Eksodha 20:7 - Bhiblia Yo Sawuleka

⁷ U nga sakane ngu ditina da Mkoma Txizimu txako, nguko Mkoma kha na mbi mleka asi m'khawulisi awule a sakanako walo ngu ditina dakwe.

Eksodha 20:7 Referans Kwoze

Dhewuteronome 5:11

Khu na mbi khumbuka walo ditina da Mkoma, Txizimu txako, nguko Mkoma kha na mbi leka, asi tsayisi, awule a sakanako ngu ditina dakwe, walo.

Levhi 19:12

Mi nga xambanyeni makuhu ngu ditina dangu, nguko mi nga nyenyezisa ditina da Txizimu txanu. Ani ngani Mkoma!

Jakobe 5:12

Ngutu-ngutu, vanathu, mi nga xambanyeni hambi ngu nzuma, hambi ngu mafu, hambi ngu txilo txihi ni txihi, kambe kuwombawombani kwanu, “Ina” a nave i di “Ina,” se “Ahim-him” a nave i di “Ahim-him,” kasiku mi si weli kuabaniswani.

Jeremiya 4:2

Se u na xambanya, u txi khawe: Mkoma a hanyako, ngu ditshuri, ka kulamula ni ka wululamo; matiko ma na ti katekisa ngu ngene, ni kutikulisa ngu ngene.”

Joxuwa 9:20

Ati hi no maha ka vona ngu tiya: Hi na va leka ve hanya, kasi ku hi si ti ndindeli kuhenya, ngu mhaka ya txixambanyo txi hi nga txi maha kwawe.

Joxuwa 2:17

Se vavamna vale va to m'gela va txi kha vona: Kha hi na mbi kurumetwa ngu txixambanyo txako, atxi u nga hi kurumeta ku txi maha,

Joxuwa 2:12

Konkuwa koko, na mi kombela, ni xambanyeleni ngu Mkoma Txizimu, ngako ni nga mi mahela wumbilu, na nanu mi na mahela wumbilu nyumba ya tate wangu, se ni ningeni txikombiso txa ditshuri,

Mavingu 30:9

Kasi ku ngu kupfa kukhura, ni si ku kaneti, ni txi khani: I mani Mkoma kani? Mwendo ku ni di txisiwana, nipa, ni wukela Txizimu ngu dianza dangu.

Dhewuteronome 10:20

Thava Mkoma, Txizimu txako, u txi mkhozela ene ekha, kambe namarela kwakwe u txi xambanya ngu ditina dakwe.

2 Vakorinto 1:23

I di ani, fakazi yangu ngu Txizimu ka ti to ngu ku mi tsetsa kha na tshumela ni ta Korinto.

1 Vafumeli 2:9

Se konkuwa u nga mmahe wo mbi na mnandu, nguko u m'thu u zivako, u na tiziva ati u no mmahela, kasi ku na za wunvi wakwe wu txi na reletwa diphalani ni mnoha.

Dhewuteronome 6:13

U na thava Mkoma, Txizimu txako, u txi mkhozela, ni kuxambanya ngu ditina dakwe.

2 Vafumeli 5:20

Sekoko Gehazi, dijaha da Elixa, m'thu wa Txizimu, a to khene: Hi nga wonani, nyamne wangu a tsimbile musiriya wule Nahanani, ku mninga ngu dianza dakwe, sa sidotho ka sile a ngadi naso. Ni xambanya ngu Mkoma wo hanya a tito, ni na tutuma ngu msana kwakwe ni ya teka txokari.

Masalmo 139:20

Evo vathu va womba-womba kubiha ngu ngawe, valala vako va womba-womba kubiha ngu ditina dako.

Jeremiya 34:16

Aniko mi tshumelete msana, mi txi txhipisa ditina dangu, mmweyo ni mmweyo a txi wuyisa txithumi txakwe txatxiwamna ni txatxisikati, asi mi nga ti si txhatxhile si txi ti tsulela; mi si khonete kambe wukhumbi, ti taku si txi mi thumela.

Ezekhiyele 39:7

Ni na zivekisa ditina dangu do sawuleka, hagari ka vathu vangu va Israyeli, kambe kha ni na mbiswa ni leka ditina dangu do sawuleka di txi nyenyeziswa; kambe matiko ma na tiziva taku, ani ngani Mkoma, wo Sawuleka kona Israyeli.

Genesisi 27:20

Sekoko Isaake a to khene ka mwanana wakwe: “Ti mahisile kutxani ti to u si mana ngu kukuluveta kani mwanangu?” Ene a xamute a txi khene: “Nguko Mkoma, Txizimu txako, asi tisile kwangu.”

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.