Eksodha 20:5 - Bhiblia Yo Sawuleka

⁵ U nga si khizamele, u txi si khozela; nguko ani Mkoma, Txizimu txako, ni Txizimu txa txiluse, ni tsayisako vanana ngu mhaka ya sionho sa vatate vawe, kala ka liveleko la wuraru ni la wumune, la vale va ni vengako.

Eksodha 20:5 Referans Kwoze

Mitengo 14:18

“Mkoma wa timisela kambe a tate ngu wumbilu; wa divalela sionho ni sihambunyeto; hambiko vaonhi kha va leki, ve zumba ku nga kha va na mnandu; ene wa tshumetela sionho sa vatate txitimwi ka vanana vawe kala ka liveleko la wuraru ni la wumune.

Dhewuteronome 5:9

khu na mbi si khozela, kambe khu na mbi si thumela, nguko ani, Mkoma, Txizimu txako, ni Txizimu txa txiluse, atxi txi tsayisako vanana ngu mhaka ya sionho sa vaveleki vawe, kala ka liveleko la wuraru ni la wumune ka vale va ni vengako.

Dhewuteronome 4:24

Nguko Mkoma, Txizimu txako, mndilo wu wu tshokomisako, Njizimu txa txiluse.

Eksodha 34:14

Khu na mbi khozela simwani sizimu, nguko Mkoma a dhanwa ku mbwa txiluse, i Txizimu txa txiluse.

Joxuwa 24:19

Sekoko Joxuwa a to khene ka vathu: “Kha mi na mbi sikota kuthumela Mkoma, nguko ene i Txizimu txo Sawuleka, Txizimu txo khatala, atxi txi no mbi sikota kutimisela ngu kueyisa kwanu ni sionho sanu.

Masalmo 109:14

Txizimu txi na alakanye sionho sa vatate vawe mame wakwe a nga divalelwe sionho sakwe

Joxuwa 23:7

Mi nga ti tshanganiseni ni vamatiko vava va nga sala hagari kwanu. Mi nga khumbukeni matina a sizimu sawe, mi nga xambanyeni ngu matina a sona, mi nga si khozeleni ni kambe mi nga khizameni masoni ka sona.

Dhewuteronome 6:15

Nguko Mkoma, Njizimu txako, atxi txi nga aka hagari kwanu, Njizimu txa txiluse; ngako kuhenya ka Mkoma, Txizimu txako, ku txi vhiluka, ene a nga kufuvisa ha mafuni.

Nahume 1:2

Mkoma i Txizimu txa txiluse ni kuphota; Mkoma wa ti photela ni kutala ngu kuhenya; Mkoma wa ti photela ka vale va m'wukelako, txiviti txakwe a txi vekela valala vakwe.

Jeremiya 32:18

Ngawe u nga mahela wumbilu magumi a mazana, u tshumeta wubihi wa vatate tikhanani ka vanana vawe msana kwawe; u wa hombe, Txizimu Nyamitamo, ditina dako u Mkoma wa Mabutho a Tiyimbi.

Mitengo 14:33

Se vanana vanu va na maha va nyampepe amu txiwulani, mune wa magumi a malembe, nava txi rwala mnandu wa kwa mbi thembeka kwanu, kala sirumbi sanu si guma txiwulani.

Masalmo 79:8

U nga hi tsayise ngu mhaka ya sionho sa vakale vathu; hi pfele wusiwana ngu kukuluveta, nguko mtamo wathu wu gumile!

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

Varoma 8:7

Nguko kuxuva ka mmidi mbulala ka Txizimu, nguko wona kha wu ti veki hahatshi ka mlayo wa Txizimu; txima kha wu na mbi sikota.

Varoma 1:30

mbaruketeli, mbalala va Txizimu, vakanyisi va kutikulisa, va kutithemba, vasiki va to biha, vaeyisi va vaveleki vawe, mabhemba;

Jeremiya 2:9

Ngu konaho, ni ngadi ni txi na lwa ni nanu, kuwomba Mkoma. Ni vatukulu vanu ni na lwa navo.

Isaya 44:19

Se kha ku nga ni wammweyo kwawe a khatalako ngutu, a ku ni wuzivi mwendo mapimo, kasi ku khene: Hafu ni hisile, ni bhikile dipawu txitimwi ka makala a mndilo, kambe ni yokile nyama txitimwi ka ona, nidya; se ni nga maha manyala ngu yile yi nga sala kani? Ina ni nga khizamela phande ya mndonga kani?

Isaya 44:15

Sekoko m'thu a dhivela tikhuni ta mndonga, a txi ora ni kubhika dipawu, kambe wa khanda txizimu, se e nama masoni ka txona, a vata txithombe ngu mndonga, e khizama masoni ka txona.

