Eksodha 20:17 - Bhiblia Yo Sawuleka

¹⁷ U nga navele nyumba ya mwakelani wako; u nga navele msikati wa mwakelani wako, ni txithumi txakwe txa wamwamna mwendo txa wamsikati, ni homu yakwe, ni mbongola yakwe, hambi ni tximwani tximaha txa mwakelani wako.”

Eksodha 20:17 Referans Kwoze

Varoma 13:9

Nguko sirumo si si ku: “U nga geleze, u nga daye, u nga pe, u nga navele” hambi ni sihi simwani sirumo, sotshe si tshanganiswa ngu dipswi diya diku: “U na randa muakelani nga ti u ti randisako tona awe upune.”

Luka 12:15

Se a txi khene kwawe: “Ti woneleni ta tinene ka hanyelo ya timbiti, nguko hambi m'thu a di taletwe ngu thomba, wutomi wakwe kha wu tsaniswi ngu si a ku naso.”

Vahebheru 13:5

Mi nga fumweni ngu male kuhanyani kwanu. Tsakani ngu si mi ku naso, nguko Mkoma apune a wombile a txi khene: “Kha ni na mbi thuka ni kuleka, kha ni na mbi nga va ni ku kutshotsha.”

Vakolosa 3:5

Ngu toneto, ha mmidini kwanu, dayani asi i ku sa mafu: Wugango, mahanyelo a nzambwa, makolo, mixuvo yo biha, likungo, li fanako ni kukhozela siwumbwa.

Vaefesu 5:5

Zivani ti to awalo m'thu wu a no mana thomba ya mfumo wa Kristu ni wa Txizimu, ngako i di m'gelezi mwendo wu a mahako mithumo ya nzambwa, mwendo mnaveli wa tithomba, awu i ku mkhozeli wa sa walo.

Varoma 7:7

Hi na txani kani? Ina mlayo njionho kani? Lambi! Kambe idiku ku ti si nga ni mlayo, nga ni sa txi ziva txionho. Nguko ani nga ni sa ziva ti to kuho kunavela, idiku mlayo wu ti sa womba tito: “U nga navele to biha.”

Vaefesu 5:3

Kambe wugango ni mithumo yotshe ya nzambwa mwendo likungo, si nga ve ni kuwombwa hagari kwanu, nga ti ti fanelako vasawuleki.

Matewu 5:28

Aniko ani ni khani kwanu: Awule a wonetelako wamsikati ngu ku mu navela, se a mahile nayo wugango mbiluni kwakwe.

1 Vakorinto 6:10

ni makhamba, ni vanyatimbiti, ni sidhakwa, ni varuketeli, ni vavamna va va mahako txionho txa tingana ni mwamna kulowe, kuwalo ni wammweyo kwawe a no sikota kudya thomba ya mfumo wa Txizimu.

Habhakuki 2:9

Dikhombo ka wule a sengeletako tithomba to ti mana ngu mamahelo awalo, kasi kuveka txisaka txakwe txitimwi, a txi mahela ku ti txhatxhisa ka dianza do biha.

Mika 2:2

Se va navela tithembwe ni tinyumba ve ti honyola; ngu kumaha keto va lwisa wamwamna ni mwaya wakwe, ni m'thu kumweko ni thomba yakwe.

Jeremiya 5:8

Vo nga vamatune va mahantxhi ma nga khura; mmwani ni mmwani a emba ngu kunavela msikati wa mwakelani.

Jobe 31:9

Ngako mbilu yangu yi ti ndindekile ngu kunavela wamsikati, ni kungako ani ni ti horolokete ha txikeni ka mwakelani,

Mithumo 20:33

Kha na navela male ya silivhela mwendo ya nzalama, hambi syambalo sa m'thu;

Mithumo 5:4

Thembwe yi sinzi kuxaviswa ina i ti si nga yako kani? Mhaka yiya yi wulelisile kutxani mbiluni kwako kani? Khwa hembela vathu, aniko u hembete Txizimu.”

Luka 16:14

Vafarisi va i ku vathu va makolo ni male, va ti tiengisa totshe timhaketo, se ve mu seka.

Matewu 20:15

Ina kasi kha ni nga ni fanelo yo maha kuranda kwangu ngu si i ku sangu kani? Mwendo awe wo va u di ni diso do biha, ngu kuva ani ni di wamnene kani?’

Ezekhiyele 33:31

Se vona vata kwako, nga tile vathu va tisako tona kwako, ve ta khalahatsha masoni kwako kufana ni vathu vangu, kambe ve engisa dipswi dako, aniko kha va mahi txilo; va tumeletela ngu sisofu sawe, kambe timbilu tawe ti londetela ta minavelo yawe.

Jeremiya 22:17

Aniko maso ako ni mbilu yako si navela dibhindu dwe, ni kutheketa mnoha wa wu asi ngako ni mnandu, u maha ngu kutsindaveta ni timboyinga.

