditshiku da Sabbata.”

Dhewuteronome 5:13

U na thuma amu ka mtxhanu wa masiku ni dimwedo, u txi maha yotshe mithumo yako.

Ezekhiyele 46:1

Mkoma Txizimu a khene: Txike txa mtendela wa mndani, txa kurendekela wutxani, txi na sekwa mndani ka mtxhanu wa masiku ni dimwedo a mthumo; aniko ka ditshiku da Sabbata txi na tulwa; txi tulwa kambe ngu ditshiku da kumeka ka mtxima.