Eksodha 20:3 - Bhiblia Yo Sawuleka

³ U ngave ni simwani sizimu masoni kwangu.

Eksodha 20:3 Referans Kwoze

Dhewuteronome 5:7

Khu na mbi va ni simwani sizimu hahanze kwangu.

Matewu 4:10

Se Jesu a to khene: “Khukha Sathani! Ti bhatwe tito: ‘U na khizamela Mkoma Txizimu txako, ngene ekha u no m'khozela.’ ”

Masalmo 81:9

U nga lave simwani sizimu hagari kwako u nga khozele simwani sizimu.

Isaya 46:9

Alakanyani timhaka ti ti nga pinda ta kale ngutu: Taku ani ngani Txizimu, se kha ku na tximwani Txizimu, kha ku nga ni tximwani txo fana ni nani;

Dhewuteronome 6:5

Ngu toneto, u na randa Mkoma, Txizimu txako, ngu yotshe mbilu yako, ngu wotshe moya wako, ni wotshe mtamo wako.

Jeremiya 25:6

Mi nga londiseleni simwani sizimu, mi txi si thumela ni ku si khizamela, mi nga vhilukiseni txiviti txangu ngu mithumo ya manza anu, kasi ani ni si mi maheli kubiha.

Dhewuteronome 6:14

Mi nga khozeleni simwani sizimu, asi si ku hagari ka sizimu sa vathu, vale va mi randelako.

Jeremiya 35:15

Se ni mi rumete sithumi, i ku vaprofeti, va txi phindula, ve rumela va txi kha vona: Hundulukani, konakuwa, mmweyo ni mmweyo nzilani kwakwe ko biha, mi txi txhukwatisa mithumo yanu ya yinene, kambe mi nga londeteleni simwani sizimu; kasi ku si thumela; se ngu kumaha keto, mi na zumba ka ditiko di ni nga mi ninga, anu ni vatate vanu; aniko kha ma riya tinzeve, hambi ku ni engisa ani.

1 Vakorinto 8:6

kambe kwathu kha txi nga ho tximwani hahanze ka Txizimu tximwetxo dwe, Tate wu, sotshe si tako ngu kwakwe, awu, hotshethu hi hanyelako ene; ni Mkoma mmweyo dwe, Jesu Kristu, awu, sotshe si hanyako ngu ngene, ni nathu hi hanyako ngu ngene.

Mtuletelo 19:10

Konako ni to ti wisa minengeni ka ngelozi, kasiku ni yi khozela, aniko yona yi to ni tsimba, yi txi kha yona: “Lambi! U nga mahe eto. Ani ni txithumi kufana ni nawe ni vakakwanu va veketako wufakazi wa Jesu. Txizimu ngu txona u fanelako ku txi khozela!” Kunene wufakazi wa Jesu ngu wona i ku mtamo wa wuprofeti.

Vakolosa 2:18

M'thu a nga thuke e mi tekela hakhelo yanu ngu kutsakela wukhozeli wa makuhu ni kukhizamela tingelozi ngu kukholwa ngutu ka miloro yakwe, a txi ti guleta ngu sa walo, ngu mialakanyo yakwe ya ta mmidi;

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

Vaefesu 5:5

Zivani ti to awalo m'thu wu a no mana thomba ya mfumo wa Kristu ni wa Txizimu, ngako i di m'gelezi mwendo wu a mahako mithumo ya nzambwa, mwendo mnaveli wa tithomba, awu i ku mkhozeli wa sa walo.

Isaya 26:4

Thembani Mkoma ngu ha ku si gwitiko, nguko Mkoma Txizimu, dirigwi da yotshe mbimo.

Eksodha 15:11

Awe Mkoma, i mani a fanako ni nawe, hagari ka sizimu kani? I mani wo nga awe i ku wa hombe ni kusawuleka nga awe, wo thaviseka ni wudhumo, wo maha sixamaliso kani?