Isaya 57:17

Ngu mhaka ya wubihi wa likungo lakwe, ni henyile, ni va peka; ni to barama, ni henya; aniko sindaka-milayo si to tsimbitisa ngu nzila ya kuranda ka mbilu ya sona.

Isaya 33:15

Awu a tsimbilako ngu kululama, kambe a wombawombako ngu wunene, a tshotshako kule ni nene kuhumelela ngu wutsindaveti, a zuzako ngu manzani kwakwe sotshe siningo; a tsivako tinzeve kasi asi engisi kuwombawombwa ngu mnoha, ni kutsiva maso kasi asi woni kubiha,

Ekleziyaste 4:8

Ku ni m'thu mmweyo i ku ekha, kha ku na wa wumbidi; ina, ene kha na mwanana mwendo ndiya; hambi keto, wotshe mthumo wakwe kha wu nga ni magwito, hambi maso akwe kha ma kolwi ngu thomba; kha wombi ku khene: Ni thumela mani ani, ni txi ti tona makatekwa kani? Eto ni tona mbukanganyisi, kambe mthumo wo karata.

Mavingu 4:23

Txitimwi ka sotshe si si dinganako kuxayiswa, xayisa mbilu yako, nguko tita ngu ka yona tinzila ta wutomi.

Masalmo 119:36

Ni ninge mbilu ya kuranda sileleto sako i si nga timbiti ta kuranda tithomba ta ha mafuni.

Masalmo 10:3

M'thu wa kubiha wa ti dhumisa ngu minavelo yakwe; m'thu wa makolo wa ruketela ni kunyenya Mkoma.

Jobe 31:1

Ni mahile txitumelelano ni maso angu; ni nga navelisa kutxani muhorana kani?

1 Samuwele 15:19

Ngu kutxani koko, u nga mbi engisa dispwi da Mkoma kani? Kambe wu to tutumela kuhanda u maha to biha masoni ka Mkoma.

Joxuwa 7:21

Mbimo yile ni nga wona dijasi do tshura hagari ka sile so handwa, ni 200 wa maxekele a silivhela, ni dibwinzi da nzalama ya mtxhanu wa magumi a maxekele, ni to si navela ni txi si teka, wona taku, ni si sisile hahatshi ka mafu, hagari ka ditenda dangu, se silivhela yi ngu hahatshi ka sotshe.”

Genesisi 3:6

Se wamsikati a to wona tito, mndonga wule mbwa wunene kuwudya, ni ti to wa tsakisa ku wu wona, mndonga wa kunavetisa, wo dingana kuninga wuzivi; a to hapha muhando wa mndonga, e dya; se ngu msana a to ninga mwamna wakwe, a nga ti nayo hafuhi, nene a to dya.

Vafilipiya 3:19

Magwito awe ngu kulova, nguko Txizimu txawe ngu mrumbu wawe. Va ti kukumukisa ngu sile si va thelako tingana, va khutalela tithomba ta mafu dwe.

Genesisi 34:23

Mitxhambi yawe, sifuyo sawe, ni totshe tithomba tawe, ina kha si na mbi hi lumba kani? He tumeleni ati va wombako kasiku ve zumba ni nathu.”

Genesisi 14:23

ti to kha ni na mbi teka txilo txi txi kulumbako, hambi ndrima, mwendo ngoti yo sunga ngu yona tikathula. Nguko u nga thuka u womba ku khawe ni humelelisile Abramu.

Dhewuteronome 5:21

U nga navele msikati wa muakelani wako, kambe u nga navele nyumba ya muakelani wako, hambi thembwe yakwe, hambi khumbi yakwe ya wamwamna mwendo ya wamsikati, hambi homu yakwe, ni mbongola yakwe, hambi ni txihi tximaha txi lumbako muakelani wako.”

Dhewuteronome 7:25

Mi na hisa ha mndiloni sithombe sa sizimu sawe. U nga navele silivhela ni nzalama yile yi nga si fenengeta, kambe u nga si teke si maha sako, kasi u siwi ha litshengani, nguko nzimaha so nyenyeza ka Mkoma, Txizimu txako.

1 Samuwele 12:3

Ngani wuwa hawa, ni fakazeleni masoni ka Mkoma ni masoni ka wule a nga totwa wa Mkoma: I mani ni nga mtekela homu kani? I mani ni nga mtekela mbongola kani? I mani ni nga mdyelela kani? I mani ni nga mxanisa mwendo kuamukela siningo ngu kwakwe so ni vhala maso angu kani? Se ni na mtshumetela.

Mavingu 6:29

Ti na nga toneto ka wule a wulelako ka msikati wa mwakelani wakwe; ni wihi wule a no m'gwesa kha na mbi pwata mnandu.