Eksodha 20:16 - Bhiblia Yo Sawuleka

¹⁶ U nga lumbete mwakelani wako ngu wufakazi wa makuhu.

Eksodha 20:16 Referans Kwoze

Mavingu 19:5

Fakazi ya makuhu kha yi na mbi va ni ditshuri; ni wule a wombawombako makuhu, kha na mbi huluka.

Matewu 19:18

Ene a to wotisa, a txi khene: “Ngu yihi kani?” Jesu a mu xamute, a txi khene: “U nga daye, u nga mahe wugango, u nga pe, u nga ve fakazi ya makuhu,

Masalmo 15:3

awule asi lumbetiko mkwawe ngu lidimi lakwe ni wu asi mahiko to biha ka mmwani, asi bhumisiko phungo yo biha mwakelani wakwe;

Eksodha 23:1

“U nga hangalase timhaka ta makuhu; u nga tshangane ni vathu vo biha, u nga mahe wufakazi wa makuhu.

Mavingu 10:18

Awule a sisako livengo wa hemba ngu txisofu, ni wule a lumbetako njiphukuphuku.

Jakobe 4:11

Mi nga lenganeni, vanathu. Awu a lengako mkwawe, mwendo kulamula mkwawe, a lenga mlayo ni kulamula mlayo. Senikoko, ngako u txi lamula mlayo, khu ngadi mlondeteli wa wona, aniko u mlamuli wa wona.

1 Timoti 1:10

vamahi va ta nzambwa, vavamna va kumaha to biha ni vamna kulowe, vaxavisi va tikhumbi, vawombi va makuhu, vaxambanyi va makuhu, ni votshe va va mahako totshe ti ti hambanako ni gondo yo hanyisa ya ditshuri,

Vaefesu 4:31

Totshe ti i ku ta mabava, kuhenya, txitsikivi, maguwa ni kuruka, sotsheso si na fuve hagari kwanu, kufana ni lotshe lixaka la wubihi.

Mithumo 6:13

Se ve humisa tifakazi ta makuhu, ati ti nga womba ti txi kha tona: M'thu wuwa, kha leki kuwombawomba timhaka ti ti poyilako Wukhalo wo sawuleka ni Mlayo;

2 Timoti 3:3

ava vo mbina lirando, vo mbina kutsetselela, valumbeti, vo mbi ti ñola, va tshofu, valala va ti i ku to lulama,

Mavingu 11:13

M'thu wa txibwebwe wa humisa txihunja, aniko awule a ku ni moya wo thembeka wa fenengeta mahungu.

Levhi 19:11

Mi nga peni, mi nga dyeleleni, mi nga wombeni makuhu kasi kukanganyisa mkwanu.

Levhi 19:16

U nga phaye livengo hagari ka va ka kwanu; u nga mangalele mwakelani wako, eza e mana phango. Ani ngani Mkoma!

Luka 3:14

Masotxhwa ni ona ma to mu wotisa ma txi kha ona: “Athu-ko, hi fanete kumaha txani, kani?” Ene a to xamula a txi khene: “Mi nga thumiseni wurena ka si i ku sa vane, mi nga mangaleleni m'thu hahanze ka mnandu, kambe tumelani kuenelelwa dwe ngu muholo wanu.”

Levhi 19:18

U nga pandiseke, kambe u nga ve ni txiviti ngu vathu va ka kwanu, aniko randa mwakelani wako nga ti u ti randisako tona awe upune. Ani ngani Mkoma!

Dhewuteronome 5:20

U nga lumbete muakelani wako, ngu wufakazi wa makuhu.

Mavingu 25:18

M'thu wu a fakazako makuhu, e wukela mwakelani wakwe, txibando, ni ditxhari ni lingove lo hinda.