Eksodha 2:11 - Bhiblia Yo Sawuleka

¹¹ Ka masiku oneyo, Mosi i di wa hombe a to huma kasiku eya wona va ka kwawe; ahale a nga wona mathumelo awe o nemela, txitimwi kwawe; a to wona kambe Muegipta wokari a nga txi peka mmweyo wa mwanawe wa Muhebheru.

Eksodha 2:11 Referans Kwoze

Eksodha 1:11

Se Vaegipta va to veka vahombe va tihunzu, ti to ve xupha Vaisrayeli, ngu mithumo ya txibhalo. Va to akela Faro madhoropa a Pitomi, ni Ramusesi, amu ku nga ti ni ko veketela kona silo sakwe.

Luka 4:18

“Moya wa Mkoma wu txitimwi kwangu, nguko Ene a ni totile, kasiku ni ya huwelela mahungu amanene ka sisiwana, a ni rumete kuya nuwela mhaka ya kuthukunyulwa ka va vo sungwa, ni ka mabhofu kuningwa kutshumela me wona, kuya thusa ava va xaniswako,

Matewu 11:28

Ngonani kwangu, motshenu mi nga karala, mi nemelwako ngu mrwalo, ani ni na mi humuta.

Isaya 58:6

Ina hi nga kona kutitona ku ni nga ku sawula: Kaku u txhatxha mabhanditxhi a wuonhi, u txhatxha tingoti to sunga dikange; ni ti to u va leka va di txhatxhekile vale vo xaniswa, u phatulela dotshe dikange dawe kani?

Eksodha 3:7

Se Mkoma a to khene: “Ni woni kuxupheka ka ngamu yangu, ayi yi ku ditikoni ka Egipta, ni engisile kudila kwawe ngu mhaka ya vaxuphi vawe; nguko ani na ziva kupandiseka kwawe.

Eksodha 5:14

Se vathangeli va ka Israyeli va to kwapelwa, avale vatsimbitisi va Faro va nga ti va vekile, na va txi kha vona: “Ngu kutxani nyamnova ni nyamsi, mi nga mbi heta kumaha sitini kufana ni kale kani?”

Eksodha 5:9

Mthumo wa vona vathuvo wu nave wa hombe wo nemela ngutu, kasi va txi khatala ngu wona, va si engiseli mapswi a makuhu.”

Eksodha 5:4

Sekoko mfumeli wa Egipta a to khene kwawe: “Awe Mosi ni Aroni, ngu kutxani mi txi lava kukhulumetela vathu mthumoni kwawe kani? Tsulani mi txi ya thuma.”

Eksodha 5:5

Se Faro a to engeta a txi khene: “Vathu vava mbangi ngutu mu ditikoni, kambe anu mi lava ku va lekisa mithumo yawe!”

Eksodha 6:6

Ngu mhaka yeto, u na womba ka vanana va ka Israyeli u txi khawe: Ani ngani Mkoma, kambe ni na mi humisa ka mithumo yo nemela ya ditikoni ka Egipta, ni na mi thusa wukhumbini kwanu, kambe ni na mi tirula ngu dianza dangu da mtamo ni mthumo wa hombe wa kulamula.

Eksodha 6:7

Ni na mi maha vathu vangu, se ani ni na va Mkoma Txizimu txanu, ni mi humisako ka mikaralo ya ditikoni ka Egipta.