Eksodha 2:8 - Bhiblia Yo Sawuleka

⁸ Se mwanana wa Faro wa dihorana a to mxamula, a txi khene: “Tsula.” Se awule wa dihorana a to tsula a txi ya dhana mame wa mwanana.

Eksodha 2:8 Referans Kwoze

Masalmo 27:10

Hambi idiku tate wangu ni mame wangu vo ni leka, Mkoma a na ni xayisa.

Eksodha 6:20

Amiramu a to tekana ni Jokabhedhi, hahani wawe, awu a nga veleka nayo Aroni ni Mosi. Amiramu a hanyile 137 wa malembe.

Ezekhiyele 16:8

Se ni to pinda ngu ha u nga ti ti kona, ni kuwona, ni wona taku mbimo yako i ti ti mbimo ya lirando; se ni to fenengeta wumbwiri wako ngu didhamba dangu; ni to kuthembisa ni maha txixambanyo ni nawe, kuwomba Mkoma Txizimu, se awe u mahile wangu.

Eksodha 2:7

Sekoko ndiya ya mwanana wule wa mfana a to khene ka mwana Faro wa dihorana: “Wa ti lava ti to ni tsula ni ya kudhanela wamsikati wa Muhebheru, awu a nota kuwunjela mfana wuwa kani?”

Eksodha 2:9

Sekoko mwanana wa Faro wa dihorana a ti khene kwakwe: “Teka mfana wuwa u txi ya muwunja e kula; ni nata kuninga hakhelo ya kona.” Se awule wamsikati a to teka mwanana wule wa mfana eya muwunja.