Masalmo 81:15

Ava va nyenyako Mkoma, va ndi na wiswa hahatshi masoni kwakwe ku abaniswa kwawe ku ndi nava ka malembe ni malembe.

Jobe 5:4

Vanana va txona va kule ni kuhanyiswa; se va phaphawulelwa sikenini, aniko kha ku nga ni wo va hulukisa.

2 Vafumeli 23:26

Hambiketo, kutura ka txiviti txa hombe txa Mkoma, kutoya masoni txiviti txakwe txi turile txi wukela Judha, ngu sotshe simaho sile Manasi a nga m'vhuka ngu sona.

2 Vafumeli 17:35

Hambi keto, Mkoma a ti ti mahile navo txitumelelano, a txi va ruma ku khene: Mi nga thaveni simwani sizimu, hambi kukhizama masoni ka sona, mwendo ku si thumela, mi nga si phaxeleni.

1 Vafumeli 21:29

Khwa ti wona taku Akabe wa ti namisa masoni kwangu kani? Ngako koko a ti namisako masoni kwangu, kha ni na mbi tisa kubiha kuwa ka masiku a kuhanya kwakwe, aniko ni na tisa wubihi wuwa ka masiku a kuhanya ka mwanana wakwe, nyumbani kwakwe.

2 Samuwele 21:6

ka vanana vakwe hi ninge mtxhanu wa vavamna ni vambidi, kasiku hi va txikita masoni ka Mkoma, kona Gibheya ka Sawule, wule a nga sawulwa ngu Mkoma. Se mfumeli a to khene: Ni na mi ningeta.

2 Samuwele 21:1

Se ka masiku a Dhavhidha ku to maneka nzala mndani ka malembe mararu o londetelana; kambe Dhavhidha a to wotisa ka Mkoma, aniko Mkoma a to khene kwakwe: I mhaka ya Sawule ni nyumba yakwe ya wudayi, nguko va theketile mnoha wa Vagibheyoni.

Dhewuteronome 32:21

Va wusile txiviti txangu ngu mhaka ya kulondeta si i singako Txizimu, va ni henyisile, ngu mhaka ya sithombe sawe sa walo, aniko nani ni na wusa txiluse txawe; ngu kutisawulela vathu va i si nga va vanene, ni na wusa txiviti.

Dhewuteronome 7:10

aniko ene a tshumetela ngu ku va lovisa avale va m'vengako, kha sweli kudihisa, a na va tshumetela.

Levhi 26:29

Mi na dya nyama ya vanana vanu va vafana, mi txi dya nyama ya vanana vanu vamahorana.

Levhi 26:1

Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

Levhi 20:5

ani ni na tshemberisa khohe yangu ni txi muwukela eyo m'thu, ni yotshe nyumba yakwe, kumweko ni vale va nga patana nayo, va txi mahetela kubiha, ve khozela Moloke.

1 Vakorinto 10:22

Hi lava kuhenyisa Mkoma, kani? Ina hi ni mtamo kupala ene, kani?

Johani 15:18

“Ngako ditiko di txi mi vengela, ti ziveni ti to di thangile ngu ngani di txi ni vengela.

Johani 7:7

Ditiko kha di na ku mi vengela, kambe ani da ni vengela, nguko na fakaza ti to mithumo ya dona yi bihile.

Matewu 4:9

a txi mu gela tiya: “Ni na kuninga sotshe siya, ngako u txi khizama u ni khozela.”

Dhaniyeli 1:2

Se Mkoma a to ningela Jehoyakimi, mfumeli wa Judha, manzani ka Nebhukodhonosori, e ningela kambe ni siya sokari sa Nyumbani ka Txizimu. Se Nebhukodhonosori a to si teka e tsula naso ditikoni ka Sinari eya si wuletisa nyumbani ka txizimu txakwe, e si veka kumweko nyumbani ka thomba ya txizimu txakwe.

Ezekhiyele 8:3

Se a to nawuluta txo fana ni dianza, a txi ñola misisi ya msungo wangu; Moya wu to ni guleta hagari ka mafu ni nzuma, wu txi ni tisa Jerusalema ngu txiwoniso txa Txizimu, kala ha txikeni ka mthanda wa mndani, txi nga rendekela wuphemba, ku nga ti vekilwe txifaniso txa txiluse, txi wusako kulusa ka Txizimu.

Mavingu 8:36

Se wule a no ni onhela, a na lwisa muhefemulo wakwe apune, votshe vale va ni vengako, va randa kufa.

Masalmo 78:58

Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.

Jobe 21:19

Txizimu txi vekela vanana vawe kulwa ka txona, se ka vaonhi txa va ninga hakhelo, kuva va txi na txi ziva.

