Eksodha 20:14 - Bhiblia Yo Sawuleka

¹⁴ U nga mahe wugango.

Eksodha 20:14 Referans Kwoze

Vahebheru 13:4

Mtxhadho wu na dhundwe ngu votshe, se m'bhedhu wa mtekano wu nga nyenyeziswe, nguko Txizimu txi na abanisa ava va mahako wugelegele, ni va va mahako wugango wu wo hoxela mtxhadho.

Dhewuteronome 5:18

U nga mahe wugango.

Varoma 13:9

Nguko sirumo si si ku: “U nga geleze, u nga daye, u nga pe, u nga navele” hambi ni sihi simwani sirumo, sotshe si tshanganiswa ngu dipswi diya diku: “U na randa muakelani nga ti u ti randisako tona awe upune.”

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Levhi 20:10

Nene wamwamna wule a mahako wugango ni msikati wa vane, a txi maha wugango ni msikati wa mwakelani wakwe, wamwamna ni wamsikati, avale va nga maha wugango, ngu ditshuri vona ngu wumbidi wawe va na dawa.

Levhi 18:20

U nga thuke u otela ni msikati wa mwakelani wako, nguko u nga ti totela manyala kumweko nayo.

Jakobe 4:4

Vanyawugangonu, kha mi tizivi ti to wungana ni ditiko mbulala ka Txizimu, kani? Ngu toneto, awu a lavako wungana ni ditiko, i mlala wa Txizimu.

2 Samuwele 11:27

Se ku di pindile txidilo, Dhavhidha a to rumela vo ya mteka eya nyumbani kwakwe; kambe a to mmaha msikati wakwe, ene e m'velekela mwanana wa mfana. Kambe mhaka yi ya Dhavhidha a nga yi maha yi ti bihile masoni ka Mkoma.

Matewu 19:18

Ene a to wotisa, a txi khene: “Ngu yihi kani?” Jesu a mu xamute, a txi khene: “U nga daye, u nga mahe wugango, u nga pe, u nga ve fakazi ya makuhu,

Malakiya 3:5

Se ni nata hafuhi kwanu, ku ta mi lamula, kambe ni na va fakazi ya livilo yo lwa ni valoyi, ni kuwukela vale va mahako wugango, ni vale va xambanyako ta makuhu, ni vale va kanganyisako mthumi, ve honyola madingano a tinoni, ni vo felwa ngu vaveleki, ni vawuyi, kambe kha va ni thavi, kuwomba Mkoma wa Mabutho a Tiyimbi.

Jakobe 2:11

Nguko, awule a ku khene: “U nga mahe wugango,” a wombile kambe ku khene: “U nga daye.” Ngu toneto, ngako u si mahi wugango, kambe u txi daya m'thu, se u txindakamilayo.

Malakiya 2:15

Ina kha mi maha mmweyo dwe, e mi ninga ni moya kani? Se ngu kutxani mi va mmweyo kani? Ene a ti ti lava mbewu ya vo lulama; ngu konaho, ti xayiseni mimoyani kwanu, kambe ni wammweyo a nga leke kuthembeka ka msikati wa wujaha wakwe.

Genesisi 39:9

Kha nga ho mmwani i ku wa hombe ha m'tini kwakwe, hahanze kwangu: Kha txi nga ho txi a ni tsimbako ku txi gwesa, hahanze kwako awe dwe, nguko u msikati wakwe. Ni nga sikotisa kutxani kumaha to biha ta hombe to ngeto ni kuonhela Txizimu kani?”

Mitengo 5:12

Gela vanana va ka Israyeli, u txi khawe: Ku ngako msikati wa wokari a txi phazama e onhela mwamna wakwe;