Nguko sirumo si si ku: “U nga geleze, u nga daye, u nga pe, u nga navele” hambi ni sihi simwani sirumo, sotshe si tshanganiswa ngu dipswi diya diku: “U na randa muakelani nga ti u ti randisako tona awe upune.”
Awu a nga ti hanya ngu kupa, a nge ngadi e pa, aniko a na ti thumele ngu manza akwe, e maha ti i ku ta tinene, kasiku e mana sa kuabana ni wu a ku si nga naso.
ni makhamba, ni vanyatimbiti, ni sidhakwa, ni varuketeli, ni vavamna va va mahako txionho txa tingana ni mwamna kulowe, kuwalo ni wammweyo kwawe a no sikota kudya thomba ya mfumo wa Txizimu.
Ene a wombisile eto, i si nga ngu kuthela kota ngu sikulungu, aniko nguko i nga ti dikhamba da kupa asi si nga txi vekwa msavani, nguko i ti ene, i nga ti mñoli wa wona.
Ngako m'thu a txi kuretwa a di ruruvisile Muisrayeli kulowe, kasi ku mmaha khumbi yakwe, mwendo kuve a txi mxavisa, edo dikhamba di fanete kudawa. Ngu toneto, u na fuvisa wubihi hagari kwanu.
Ka yiya mhaka, m'thu a nga thuke a txi dyelela mkwawe, nguko Mkoma wa ziva kupharela ka sotshe siya, kota nga ti hi nga mi gela, hi txi tshumela hi mi xambanyela.
A txi khene kwawe: “Ti bhatwe ku kha vona: ‘Nyumba yangu yi na dhanwa ku i nyumba ya kukhongelela ka yona.’ Kambe anu mi yi maha wubaramelo wa makhamba!”
Manza awe ma ti ningetetela kumaha wubihi; maxonga ma wotisela, se mlamuli a tutumela hakhelo, ni wa hombe a womba-womba ngu kunavela ka mbilu yakwe, ngu kumaha keto, vona votshe mba khulumeteli.
