Eksodha 20:12 - Bhiblia Yo Sawuleka

¹² Thava tate wako ni mame wako kasiku masiku ako ma na engetelwa ka ditiko di u nga ningwa ngu Mkoma, Txizimu txako.

Eksodha 20:12 Referans Kwoze

Vakolosa 3:20

Anu vanana, engisani vaveleki vanu ka totshelele, nguko ta tsakisa ka Mkoma.

Dhewuteronome 5:16

Thava tate wako ni mame wako, nga ti Mkoma, Txizimu txako, a nga kuleleta, kasi masiku ako ma na anda ni nawe u na kateka, ka ditiko di Mkoma, Txizimu txako, a no kuninga.

Marku 7:10

Nguko Mosi a ti khene: ‘Thava tate wako ni mame wako’, ni ku khene: ‘Awu a rukako tate wakwe ni mame wakwe, a na dawe efa.’

Mavingu 30:17

Maso ale ma poyilelako tate mwendo kutxhipisa ngu kwa mbi engisa mame, ma na xokolelwa ngu magwana a txinambwanani, se me dyiwa ngu sisondo sa digama.

Levhi 19:3

Mmweyo ni mmweyo a na thave tate wakwe ni mame wakwe, e vekisa Masabbata tangu. Ani ngani Mkoma, Txizimu txanu!

Luka 18:20

Wa yi ziva milayo yi yi ku kha yona: ‘U nga thuke u txi geleza, u nga daye, u nga pe, u nga henyele m'thu, thava tate wako ni mame wako.’ ”

Matewu 19:19

thava tate wako ni mame wako; randa muakelani wako nga ti nawe u ti randisako tona.”

Mavingu 20:20

Awule a rukako tate wakwe mwendo mwamwakwe, a na timekelwa ngu dilambu dakwe, se a na zumba ka txidema txa hombe.

Eksodha 21:17

Awule a ruketelako tate wakwe mwendo mame wakwe, a na dawa.

Marku 10:19

Wa yi ziva milayo yi yi ku: ‘U nga daye, u nga mahe wugango, u nga pe, u nga lumbete, u nga dyelele, thava tate ni mame.’ ”

Eksodha 21:15

Awule a pekako tate wakwe mwendo mame wakwe, a na dawa.

Dhewuteronome 32:47

Nguko aawa, hi nga mapswi o mbi vhuna kwanu; aniko ona mbutomi wanu, kambe ngu ona mapswi awa mi na andisa masiku anu, ka ditiko di mi yako ka dona, kasi kuya di teka, ngako mi txi txhatuka Jordhani.”

Mavingu 3:16

Kuengetelwa ka masiku ku ka dianza da txinene da wutxhari; ka da txibhabha kumaneka tithomba ni kudhundeka.

2 Vafumeli 2:12

Mbimo yile Elixa a nga muwona, a to kwangula a txi khene: Nzikotxikani sa mndilo ni vagadhi va mahantxhi! Se khaswa a di mwoni kambe. A to juwela ka syambalo sa kona, a txi si bhanda ngu madhawa mambidi.

Dhewuteronome 4:40

Xayisa sirumo sakwe ni milayo yakwe, ayi nyamsi ni ku leletako, kasi ku totshe ti txi tsimbila kwati kwako ni ka vanana vako, msana kwako, masiku ako ma txi anda ha ditikoni, adi Mkoma, Txizimu txako, a no kuninga, di txi maha dako, kala kupinduka.”

Dhewuteronome 25:15

U fanete ku va ni mpimo wumwewo wo nemela wa kuhetiseka ni kululama, ni mpimo wumwewo wa efa, wa kuhetiseka ni kululama, kasi ku masiku ako ma txi anda amuwa ka ditiko di Mkoma, Txizimu txako, a no ku ninga.

Malakiya 1:6

Mwanana wa mfana a na thava tate wakwe, ni txithumi txi na thava nyamne wa txona; se, ngako ani ni di tate, txi hayi txithavo kwangu kani? Ngako ani ni di Mkoma, ku hani kuthavwa kwangu kani? Kuwomba Mkoma wa Mabutho a Tiyimbi kwanu, anu vaphaxeli, mi txhipisako ditina dangu, mi txi khanu: Hi di txhipisisa kutxani ditina dako kani?

Mavingu 30:11

Ku ni liveleko li rukako tate wa lona, kambe li si dhundiko mwamwa lona.

Mavingu 28:24

Awule a pako sa tate mwendo sa mame wakwe, se a txi khene: Hi nga ta walo, mngana wa wule a hasamulako.

Mavingu 15:5

Txiphukuphuku txi txhipisa silayelo sa tate wa txona, aniko awule a xayisako kukawukwa, a na hanya kha kwati.

