Eksodha 20:2 - Bhiblia Yo Sawuleka

² “Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Eksodha 20:2 Referans Kwoze

Dhewuteronome 5:6

“Ani ngani Mkoma, Txizimu txako, ni nga kuhumisa ditikoni ka Egipta, ka nyumba ya wukhumbi.

Hoseya 13:4

Hambi keto, ani ngani Mkoma, Txizimu txako, kukhukhela ditikoni ka Egipta; ngukonaho, khu na mbi ziva tximwani txizimu hahanze kwangu, nguko kha ku na Muhanyisi, na i si ngani.

Levhi 26:13

Ani ngani Mkoma, Txizimu txanu, ni nga mi humisa ditikoni ka Vaegipta, kasi ku mi si vi tikhumbi tawe; se ni fiunyile makhodha a mrwalo wanu, ni txi mi maha mi tsimbila mi di lulamile.

Masalmo 81:10

Ani Mkoma, ngani ni ku Txizimu txako, ngani ni nga kuhumisa ngu Egipta. Ni na kuninga sakudya yotshe mbimo u no pfa nzala.

Eksodha 13:3

Se Mosi a to khene ka vathu: Di alakanyeni ditshiku diya, adi mi nga huma ngu dona ditikoni ka Egipta, nyumbani ka wukhumbi, nguko Mkoma a mi humisile kona ngu dianza da mtamo; se ngu mhaka yeto, kha mi na mbi dya dipawu do tshumbelwa ka ditshiku donedo.

Levhi 19:36

Mi nava ni sikalo sa sinene, ni marigwi amanene, efa ya yinene, ni hini ya yinene. Ani ngani Mkoma, Txizimu txanu, ni nga mi humisa ditikoni ka Egipta!

Dhewuteronome 7:8

Mkoma a maha tiya nguko wa mi randa, kambe a lava kutsanisa txithembiso txakwe, txi ene a nga va a di xambanyile ka vatate vanu, Mkoma a mi humisile ngu dianza dakwe da mtamo, kambe a mi tirute nyumbani ka wukhumbi, manzani ka Faro, mfumeli wa Egipta.

Dhewuteronome 5:15

Alakanya ti to nawe u ti ti khumbi ditikoni ka Egipta, ni ti to Mkoma, Txizimu txako, a ku humisile koneyo ngu dianza da mtamo ni diwoko do guleka. Ngu mhaka ya toneto, Mkoma, Txizimu txako, a ku leletete ti to u vekisa ditshiku da Sabbata.

Levhi 23:43

Kasi totshe tiveleko tanu ti txi ziva tito, mbimo yi ni nga humisa vanana va ka Israyeli ditikoni ka Egipta, ni va vekile amu ka matenda ve zumba. Ani ngani Mkoma, Txizimu txanu!

Dhewuteronome 15:15

Alakanya ti to na nawe u ti ti khumbi ditikoni ka Egipta, ni ti to Mkoma, Txizimu txako, a ku tirute; ngu mhaka ya toneto, ani na kuninga mlayo wuwa nyamsi.

Dhewuteronome 13:10

Se u na m'balisela ngu marigwi kala a txi fa, nguko a duketile ku ku hambukisa ka Mkoma, Txizimu txako, awu a nga kuhumisa ditikoni ka Egipta, amu ka nyumba ya wukhumbi.

Levhi 26:1

Mi nga ti maheleni sithombe, kambe mi nga ti emiseleni sifananiso so vatwa, mwendo txithombe, hambi kuveka txikombiso txa dirigwi ditikoni kwanu, kasi ku txi khizamela; nguko ani ngani Mkoma, Txizimu txanu.

Jeremiya 31:33

Aniko atxiya njitumelelano txi ni no maha ni nyumba ya ka Israyeli, msana ka masiku ale, kuwomba Mkoma: Ni na veka mlayo wangu mndani kwawe, ni wu bhala timbiluni kwawe; ni na va Txizimu txawe, se vona va na va vathu vangu.

