Eksodha 2:22 - Bhiblia Yo Sawuleka

²² Sekoko Zipora a to veleka mwanana wa mfana, awu ene Mosi a nga mraya ditina daku ngene Gerisoni, nguko a ti khene: “Ni mluveli ditikoni ka vane.”

Eksodha 2:22 Referans Kwoze

Mithumo 7:29

Se ka dona dipswi diya, Mosi a to thava eya maha muwuyi ditikoni ka Midhiyani; koneyo a ti ya veleka vanana vambidi va sizambiana.

Eksodha 22:21

U nga xuphe mluveli kambe u nga m'dyisete; nguko nanu mive valuveli ditikoni ka Egipta.

Masalmo 119:19

Ani ni mpindi ka diya ditiko; u nga ni sisele sirumo sako.

1 Makronika 29:15

Nguko hi valuveli masoni kwako, hi vapfumba kufana ni vatate vathu; masiku athu ha mafuni ma fana ni mtsudi, kha ku nga ni yimwani themba.

1 Makronika 16:20

va ti tsimbila-tsimbila ka ditiko ni ditiko, va txi penga ngu ka mfumo ni mfumo.

Masalmo 39:12

Mkoma, engisa mkombelo wangu, riya nzeve u txi engisa miketo yangu! U nga ti hunde, ngako u txi pfa kudila kwangu. Masoni kwako ani ni nyamtangumo, ni mpindi kufana ni votshe vakale vangu.

Eksodha 2:10

Se mbimo yi mfana a nga kula, a to mteka e m'heleketa ka mwanana wa Faro, awule a nga ya mu amukela, e mmaha mwanana wakwe; se a to mraya ditina daku i Mosi, a txi khene: “Nguko ni m'humisile matini.”

Genesisi 23:4

“Hagari kwanu ani ni muwuyi, ni mluveli, ni kombela wukhalo, kasi ku nave mathithani ko ni lumba, tito, ni na tshotsha kona mfi wangu.”

Eksodha 4:20

Mosi koko, a to teka msikati wakwe ni vanana vakwe a txi va gadhisa mbongola a txi tshumela a txi ya ditikoni ka Egipta. Mosi a to teka ndonga ya Txizimu a txi yi ñola manzani kwakwe.

Levhi 25:23

Mi nga xaviseni thembwe da magwito, nguko mafu ma lumba ani, anu mi valuveli, mi vapfhumba ka ditiko di mi nga aka ka dona, i ku dangu.

Valamuli 18:30

Se vanana va ka Dhani va to ti emisela txithombe txile txo vatwa, se Jonatani, mwana Gerisoni, mwana Manasi, ene ni vanana vakwe, va to maha vaphaxeli va lihunzu la ka Dhani, kala ka ditshiku da kukhoziswa ka ditiko.

1 Samuwele 1:20

Se ku to maheka taku, ku di pindile mbimo yokari, Ana a to mana txirumbu, e veleka mwanana wa mfana, e mraya ditina daku i Samuwele, nguko ene a ti ti khene: Ni mkombete ka Mkoma.