Eksodha 19:6 - Bhiblia Yo Sawuleka

⁶ Aniko anu mi na va mi di mfumo wa wuphaxeli ni vathu vo sawuleka. Mapswi awa ngu ona u no ya va gela vanana va ka Israyeli.”

Eksodha 19:6 Referans Kwoze

Mtuletelo 5:10

Ngu vona u mahete Txizimu txathu, mfumo wa vaphaxeli, se vona va na fuma ha mafuni.”

1 Pedro 2:9

Ngu toneto, anu mi liveleko lo sawuleka, vaphaxeli va wukoma, mfumo wo sawuleka, vathu va va lumbako Txizimu, kasiku mi na tsimbila mi txi rurutela mithumo ya kuxamalisa ya Txizimu, atxi txi nga mi humisa txidemani, txi mi wuyisa liwoningoni ka txona ko xamalisa;

1 Pedro 2:5

Nananu, kufana ni marigwi o hanya, mi fanete kuakwa, mi maha nyumba ya moya, ti to mi va vaphaxeli vo sawuleka, ava va humisako timhamba to tsakisa Txizimu, ngu Jesu Kristu.

Mtuletelo 1:6

a txi hi maha vakoma ni vaphaxeli ngu mtamo wa Txizimu Tate wakwe: Kupfaliswa ni mtamo si na lumbe ene kala kupinduka. Amen.

Dhewuteronome 7:6

Nguko mbathu vo sawuleka ka Mkoma, Txizimu txako; Mkoma, Txizimu txako, a mi sawute, kasi ku mi maha vathu vo lumba ene, mi txi va mi di ngamu yakwe ene apune, hagari ka votshe vathu va kuho ha mafuni.”

Dhewuteronome 28:9

Mkoma a na kumaha ditiko dakwe do sawuleka, nga ti ene a nga ku xambanyela, ngako u txi vekisa sirumo sa Mkoma, Txizimu txako, ni kungako u txi tsimbila ngu tinzila takwe.

Isaya 62:12

Se a na va dhana taku mbathu vo sawuleka, avale va nga tirulwa ngu Mkoma, se awe u na dhanwa ku Wo lavwa, Didhoropa di di nga mbi lekwa!

Dhewuteronome 26:19

Kasi ku a na kuguleta txitimwi ka otshe matiko awa a nga ma maha, u txi ma pala otshe ngu wudhumo ni nduma, ni kupfaliswa, u txi maha ditiko di di nga sawulekiselwa Mkoma, Txizimu txako, nga ti ene apune a nga wombisa tona.

Levhi 19:2

Womba ka wotshe msengeletano wa vanana va ka Israyeli, u txi khawe: Mahani vathu vo sawuleka, nguko ani, Mkoma, Txizimu txanu, ni wo sawuleka.

Varoma 12:1

Na mi khongotela koko vanathu ngu wumbilu wa Txizimu, ti to mi ningela mimidi yanu, yi maha mhamba ya kuhanya ni ya kusawuleka, ayi yi tsakisako Txizimu, i kuwona mphaxo wu wu lavekako.

Mtuletelo 20:6

Va katekile ni kusawuleka avale va manako txyavelo txa kuwuka ko khata ka vafi. Txitimwi kwawe lifo la wumbidi kha li nga ni mtamo, vona va na va vaphaxeli va Txizimu ni va Kristu, va na fuma nayo 1.000 wa malembe.

1 Vakorinto 3:17

Ngako m'thu a txi hasulela dithepele da Txizimu ni txona txi na mu hasulela. Nguko dithepele da Txizimu di sawulekile, se dithepele diya ngu nganu.

Isaya 61:6

Aniko anu mi na dhanwa ku mi vaphaxeli va Mkoma, kambe va na mi dhana ku mi sithumi sa Txizimu txathu; mi na dya tithomba ta matiko, mi dhumiswa mu ka wudhumo wa ona.

