Eksodha 20:4 - Bhiblia Yo Sawuleka

⁴ U nga ti mahele sifananiso so vatwa, hambi txifananiso txa sile si ku txitimwi nzumani, hambi txa sile si ku hahatshi ha mafuni, hambi txa sile si ku mu matini, hahatshi ka mafu.

Eksodha 20:4 Referans Kwoze

Levhi 26:1

Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

Dhewuteronome 5:8

Awe khu na mbi ti mahela txifananiso txo vatwa, hambi txo fana ni txokari txa si si ku txitimwi nzumani, mwendo hahatshi ha mafuni, mwendo matini hahatshi ka mafu;

Masalmo 97:7

Va na wiswa tingana votshe vale va khozelako sithombe, votshe vale va ti guletako ngu sizimu so mbi vhuna txilo; ni sotshe sizimu si na khizamele Mkoma Txizimu!

Levhi 19:4

Mi nga tshumeleleni ka sithombe, kambe mi nga ti maheleni sizimu sa tisimbi: Ani ngani Mkoma, Txizimu txanu!

Mithumo 17:29

Se hi di va liveleko la Txizimu, kha hi faneli kupimisa ti to wuzimu wu nga fananiswa ni nzalama, mwendo silivhela mwendo dirigwi do vatwa ngu wutxhari ni mapimo ya vathu.

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

Mtuletelo 16:2

Ngelozi yo khata yi to huma yi theketa digombe da yona ha mafuni. Se txilonda txo biha, txo pandisa txi to humelela ka vale va nga ti ni txixambanyo txa Txikalani ni vale va nga ti khozela txithombe txa txona.

Varoma 1:23

Se va phindute wudhumo wa Txizimu txi, txi si fiko, ve wu maha wa sithombe sa m'thu wu a fako, ni wa sinyana, ni wa sihari sa mune wa minenge, ni wa so tsimbila ngu dibindi.

Isaya 45:16

Va nawa tingana, kambe va na kanganyiseka votshe; va nawa kumweko vale va mahako sithombe.

Isaya 42:8

Ani ngani Mkoma; adiya ditina dangu; wudhumo wangu koko, kha ni na mbi ninga mmwani, hambi kudhumiswa kwangu, kha ni na mbi kuningela ka sithombe so vatwa.

Ezekhiyele 8:10

Se ni to wulela ni wona, ni mana taku, totshe tixaka ta sindindandinda, sihari so nyenyeza, ni sotshe sithombe sa nyumba ya ka Israyeli, si di pendilwe ka otshe madhawa a diseta.

Mtuletelo 9:20

Vamwani vathu va nga mbi dawa ngu sixaniso siya, kha va nga hunduluka ka mithumo ya manza awe, ti to ve leka kukhozela madhimoni, ni sithombe sa nzalama ni silivela ni simbi ya disotxe ni sa dirigwi ni sa mindonga, asi si sikotiko kuwona, hambi kuengisa mwendo kutsimbila.

Isaya 42:17

Va na tshumelela msana se va na wa tingana avale va thembako sithombe so vatwa, va ku kha vona ka sithombe so wumbwa: Anu mi sizimu sathu.

2 Makronika 33:7

Manasi a to veka txithombe txo vatwa, e txi emisa Nyumbani ka Txizimu; amule Txizimu txi nga nga womba ka Dhavhidha ni ka mwanana wa kona Solomoni ku khene: Ka yiya nyumba, kona Jerusalema, i ku kona ni nga kusawula hagari ka totshe tihunzu ta ka Israyeli, ni na veka ditina dangu ngu ha ku si gwitiko.

1 Vafumeli 12:28

Ngu konaho, mfumeli a to wumba marole mambidi a nzalama, e va gela ku khene: Mthumo wanu wawungi i nave wo kwelela Jerusalema; wa siwona sizimu sako awe Israyeli, si nga kuhumisa Egipta.

Eksodha 34:17

U nga timahele sizimu so tshulwa.

Eksodha 32:1

Se mbimo yile vathu va nga wona taku Mosi wa swela kurelela ngu mmangoni, vathu va to tshuketa ka Aroni, va txi m'gela tiya: “Khukha u txi hi mahela sizimu si si no thangela masoni kwathu; nguko ene Mosi wuwa, i ku wamwamna wu a nga hi humisa ditikoni ka Egipta, kha hi txi zivi atxi txi nga m'humelela.”

Eksodha 32:23

vona va ni gete va txi kha vona: “Hi mahele sizimu asi si no va si di masoni kwathu, nguko Mosi, m'thu wu a nga hi humisa ditikoni ka Egipta, kha hi ti zivi ati ti nga muhumelela.”

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Mitengo 12:8

Ene no womba-womba nayo ngu txisofu, ni ti kombisa, na i si nga kusisalani; kambe ene wa so maha ngu kuwona wutumbu wa Mkoma; ngu kutxani koko mi nga mbi thava kulenga txithumi txangu Mosi kani?”

Valamuli 17:3

Ngu kumaha keto, a to tshumeta male ya 1.100 ya silivhela ka mame wakwe; aniko mame wakwe a to khene: “Na ningela male yiya ngu dianza dangu ka Mkoma, kasi ku mwanana wangu a na mvatela txithombe ni ku txi wumba; se konkuwa, na yi tshumetela kwako.”

2 Vafumeli 17:12

Kambe va thumete sithungulu sile Mkoma a khalako ku va gela a txi khene: Mi nga ti maheni eto.

Masalmo 78:58

Va henyisile Txizimu ngu mhaka ya siluvelo sa wuhedheni; va wusile txiluse txa Txizimu ngu kukhozela sithombe.

Ezekhiyele 8:3

Se a to nawuluta txo fana ni dianza, a txi ñola misisi ya msungo wangu; Moya wu to ni guleta hagari ka mafu ni nzuma, wu txi ni tisa Jerusalema ngu txiwoniso txa Txizimu, kala ha txikeni ka mthanda wa mndani, txi nga rendekela wuphemba, ku nga ti vekilwe txifaniso txa txiluse, txi wusako kulusa ka Txizimu.

Ezekhiyele 20:7

Sekoko ni to va gela ku khani: Mmweyo ni mmweyo a na tshotshe kule manyala, kambe mi nga ti nyenyeziseni ngu sithombe sa Egipta; ani ngani Mkoma, Txizimu txanu.

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Eksodha 32:4

ene a to amukela singeda sa nzalama ngu manzani kwawe, e ti veka mu ka txikadyana, e ti nyivilikisa, se a txi maha ngu tona txithombe txa dirole. Sekoko va to kha vona: “Asiya ngu sona sizimu sako, awe Israyeli, asile si nga kuhumisa ditikoni ka Egipta!”

Dhewuteronome 16:22

Kambe u nga ti emisele sithombe sa wukhongeli, nguko Mkoma, Txizimu txako, wa si venga.”