Nguko sirumo si si ku: “U nga geleze, u nga daye, u nga pe, u nga navele” hambi ni sihi simwani sirumo, sotshe si tshanganiswa ngu dipswi diya diku: “U na randa muakelani nga ti u ti randisako tona awe upune.”
Nguko, awule a ku khene: “U nga mahe wugango,” a wombile kambe ku khene: “U nga daye.” Ngu toneto, ngako u si mahi wugango, kambe u txi daya m'thu, se u txindakamilayo.
na hi txi tiziva ti to wona kha wa vekelwa ava vo lulama, aniko wu veketwe ava vo biha ni vaeyisi, ava va si thaviko Txizimu, ni vaonhi ni vamahi va to yila ni va va mahako to nyenyeza ngu sa Txizimu, ava va dayako vatate vawe ni vamame vawe, ni vadayi va vathu;
Nguko wona taku Mkoma a na khukha ka wukhalo wakwe, kuya tsayisa vahanyi va ha mafuni, ngu mhaka ya wubihi wawe; se mafu ma na vhunungula mnoha wawe, aniko kha ma na mbi fenengeta kambe vale va nga dawa.
kubavela, wudevi, limito, ni simwani so fana ni sona siya. Na mi alakanyisa, ngako ni khalako ni txi mi alakanyisa, tito: Ava va mahako to ngeto, kha va na mbi mana thomba ya Mfumo wa Txizimu.
Mbimo yi vathu va ditiko dile va nga wona txikalani txile txi di lengalenga diwokoni ka Paulo, va to gelana, va txi kha vona: “Ngu ditshuri mamowa njigevenga: I ngadi kwakwe kuhuluka lineneni, kambe Nzuma kha yi ti lavi e hanya.”
Zivani dwe ti taku, mi txi ni daya, mi neha mnoha wo mbi na mnandu txitimwi ka wutumbu wanu, ni txitimwi ka didhoropa diya, ni txitimwi ka votshe va zumbako ka dona; nguko Mkoma ngene a nga ni ruma ku ta txhumayela kwanu totshe tiya timhaka.
Mfumeli Jowasi kha khumbula wunene awule mphaxeli Joyadha, tate wa Zakariya a nga mmahela wona. A to m'dayela mwanana wakwe, awule mbimo yile a nga ti lava kufa a nga khene: Mkoma, wona a ti va ti mahako, wu va tshumetela!
Kambe kupinda eto, Manasi a theketile ngutu mnoha wa vo mbi na mnandu, wu tata Jerusalema, kukhukhela magwito kala kumwani magwito, eza e onhisa Judha, ngu kumaha wubihi masoni ka Mkoma.
Aniko ngako homu yi di zivisilwe to nja tshofu, ni nyamne wa yona a di zivisilwe a sikombi kukhatala a txi yi sunga, homu yi na baliselwa ngu marigwi, ngako yi di date wamwamna mwendo wamsikati, ni nyamne wa kona a na tsayiswa ngu kudawa.