2 Makronika 25:14

Ku to maheka taku, msana ka kuva Amaziya a di dayete Vaedhomi, a to wiya adi rwate sizimu sa vanana va ka Seyiri, se e ta simaha sizimu sakwe, e si khizamela, e si hisela dibaselo.

2 Vafumeli 17:41

Ngu kumaha keto, mifumo yiya yi txi thava Mkoma, ni kuthumela sithombe sawe so vatwa; nga tile va nga maha vatate vawe; va mahisa toneto ni vona vanana vawe, ni vanana va vanana vawe, kala ka ditshiku da nyamsi.

Valamuli 2:19

Aniko ku txi maheka taku, ngako a txi fa mlamuli, va ti ti tshumela va txi ti nyenyezisa, kupinda vatate vawe, va txi londetela simwani sizimu, va txi si thumela ni ku si khizamela; va si leki ni txa tximwetxo ka simaho sawe, hambi txieyiso txawe.

Joxuwa 23:16

Ngako mi txi daya txitumelelano txi Mkoma, Txizimu txanu, a nga txi maha ni nanu, mi txi khozela simwani sizimu ni ku si khizamela, konako txiviti txa Mkoma txi na vhutuka txi mi wukela, kambe ngu kukuluveta mi na fuva ka ditiko diya da dinene, adiya ene a nga mi ninga.”

Dhewuteronome 32:41

Ngako ni txi lota txingwalangwanda txa ditxhari dangu ngako ni txi lamula ngu dianza dangu, ni na phota ka valala vangu, ni txi pharela ka vale va ni nyenyako.

Johani 9:2

Se vagondiswa vakwe va to mu wotisa, va txi kha vona: “M'gondisi, i mani a nga onha, ngene mwendo mbaveleki vakwe, ku kala e velekwa i di dibhofu kani?”

Dhewuteronome 5:10

Kambe na maha wumbilu ka magumi a mazana a vale va ni randako, ni kuvekisa sirumo sangu.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

Ezekhiyele 18:19

Aniko wombani ku khanu: Ngu kutxani mwanana asi tekeleli wubihi wa tate wakwe kani? Nguko mwanana a mahile tinene ni wululamo, kambe a xayisile sotshe sileleto sangu a txi si maha, ngu mhaka ya eto, ngu ditshuri a na hanya.

Ezekhiyele 20:7

Sekoko ni to va gela ku khani: Mmweyo ni mmweyo a na tshotshe kule manyala, kambe mi nga ti nyenyeziseni ngu sithombe sa Egipta; ani ngani Mkoma, Txizimu txanu.

Ezekhiyele 39:25

Ngu konaho, Mkoma Txizimu a khene: Kona kuwa, ni na tshumela ni wuyisa tikhumbi ta ka Jakobe. Kambe ni na mahela wumbilu yotshe nyumba ya ka Israyeli, ni na emela ditina dangu do sawuleka.

Mitengo 25:11

Finiyasi, mwana Eleyazari, mwana mphaxeli Aroni, a vayilelisile dikhulo dangu txitimwi ka vanana va ka Israyeli, nguko a to ti ningela hagari kwawe. Se kha na nga va lovisa vanana va ka Israyeli, ngu kuhenya kwangu.

2 Vafumeli 5:18

Keto, Mkoma a na divalele nyamne wako. Mbimo yile nyamne wangu a wulelako nyumbani ka Rimoni, kuya khongela, se a txi khigela ka dianza dangu, se nani ni maneka ni txi ti namisa ka Rimomi; eko ni txo nama nyumbani ka Rimoni, keto Mkoma a na divalele txithumi txako.

2 Vafumeli 5:27

Ngu kumaha keto, xokonho ya Nahanani yi na tshapela kwako, ni ka liveleko lako kala kupinduka. Se Gehazi a to khukha masoni ka Elixa, na a di ni xokonho yo maha ngu ku xwee, nga hunguva.

2 Makronika 7:19

Sekoko ngako mi txi hambuka mi leka milayo yangu ni sileleto sangu asi ni nga mi ninga, mi tsula mi ya khozela sizimu simwani mi si khizamela,

Ezekhiyele 18:2

Njitxani mi ku natxo anu, anu mi wombako txidinganiso madingano ni ditiko da ka Israyeli, mi txi khanu: Vatate va dyite mauvha amambisu, se makwasa a vanana ma pfite wutsila kani?

Dhaniyeli 3:18

Se hambi txi si hi hulukisi, tizive awe mfumeli, ti to athu kha hi na mbi thumela sizimu sako, hambi kukhozela txithombe txa nzalama txile u nga txi emisa.