Eksodha 20:23 - Bhiblia Yo Sawuleka

²³ Mi nga ti maheleni simwani sizimu ngu didhawa dangu, mi nga ti maheleni sizimu sa silivhela, hambi sizimu sa nzalama.

Eksodha 20:23 Referans Kwoze

Ezekhiyele 20:39

Kasi ngu kwanu anu va nyumba ya ka Israyeli, Mkoma Txizimu a khene: Tsulani, mmweyo ni mmweyo eya thumela sithombe sakwe, nguko ani kha mi lavi ku ni engisa; aniko mi nga nyenyeziseni ditina dangu do sawuleka ngu miningelo yanu, ni sithombe sanu.

Zefaniya 1:5

ni va va khizamelako dibutho da nzuma va di txitimwi ka tinyumba; ni vale va namako ve xambanya ka Mkoma, ni kuxambanya ngu Malikami;

2 Vafumeli 17:33

Ngu kumaha keto, va ti ti ni txithavo ka Mkoma, ni kuthumela sizimu sawe, madingano ni sihena sa mifumo yile va nga ti tekilwe ka yona.

Mtuletelo 22:15

Ti na sala hahanze timbwa, vasalamusi, vamahi va wugelegele, vadayi va vathu, vakhozeli va si i ku si nga Txizimu ni votshe va va dhundako mwendo va hanyako ngu makuhu.

Eksodha 32:31

Se Mosi a to tshumela a txi ya ka Mkoma, a txi ya khene: “Avava vathu va mahile txionho txa hombe, ngu ku ti mahela sizimu sa nzalama.

Dhaniyeli 5:23

Kambe u ti kulisile masoni ka Mkoma wa nzumani, nguko siya sa Nyumbani ka Mkoma si wuyisilwe masoni kwako, se awe, ni vahombe vako, ni vasikati vako, ni sigango sako, mi sete vhinya ngu sona; Hahanze keto, u to khozela sizimu sa silivhela, ni nzalama, sa koporo, sa tisimbi, sa tiphande, ni sa marigwi, si si woniko, si si engisako, si si zivako; aniko Txizimu txi wutomi wako, ni tinzila tako totshe, si ku manzani ka txona, khwa txi dhumisa.

Dhaniyeli 5:4

Va to sela vhinya ve dhumisa sizimu sawe sa nzalama, sa silivhela, sa koporo, sa tisimbi, sa tiphande, ni sa marigwi.

Ezekhiyele 43:8

Na veka mitshunzuti yawe hafuhi ni mtshunzuti wangu, ni misasimo yawe, hafuhi ni msasimo wangu, na ku ti ni diseta hagari kwangu navo; se va nyenyezisile ditina dangu do sawuleka ngu manyala awe va nga ti ti ma maha; ngu mhaka yeto, ni va fuvisile kuhenyani kwangu.

2 Vafumeli 17:41

Ngu kumaha keto, mifumo yiya yi txi thava Mkoma, ni kuthumela sithombe sawe so vatwa; nga tile va nga maha vatate vawe; va mahisa toneto ni vona vanana vawe, ni vanana va vanana vawe, kala ka ditshiku da nyamsi.

Eksodha 34:17

U nga timahele sizimu so tshulwa.

Levhi 19:4

Mi nga tshumeleleni ka sithombe, kambe mi nga ti maheleni sizimu sa tisimbi: Ani ngani Mkoma, Txizimu txanu!

Dhewuteronome 27:15

“Dikhombo di nave ka m'thu wule a mahako txithombe txo vatwa, mwendo txo bhakwa, nguko manyala ka Mkoma, tximaha txa mthumo wa manza a vathu, a txi txi khozela kusisalani!” Se vathu votshe va na womba va txi kha vona: “Amen!”

Dhewuteronome 29:17

Mi ma woni manyala awe ni sithombe sawe sa mapulango ni sa marigwi, ni sa silivhela ni sa nzalama, asile vona va ku naso.

Valamuli 17:3

Ngu kumaha keto, a to tshumeta male ya 1.100 ya silivhela ka mame wakwe; aniko mame wakwe a to khene: “Na ningela male yiya ngu dianza dangu ka Mkoma, kasi ku mwanana wangu a na mvatela txithombe ni ku txi wumba; se konkuwa, na yi tshumetela kwako.”