Eksodha 20:23

Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Isaya 44:8

Mi nga thaveni, kambe mi nga dhudhumeleni, ina kha na mi maha mi tiengisa, niku kha na mi zivisa kani? Nguko anu mi tifakazi tangu. Ina txiho tximwani Txizimu hahanze kwangu kani? Ahim-him! Kha ku nga ni dimwani Dirigwi, ni di zivako.

Isaya 43:10

Anu mi tifakazi tangu, kuwomba Mkoma; txithumi txangu txile ni nga txi sawula; kasi ku mi na tiziva, mi kholwa kwangu, ni ti to mi pfisisa taku ani ngani nipune, ni ti to hahanze kwangu kha ku khali ku va ho tximwani txizimu, ni msana kwangu kha ku na mbi vaho tximwani Txizimu.

Masalmo 73:25

I mani ni ku nayo nzumani, hahanze kwako kani? Ha mafuni ani ni navela kuzumba ni nawe dwe.

Masalmo 29:2

Pfalisani ditina do dhumiseka da Mkoma; khizamelani Mkoma nyumbani kwakwe ko sawuleka.

Mtuletelo 22:9

Kambe yi to ni tsimba yi txi kha yona: “Lambi! U nga mahe eto! Nani ni txithumi kufana ni nawe, ni vakakwanu, vaprofeti, ni kufana ni vale va veketako mapswi a dibhuku diya. Txizimu ngu txona u fanelako ku txi khozela!”

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Eksodha 32:8

Ngu kukuluveta va hambukile ka nzila yi ni nga va leletela. Va ti mahete dirole da nzalama yo khandwa, ve di khozela, ni ku di mahela mphaxo, va txi kha vona: “Asiya nzizimu sako awe Israyeli, asi si nga kuhumisa ditikoni ka Egipta!”

Eksodha 34:14

Khu na mbi khozela simwani sizimu, nguko Mkoma a dhanwa ku mbwa txiluse, i Txizimu txa txiluse.

Isaya 42:8

Ani ngani Mkoma; adiya ditina dangu; wudhumo wangu koko, kha ni na mbi ninga mmwani, hambi kudhumiswa kwangu, kha ni na mbi kuningela ka sithombe so vatwa.

Jeremiya 7:9

Ina mi ngadi mi txi napa, mi daya, mi maha wugango, mi xambanya makuhu, mi hisa miphaxo yo bhumula ka Bhahali, ni kulondetela simwani sizimu asi mi si si ziviko kani?

Hoseya 13:4

Hambi keto, ani ngani Mkoma, Txizimu txako, kukhukhela ditikoni ka Egipta; ngukonaho, khu na mbi ziva tximwani txizimu hahanze kwangu, nguko kha ku na Muhanyisi, na i si ngani.

Eksodha 22:19

Ni wihi wule a otelako ni txihari ngu ditshuri a na dawa.

Eksodha 23:24

U nga khizame masoni ka sizimu sawe, kambe u nga si khozele, hambi kumaha mikhuwo yawe; aniko u na si khundumusela sotshe sithombe sawe.

Valamuli 6:10

Ni wombile kambe kwanu ni txi khani: Ani ngani Mkoma, Txizimu txanu, mi nga thaveni sizimu sa Vaamori, avale mi nga zumba ditikoni kwawe. Aniko anu kha ma ni engisa.

1 Vafumeli 11:4

Nguko ku mahekile ti to a di kumbile Solomoni, vasikati vakwe va m'dyite mbilu kasiku e londisa simwani sizimu; se mbilu yakwe yi sa hetiseka ka Mkoma, Txizimu txakwe, ku nga tate wakwe Dhavhidha,

Masalmo 81:10

Ani Mkoma, ngani ni ku Txizimu txako, ngani ni nga kuhumisa ngu Egipta. Ni na kuninga sakudya yotshe mbimo u no pfa nzala.

Dhaniyeli 3:18

Se hambi txi si hi hulukisi, tizive awe mfumeli, ti to athu kha hi na mbi thumela sizimu sako, hambi kukhozela txithombe txa nzalama txile u nga txi emisa.