Eksodha 19:8 - Bhiblia Yo Sawuleka

⁸ Sekoko votshe vathu va to xamula, va txi kha vona: “Totshe ti Mkoma a nga ti womba, hi na ti maha.” Se Mosi a to ma txhamusela ka Mkoma mapswi a vathu votshe.

Eksodha 19:8 Referans Kwoze

Eksodha 24:7

A to teka dibhuku da txitumelelano e di gonda masoni ka vathu; se vathu va to xamula, va txi kha vona: “Totshe ti Mkoma a nga ti womba athu hi na ti tumela kambe hi na ti thuma.”

Eksodha 24:3

A di wuyile koko Mosi a to ta txhamusela ka vathu mapswi a Mkoma ni sotshe sileleto, sekoko vathu va to xamula ngu dipswi dimwedo. Va to kha vona: “Otshe mapswi ale Mkoma a nga ma womba, hi na ma maha.”

Nehemiya 10:29

va to tsana ka vanawe, i ku vamwevo va tinduna hagari kwawe, ve tumelelana kufakazelana ni kuxambanya tito, va na tsimbila ngu Mlayo wa Txizimu va nga ningwa ngu tsisofu txa Mosi, txithumi txa Txizimu; ni ti to va na xayisa ni kumaha sotshe sirumo sa Mkoma, Txizimu txathu, ni wululamo wakwe, ni sileleto sakwe;

Joxuwa 24:24

Vathu va to womba ka Joxuwa va txi kha vona: “Athu hi na khozela Mkoma, Txizimu txathu, ni dipswi dakwe hi na di engisa.”

Eksodha 20:19

Va to womba ka Mosi, va txi kha vona: “Awe womba-womba ni nathu, hi na engisa; aniko txi nga womba-wombe Txizimu ni nathu, kasi ku hi si fi.”

Eksodha 4:31

Se athu va to kholwa; se kambe va tsakile ngu kuziva ti to Mkoma a alakanyile vanana vakwe va ka Israyeli, ngu kuwona ti vona va xanisekisako tona. Va to khizama va txi khozela Mkoma.

Joxuwa 24:21

Ti di ngeto, vathu va xamute ka Joxuwa va txi kha vona: “Lambi! Athu hi na khozela Mkoma dwe.”