Eksodha 2:20 - Bhiblia Yo Sawuleka

²⁰ Tate wawe Jetro a to va wotisa, a txi khene: “Ahani ene kani?” Mi mlekete txani a txi tsula eyo wamwamna kani? M'dhaneni e ta dya sakudya ni nathu.

Eksodha 2:20 Referans Kwoze

Genesisi 31:54

Jakobe a to phaxa mhamba txitimwi ka mmango, e dhana va ka kwawe ve ta dya sakudya. Vona va dyite, va txi otela kona mmangoniyo.

Genesisi 43:25

Vona va to lulamisa siningo sawe, sa ku ta ninga Josefa, a nga ti fanela kubwaka ni mitshikari, nguko va ti zivile ti to va na mahelwa konaho sakudya sa dhina.

Vahebheru 13:2

Mi nga divaleni kuamukela vapfhumba, nguko, ngu kona kuamukela vapfhumba, vamwani na va si ti zivi, va amukete tingelozi.

1 Timoti 5:10

Ta laveka ti to e ziwa ngu mithumo yakwe ya yinene; kufana ni kuwunja vanana ngu nzila ya yinene, kuamukela vapfhumba, kukuwula mikondo ya vasawuleki, kuvhuna ava va xanisekako, ni kutiningetela ka yotshe mithumo ya yinene.

Jobe 42:11

Sekoko va to ta kwakwe votshe vanawe va txiwamna ni va txisikati, ni votshe vale va nga ti ti m'ziva ngu kale, va txi ta dya nayo dipawu m'tini kwakwe, va txi mtsetsa ni ku mthavelela, ka wotshe wubihi wule Mkoma a nga ti ti mrumete; se mmweyo ni mmweyo wawe, a to mninga male, ni tiphera ta nzalama.

Jobe 31:32

Mluveli a ti si oteli nzilani ni wusiku; matimba angu ni ti ti tulela vatsimbili.

Genesisi 18:5

Ngako mi nga pinda ngu hawa ka txithumi txanu, ani ni na khata ngu ku mi tisela txikhwemu txa dipawu, kasi mi nata malata mnyoka, se ngu msana mi txi longoloka ni dipfhumba danu.” Vona va to kha vona: “Maha tona eto u ti wombako.”

Genesisi 29:13

Se ngako Labhani a di engisile ti to Jakobe, mwanana wa ndiyakwe, a to tutuma e m'hingeta, e mkhutarela ngu mawoko, a txi mpswopswa, e tsula nayo nyumbani kwakwe. Se Jakobe a to xawutela ka Labhani totshe ti ti nga maheka.

Eksodha 2:19

Vona va to xamula va txi kha vona: “Wamwamna wokari wa Muegipta a hi emete ka vadyisi, a txi hi vhuna kambe kureka mati, aawa mitxhambi yathu yi nga sela.”

Eksodha 2:21

Mosi a to tumela kuzumba m'tini ka Jetro, awu a nga ninga Mosi, Zipora, mwanana wakwe wa dihorana kasiku e tekana nayo.