Masalmo 50:7

“Engisani anu Vathu vangu, ni lava kuwombawomba ni, kasi ku kuthethisa, awe Israyeli. Ani ngani Txizimu, Txizimu txako!

Varoma 10:12

Kha ku nga ho kuhambana hagari ka Mujudha ni Mugriki, nguko Mkoma wawe i mmweyo, awu a ku ni wuha ka votshelele va va m'khozelako.

Varoma 3:29

Ina Txizimu nja Vajudha vokha kani? Hi nga txa vamatiko ni vona kani? Im, njawe ni vona vamatiko;

Jeremiya 31:1

Ka yona yile mbimo, kuwomba Mkoma, ni na va Txizimu txa totshe tihunzu ta ka Israyeli, vona va na va vathu vangu.

2 Makronika 28:5

Mkoma Txizimu txakwe txi to mningela manzani ka vafumeli va Siriya. Vasiriya va to mxasela ve teka ni vathu vakwe ve va yisa Dhamasku. Akazi a to ningelwa manzani ka mfumeli wa va ka Israyeli, se Vaisrayeli va to mxula.

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Eksodha 15:13

Ngu wunene wako, u hulukisile ni kutsimbitisa ngamu yako ngu mtamo wako, u va tsimbitisile va txi ya ditikoni kwako ko sawuleka.

Eksodha 15:16

Kuxamala ni kuthava ku na wa txitimwi kwawe; ngu wuhombe wa diwoko dako, va na maha siduma nga marigwi, kala vathu vako va txi txhatuka, awe Mkoma, kala va txi txhatuka vathu vale u nga va tirula.

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Eksodha 20:1

Sekoko Txizimu txi to womba otshe mapswi awa txi txi kha txona:

Eksodha 29:46

Se va na ziva ti to ani Mkoma, ni Txizimu txawe, ani ni nga va humisa ditikoni ka Egipta, kasiku ni ta zumba hagari kwawe, ani, Mkoma, Txizimu txawe.

Levhi 11:45

Kha ditshuri, ani ngani Mkoma, ni nga mi humisa ditikoni ka Egipta, kasi ku ni txi va ni di Txizimu txanu. Ngu toneto, mahani vo sawuleka. Nguko ani ni sawulekile.

Valamuli 2:1

Se Ngelozi ya Mkoma yi to khukha Giligali yi kwelela Bhokimi, se yi txi kha yona: Ni mi humisile Egipta, ni txi mi tisa ka ditiko di, ni nga xambanya kuninga vatate vanu, ni txi khani: “Kha ni na mbi thuka ni fuvisa txitumelelano txangu ni nanu.

Isaya 43:3

Nguko ani ngani Mkoma Txizimu txako, Msawuleki wa Israyeli, Mtxhatxhisi wako; ni ningete Egipta kuva mtxhatxhisi wako, ni Etiyopiya, ni Sebha, ka wukhalo wako.

Jeremiya 2:6

Se kha va kha vona: “Ahani Mkoma, awu a nga hi humisa ditikoni ka Egipta kani? Awu a nga hi thangela amu txiwulani, ditikoni ka sigwangwa ni maphala, ditikoni ka kuoma kumweko ni mtsudini wa kufa Ditiko di nga ti si nga ni vapindi ni vaaki.”

Jeremiya 16:14

Ngu toneto, mata masiku, kuwomba Mkoma, aha ku no mbiswa kuwombwa taku: Wa Hanya Mkoma, awu a nga humisa vanana va ka Israyeli ngu ditikoni ka Egipta,

Jeremiya 34:13

A womba tiya Mkoma, Txizimu txa ka Israyeli: Ni mahile txitumelelano ni vakokwani vanu ditshikwedo ni nga va humisa ditikoni ka Egipta, nyumbani ka wukhumbi, ni txi khani:

Ezekhiyele 20:7

Sekoko ni to va gela ku khani: Mmweyo ni mmweyo a na tshotshe kule manyala, kambe mi nga ti nyenyeziseni ngu sithombe sa Egipta; ani ngani Mkoma, Txizimu txanu.

