Eksodha 20:8 - Bhiblia Yo Sawuleka

⁸ Alakanya ditshiku da Sabbata, u txi di sawulekisa.

Eksodha 20:8 Referans Kwoze

Levhi 26:2

Mi na xayisa Masabbata yangu, miva ni txithavo ni nyumba yangu yo sawuleka. Ani ngani Mkoma!

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Genesisi 2:3

Se Txizimu txi katekisile ditshiku da wutxhanu ni mambidi, txi txi di sawulekisa, nguko ka dona, Txizimu txi humute ka yotshe mithumo yi txi nga yi vanga, ni ku yi maha.

Levhi 23:3

Mi na maha mithumo mu ka mtxhanu wa masiku ni dimwedo, aniko ditshiku da wutxhanu ni mambidi, i Sabbata yo humula, msengeletano wo sawuleka; kha mi na mbi maha mthumo ni wawumwewo; i Sabbata ya Mkoma kotshe mu mi zumbako kona.

Levhi 19:30

Vekisani Masabbata yangu, mi va ni txithavo ka nyumba yangu yo sawuleka: Ani ngani Mkoma!

Eksodha 23:12

Amu ka mtxhanu wa masiku ni dimwedo u na maha mithumo yako; se ka ditshiku da wutxhanu ni mambidi u na humula, kasiku homu yako ni mbongola yako si mana kuhumula, kasiku mwanana wa khumbi yako a txi mana ku hefu, kumweko ni mluveli wako.

Genesisi 2:2

Se Txizimu txi di gwitile ngu ditshiku da wutxhanu ni mambidi kumaha wotshe mthumo wu txi nga wu maha, txi to humula, ka ditshiku dile da wutxhanu ni mambidi, ka yotshe mithumo yi txi nga yi maha.

Dhewuteronome 5:12

U na vekisa ditshiku da Sabbata u txi di sawulekisa, nga ti a nga ku leletisa tona Mkoma, Txizimu txako.

Nehemiya 9:14

Se u va zivisile Sabbata yako yo sawuleka; ni sirumo, ni sileleto, ni mlayo u va ningile ngu dianza da txithumi txako Mosi.

Nehemiya 13:15

Ka ona ale masiku, ni woni vathu kona Judha, va txi kamela vhinya ngu Sabbata, vamwani va txi rwalela tinyanda ngu timbongola; ni vhinya, ni mauvha, ni makuwa, ni thundu ya mixowo yotshe va txi si yisa Jerusalema ngu ditshiku da Sabbata; se ni to va laya, ditshiku dile va nga ti xavisa sakudya.

Isaya 56:2

A katekile m'thu wu a no maha eto, ni mwanana wa m'thu wule a namarelako ka tona, a si nyamisiko ditshiku da Sabbata, ni kuxayisa dianza dakwe ku di si mahi to biha.

Jeremiya 17:22

Hambi kuhumisa mirwalo ngu tinyumbani kwanu ngu ditshiku da Sabbata, hambi kumaha ni wihi mthumo. Aniko sawulekisani ditshiku da Sabbata, nga kule ni nga laya vakokwani vanu.

Jeremiya 17:24

Ngako koko, mi txi ni engisa, kuwomba Mkoma, mi si wuleti mirwalo sidingeni ka didhoropa diya ngu ditshiku da Sabbata, kambe mi sawulekisa ditshiku da Sabbata, mi nga thumeni mthumo ngu dona;

Eksodha 31:12

Mkoma a wombile ka Mosi a txi khene:

Eksodha 35:1

Sekoko Mosi a to tshanganisa msengeletano wotshe wa vanana va ka Israyeli, a txi va gela ku khene: “Ngu tiya Mkoma a nga ruma ti to hi txi ti maha ni ku ti vekisa:

Mitengo 15:32

Ka mbimo yi vanana va ka Israyeli va nga ti txiwulani, va to mana wamwamna a txi ganga tikhuni ngu ditshiku da Sabbata.

Isaya 58:13

Ngako u txi vayilelisa mkondo wako ka ditshiku da Sabbata, u si mahi kuranda kwako ngu ditshiku dangu do sawuleka, se u txi khawe Sabbata ya tsakisa ngutu, kambe ditshiku do sawuleka da Mkoma, da wudhundo, se ngako u txi di dhunda, u si londeti tinzila tako, hambi kunavela kumaha kuranda kwako, mwendo kumaha nyamuwombe,

Jeremiya 17:21

Mkoma a khene: “Ti woneleni, mi nga rwaleni mirwalo ngu ditshiku da Sabbata, mi nga yi wuleteni Jerusalema ngu sike sa kona.

Ezekhiyele 20:20

Se sawulekisani Masabbata angu, kasi kumaha txikombiso hagari kwangu ni nanu, mi na ziva ti to ani ngani Mkoma, Txizimu txanu.