Eksodha 2:7 - Bhiblia Yo Sawuleka

⁷ Sekoko ndiya ya mwanana wule wa mfana a to khene ka mwana Faro wa dihorana: “Wa ti lava ti to ni tsula ni ya kudhanela wamsikati wa Muhebheru, awu a nota kuwunjela mfana wuwa kani?”

Eksodha 2:7 Referans Kwoze

Eksodha 2:4

Se ndiyakwe mwanana wule wa mfana a ti ti dingilila a di kule nyana, a txi wonetela ati ti no humelela kwakwe.

Mitengo 26:59

Se ditina da msikati wa Anirami, i Jokebhedhi, mwana Levhi, awu a nga veleka Levhi a di Egipta; se awuwa i Anirami, a to veleka Aroni, ni Mosi, ni ndiyawe Miriyamu.

Mitengo 12:1

Se Aroni ni Miriyamu va to khata kulenga Mosi, ngu mhaka ya wamsikati wa ka Kuxe, a nga ti tekani ni Mosi; ngu kule a nga ti tekile wamsikati wa ka Kuxe.

Eksodha 15:20

Sekoko Miriyamu, mprofeti wa txisikati, ndiyakwe Aroni, a to teka txingomana manzani kwakwe, ni vavasikati votshe va to mlondeta ni singomana, va txi veta ni kusinya.

Eksodha 2:6

A to di tula, e wona mwanana: I ti mwanana wa mfana a nga txi dila. Nguko mxanisekela, a to womba, a txi khene: “Awuwa i mwanana wa mfana, wa Muhebheru!”

Eksodha 2:8

Se mwanana wa Faro wa dihorana a to mxamula, a txi khene: “Tsula.” Se awule wa dihorana a to tsula a txi ya dhana mame wa mwanana.