Eksodha 2:24 - Bhiblia Yo Sawuleka

²⁴ Se Txizimu txi engisile kudila kwawe, Txizimu txi to alakanya txitumelelano txi txi nga txi maha ni Abrahamu, ni Isaake ni Jakobe.

Eksodha 2:24 Referans Kwoze

Genesisi 26:3

U nga sikota kuaka ka ditiko diya, ani ni na va ni nawe, kambe ni na kukatekisa. Nguko otshe matiko awa ni na kuninga awe ni liveleko lako, ni txi hetisa txixambanyo txi ni nga txi maha ka Abrahamu, tate wako.

Masalmo 105:42

Txizimu txi to alakanya mapswi a txona o sawuleka, awa txi nga xambanya ka Abrahamu msawulwa wa txona.

Eksodha 6:5

Se ni engisile kudila ka vanana va ka Israyeli, avale va xuphwako ngu Vaegipta, ni za ni txi alakanya txitumelelano txangu.

Masalmo 106:45

a to alakanya txitumelelano txi a nga maha navo e telwa ngu wusiwana navo, nguko lirando lakwe nda hombe.

Masalmo 102:20

kasiku engisa kuvilela ka tikhumbi ni kuhulukisa avale va nga abaniselwa kufa.

Masalmo 22:24

Nguko ene kha soli, kambe kha nyenyi kuxaniseka ka sisiwana kambe kha si tshuraleli. Aniko wa si engisa mbimo yi si kombelako txivhuno.”

Masalmo 138:3

Ka ditshiku dile ni nga kudhana, u ni engisile u ni pfisisile, u tsanisa moya wangu.

Genesisi 26:24

Se Mkoma a to woneka kwakwe ka wona wusiku wule, e m'gela tiya: “Ani ngani Txizimu txa Abrahamu, tate wako; u nga thave txilo, nguko ani nipune ni ni nawe. Ani ni na kukatekisa, ni na andisa liveleko lako, ngu mhaka ya Abrahamu txithumi txangu.”

Masalmo 22:5

Va kombete txivhuno kwako, se ve huluka ka phango; awe va ku thembile, kambe kha va wiswa tingana.

Valamuli 2:18

Se mbimo yile Mkoma a nga ti ti va wusela valamuli, Mkoma a ti ti ema ni mlamuli, a txi va hulukisa manzani ka valala vawe, ka otshe masiku a mlamuliyo; nguko Mkoma a ti ti ti laya ngu tihuwa tawe, ngu mhaka ya vale va nga ti ti va xupha, ni ku va xanisa.

Genesisi 18:18

Kambe nguko Abrahamu a na va i di nyampanze wa mfumo wa hombe ni wa mtamo, kambe ngu mhaka yakwe, yotshe mifumo ya ha mafuni, yi na katekiswa.

Genesisi 17:7

Ni na tsanisa Txitumelelano txangu ni nawe, ni lihunzu lako msana kwako, Txitumelelano txiya, txi na va txo mbi guma, se ani ni na va Txizimu txako ni txa lihunzu lako, msana kwako.

Masalmo 79:11

Engisa tihuwa ta vale va nga sungwa se, ngu konaho ka mtamo wako, hanyisa avale va nga abaniselwa kufa.

Genesisi 32:28

Sekoko ene a to khene: “Khu na mbiswa u txi dhanwa to u Jakobe, aniko u na dhanwa ku u Israyeli, nguko u lwite ni Txizimu ni vathu, kambe u xute.”

Mithumo 7:34

Ni woni kuxaniseka ka vathu vangu Egipta, ni kuketa kwawe ni ku pfite, se ni txhikile ku tela ku ta va hulukisa, se konkuwa ngono ni ta kuruma Egipta.’ ”

Genesisi 8:1

Se Txizimu txi to alakanya Nowa ni sotshe sihari sa txitinga ni sotshe sifuyo si a nga ti naso ngalavani; Txizimu txi to maha diphuho di txi futeta txitimwi ka ditiko, se mati ma to khata kuphwa.

Genesisi 15:13

Sekoko Mkoma a to womba tiya ka Abramu: “Ti zive ngu ditshuri ti to liveleko lako li nava i di la valuveli ka ditiko da vamwani vathu, adiya di ku si nga dawe, koneyo vona va na va i di sikulungu, va na va va txi xuphwa mndani ka 400 wa malembe.

Genesisi 16:11

Ngelozi ya Mkoma, yi to kha yona kambe kwakwe: “U ni txirumbu, se u na veleka mwanana wa mfana, u mraya ditina daku i Ismayeli, nguko Mkoma a engisile kuxupheka kwako.

Genesisi 22:16

yi txi m'gela tiya: “Ni xambanyile ngu ngani nipune, kuwomba Mkoma, Nga ku u nga maha toneto, u nga mbi lamba ni mwanana wako wammweyo,

Genesisi 26:2

Mkoma Txizimu a ti wonekisile ka Isaake, a txi m'gela tiya: “U nga relele u txi ya Egipta; zumba ka ditiko di ni no kukomba dona.

Genesisi 35:11

Se Txizimu txi m'gete kambe, txi txi kha txona: “Ani ngani Txizimu txa mtamo wotshe. Velekelanani mi txi anda. Ngu kwako ku na humelela mfumo, ni matiko o tala, ni vafumeli va na huma ngu kwako.

Genesisi 35:12

Ani na kuninga ditiko di ni nga ninga Abrahamu ni Isaake, ni ka liveleko lako; ali li no maneka msana kwako.”

Mitengo 20:16

Athu hi to dila ka Mkoma, se ene a to engisa mapswi athu, e rumela mtumi wakwe wuta hi humisa Egipta. Se konkuwa hiho aha Kadhesi, ka m'ti wuwa wu kuho ha m'hinganoni ni ditiko dako.

1 Samuwele 9:16

Mangwana ngu yo yi mbimo na kurumela m'thu wa ditikoni ka Bhenjamini, awule u no mtota kuva mthangeli txitimwi ka vathu vangu va ka Israyeli, se ene a na txhatxhisa vathu vangu manzani ka Vafilista; nguko ni woni vathu vangu, ni kudila kwawe kuhokile kwangu.

2 Vafumeli 13:23

Sekoko Mkoma a to va pfela wumbilu, e va xanisekela, a to va rendekela ngu mhaka ya kuranda txitumelelano txakwe ni Abrahama, ni Isaake ni Jakobe; kha lava ku va khundumusa, kambe kha va tsotsha kule ni nene.

Masalmo 102:2

U nga ni sisele khohe yako, mbimo yi ni ku kupandisekani; siza u txi engisa kuvilela kwangu! Kuluveta u txi ni xamula, ngako ni txi kudhana!