1 Vafumeli 2:19

Ngu konaho Bhate-Xebha a tota ka mfumeli Solomoni, a txi ta tshunda kuwomba Adhoniya, se mfumeli a to khukha eya tshangana nayo, a txi nama masoni kwakwe; se a to khalahatsha txikhaloni kwakwe ka wukoma, a to rumisa ku ku txi vekwa txitulu txa mame wa mfumeli ngu didhawa da txinene, a to khalahatsha ka txona.

Levhi 19:32

Khukha u txi ema, u komba txithawo ka wule a ku ni msungo wa wunvi, u txi xonipa m'thu wule i ku wa hombe. Thava Txizimu txako: Ani ngani Mkoma.

Vaefesu 5:21

Xoniphanani ngu txithavo ka Kristu.

Dhewuteronome 4:26

nyamsi ni maha ti to nzuma ni mafu, si txi va i di tifakazi tanu to mi wukela; ngako toneto ti txi maheka, ngu txikuluveta mi na ya lova ka donedo ditiko, adile anu mi yako kuya di fuma, ngako mi di txhatukile mnambo wa Jordhani; ka toneto, kha mi na mbi ya hanya ngutu ka dona, nguko ngu ditshuri, mi na ya loviswa.

Dhewuteronome 5:33

“Mi na tsimbila ngu yotshe nzila yi Mkoma, Txizimu txanu, a nga mi leleta, kasi ku mi txi hanya, mi di katekile, ni ti to masiku anu ma txi anda, ka ditiko di mi no ya di teka, di txi maha danu.”

Dhewuteronome 6:2

Ngu toneto, thava Mkoma, Txizimu txako, kambe vekisa yotshe milayo yakwe, ni sirumo si nyamsi ni ku leletako, awe ni vanana vako, ni mtukulu wako, otshe masiku a kuhanya kwako, kasi ku masiku ako ma na anda.

Dhewuteronome 11:8

Ngu toneto, vekisani sotshe sirumo si ni mi leletako nyamsi, kasi ku mi mana mtamo wa kuwulela, mi teka ditiko di mi txhatukelako kuya di fuma.

Dhewuteronome 11:9

Kasiku mi txi andiselwa masiku anu ka ditiko di Mkoma a nga thembisa ngu txixambanyo, ti to a na di ningela ka vatate vanu ni vatukulu vawe, ditiko di di khulungako masi ni wulombe.

Dhewuteronome 21:18

Ngako m'thu wokari a di ni mwanana wa txihwiri, a di ni kanu, asi engisiko tate wakwe ni mame wakwe, awu waku, hambi va txi mlaya, kha khatali;

Dhewuteronome 27:16

“Dikhombo di nave ka wule a vengako tate wakwe ni mame wakwe!” Vathu votshe va na womba va txi kha vona: “Amen!”

Mavingu 17:6

M'bhoti wa vo kumba ngu kuwona vanana va vanana vawe; se wudhundo wa vanana ngu vatate vawe.

Jeremiya 35:7

Mi nga dhuki mi aka tinyumba, mi nga phayeni timbewu, mi nga phayeni mivhina, hambi ku va naso; aniko mi na zumba matendani, masiku anu otshe, kasi mi txi na hanya masiku o tala, ka ditiko di mi luvelako ka dona.

Jeremiya 35:18

Se ka nyumba ya va ka Rekabhi, Jeremiya a ti khene: Mkoma wa Mabutho a Tiyimbi, Txizimu txa ka Israyeli, a womba tiya: Ngako mi nga engisa sirumo sa Jonadhabhe, tate wanu, mi txi xayisa yotshe milayo yakwe, ni kumaha totshe ti a nga mi leleta,

Ezekhiyele 22:7

Tate ni mame va txhipisilwe kwako, va xanisile mluveli hagari kwanu, va khozisile wo felwa ngu vaveleki, kumweko ni noni.

Genesisi 48:12

Sekoko Josefa a to va thavisa ha mathumbini ka tate wakwe, a txi khizama masoni kwakwe ni kutinamisa hahatshi.

Genesisi 50:12

Vanana va Jakobe va mahisile ti ene a nga va gelisa tona.

Rute 3:6

Sekoko Rute a to relela eya didhandoni, eya maha madingano ni totshe ti masale wakwe a nga mleletisa tona.

1 Samuwele 22:3

Se Dhavhidha a to khukha koneyo eya Misipa ka Vamowabhi, a txi ya khene ka mfumeli wa Vamowabhi: Ni kombela ti to tate wangu ni mame wangu ve zumba ni nanu, kala kuza ni zivi a ti Txizimu txi no maha ngu ngani.