Ezekhiyele 20:19

Ani ngani Mkoma, Txizimu txanu; tsimbilani ngu sileleto sangu, niku, xayisani milayo yangu, kambe ti maheni.

Amosi 2:10

Kambe ni mi humisile ditikoni ka Egipta, se ni mi tsimbitisile mune wa magumi a malembe txiwulani, kasi ku mi mana ditiko da Vaamori.

Eksodha 13:14

Ngako mangwana wa ditshiku vanana vanu va txi mi wotisa va txi kha vona: “Toneto ti womba txani kani?” Mi na xamula mi txi khanu: Mkoma a hi humisile ditikoni ka Egipta, nyumbani ka wukhumbi, ngu dianza da mtamo.

Levhi 25:38

Ani ngani Mkoma, Txizimu txanu, ni nga mi humisa ditikoni ka Egipta, kasi ku mi ninga ditiko da Kanana, ni va ni di Txizimu txanu.

Levhi 25:42

Ngu toneto, vona nzithumi sangu, ani ni va thavisile ditikoni ka Egipta; va nga xaviswe, kufana ni kuxavisa ka tikhumbi.

Levhi 25:55

Nguko va ka Israyeli va lumba ani dwe, ndikhumbi tangu; nzithumi sangu, avale ni nga va humisa ditikoni ka Egipta. Ani ngani Mkoma, Txizimu txanu.

Dhewuteronome 20:1

“Mbimo yi u no huma ku yalwa yimbi ni valala vako, ngako u txi wona mahantxhi ni sikotxikani ni vathu vavangi, vo pinda awe, u nga va thave, nguko Mkoma, Txizimu txako awu a nga kuhumisa ditikoni ka Egipta, ana ni nawe.

Valamuli 6:10

Ni wombile kambe kwanu ni txi khani: Ani ngani Mkoma, Txizimu txanu, mi nga thaveni sizimu sa Vaamori, avale mi nga zumba ditikoni kwawe. Aniko anu kha ma ni engisa.

1 Vafumeli 18:39

Aha dibutho di nga ti wona tiya, di towa ngu tikhohe ta dona di txi kha dona: Mkoma ngene dwe i ku Txizimu! Mkoma ngene dwe i ku Txizimu!

2 Vafumeli 17:7

Ti mahekile tiya ngu ku vanana va ka Israyeli, va nga onha ka Mkoma, Txizimu txawe, awu a nga va humisa ngu ditikoni ka Egipta, hahatshi ka dianza da Faro, mfumeli wa Egipta; se va to khozela simwani sizimu.

2 Vafumeli 17:12

Kambe va thumete sithungulu sile Mkoma a khalako ku va gela a txi khene: Mi nga ti maheni eto.

Masalmo 81:7

Kuxanisekani kwako, u ni dhani ni ta kuhanyisa; ni ku angute, ni di direfuni ka txingwalangwanda, awe u nga ni duka matini ka Meribha.

Masalmo 81:11

Kambe ngamu yangu kha ya lava ku ni engisa; Israyeli kha komba kukhatala ngu ngani!

Ezekhiyele 20:5

se va gele ku khawe: Mkoma a khene: Ka ditshiku dile ni nga sawula Israyeli, ni gulete dianza liveleko la Jakobe, ni txi ti zivanekisa kwawe, ditikoni ka Egipta, se ni guletile dianza kwawe, ni txi khani: Ani ngani Mkoma, Txizimu txanu.

Hoseya 12:10

Se ni na womba-womba ka vaprofeti, ni engetela siwoniso, kambe ngu ka mthumo wa vaprofeti, ni na va komba ngu sifananiso.