Eksodha 20:1 - Bhiblia Yo Sawuleka

¹ Sekoko Txizimu txi to womba otshe mapswi awa txi txi kha txona:

Eksodha 20:1 Referans Kwoze

Dhewuteronome 5:22

Aawa ngu ona mapswi a Mkoma a nga huwelela, ngu dipswi do guleka, ka wotshe msengeletano wanu, txitimwi ka mmango, a di hagari ka mndilo, ni direfu, ni txidema. A to womba-womba ngu dipswi da hombe, a si engeteli txilo; a to bhala timhaka tiya, aha ka sileti simbidi sa marigwi, a txi si ningela kwangu.

Dhewuteronome 5:4

Mkoma a wombawombile ni nanu khohe ni khohe, a di hagari ka mndilo, txitimwi ka mmango.

Dhewuteronome 4:36

Ene Mkoma a mahile ti to u txi engisa dipswi dakwe a di nzumani, kasi ku a txi kugondisa. Ene a mahile ti to u txi wona mndilo wakwe wa hombe kona ha mafuni, ni kuengisa mapswi akwe ma txi huma ngu hagari ka mndilo.

Mithumo 7:38

Ngu mbimo ya kusengeletana ka va ka Israyeli txiwulani, ngene Mosi a nga ema ni ngelozi, ayi yi nga womba-womba nayo mmangoni ka Sinayi, kumweko ni vatate vathu; ngene a nga amukela mapswi a wutomi, kasi ku ta hi ninga ona.

Dhewuteronome 4:33

Ina vaho vathu va nga engisa dipswi da Txizimu, txi txi womba-womba ngu hagari ka mndilo, kufana ni ku awe u ngadi engisa, va txi tama va txi hanya kani?

Mithumo 7:53

anu mi nga amukela mlayo manzani ka tingelozi, kambe kha ma wu xayisa.”

Eksodha 19:25

Sekoko, Mosi a to relela a va gela vathu timhaka tiya.

Eksodha 20:2

“Ani ngani Mkoma Txizimu txako, awule a nga kuhumisa ditikoni ka Egipta, amu ka nyumba ya wukhumbi.

Dhewuteronome 10:4

Sekoko Mkoma a to bhala aha ka sileti, yoneyo mhaka a nga ti yi bhate ha kukhatani, i ku milayo ya digumi, ayi Mkoma a nga ti yi wombile mmangoni, na a di hagari ka mndilo, ka ditshiku da msengetano; se Mkoma a to si ningela kwangu.

Nehemiya 9:13

U txhikile txitimwi ka mmango wa Sinayi, u womba-womba navo u di nzumani, u va ningile wululamo wa wunene ni milayo ya ditshuri, sileleto ni sirumo sa sinene.

Dhewuteronome 5:6

“Ani ngani Mkoma, Txizimu txako, ni nga kuhumisa ditikoni ka Egipta, ka nyumba ya wukhumbi.