Levhi 20:26

Mi fanete ku ti maha vo sawuleka kwangu, nguko ani Mkoma ni wo sawuleka, kambe ni mi hambanisile ni totshe tixaka ta vathu, kasiku mi va mi di vathu vangu.

Dhewuteronome 14:21

Mi nga dyeni ni txa tximwetxo txihari txa ku ti fela; u na txi ningela ka mluveli wu a hanyako ha txikeni kwako a txi dya, mwendo ku txi xavisa ka wa matiko, nguko anu mi vathu vo sawuleka ka Mkoma, Txizimu txako. Mi nga bhikeni txihongwana ngu masi a mame wa txona.”

Levhi 21:23

Kambe kha nga ni fanelo yo wulela ka m'jiyo, mwendo kutshuketa ha txiluveloni, nguko ene njilima, ngu toneto, kha na kunyenyezisa simaha sangu so sawuleka, nguko ngani Mkoma ni si sawulekisako.

Levhi 20:24

Ani ni mi gete ni txi khani: Anu mi na ya fumela ditiko dawe, ni na mi ninga dona di txi va i di thomba yanu, ditiko edo di khulungako masi ni wulombe. Ani ngani Mkoma, Txizimu txanu, ni nga mi thavisa hagari ka vamwani vathu.

1 Vatesalonika 5:27

Na mi kombela ngu ka Mkoma ti to dipapilo diya, di gondwa ka votshe vanathu.

Eksodha 15:26

Se a txi khene: “Ngako u txi engisisa kha kwati dipswi da Mkoma, Txizimu txako, ni kumaha ti i ku to lulama masoni kwakwe, kambe u txi dingeta nzeve yako ka sirumo sakwe, ni kuvekisa sotshe sileleto sakwe, kha ni na mbi rumela malwati ni a mamwewo txitimwi kwako, ale ni nga ma veka txitimwi ka Vaegipta; nguko ani ngani Mkoma, ni ku kalamukisako.”

Eksodha 22:31

Anu mi na va mi di vathu vangu vo sawuleka; ngu kumaha keto, mi nga dyeni nyama ya txihari txo phatulelwa ngu sihari sa txitinga; mi na yi ningela ka timbwa.”

1 Vafumeli 3:8

Se txithumi txako txi hagari ka vathu vako, ava u nga va sawula; vathu vavangi, ava ti si kotekiko ku va bala, hambi mtengo wawe, ngu kutala kwawe.

1 Vafumeli 8:53

Nguko awe u va sawute hagri ka vathu votshe va ha mafuni ku veva thomba yako, ngako u nga womba ngu mthumo wa txithumi txako Mosi, mbimo yile u nga humisa vatate vathu ditikoni ka Egipta, awe Mkoma Txizimu.

1 Makronika 17:22

Se u tekile vathu va ka Israyeli kuva veva vathu vako, kala kupinduka; se awe Mkoma, uve Txizimu txawe.

Isaya 43:4

Ngako u nga randeka masoni kwangu, kambe u dhundekile, se ani ni ku randile, niza ni ningela vathu ngu mhaka yako, ni ningela matiko kasi ku kuhanyisa.

Isaya 66:21

Kambe ka vona, mi na teka vokari, kasi kuve vaphaxeli, ni kuva Valevhi, kuwomba Mkoma.

Jeremiya 2:3

Sekoko Israyeli i ti ti msawuleki wa Mkoma Siyalo so khata sa kufunyela kwakwe; votshe vale va mvandamulako va ni mnandu va na welwa ngu dikhombo, kuwomba Mkoma.”

Jeremiya 7:23

Aniko, ati ni nga va laya, ngu ti taku: Engisani dipswi dangu, sekoko ni na va Txizimu txanu, anu mi na va vathu vangu; tsimbilani ngu tinzila ti ni nga mi laya ngu tona, kasi ku mi na zumbiseka kwati.

Jeremiya 13:11

Nga kule libhandi li namarelako ha txiwununi ka m'thu, ngu toneto ni mahile ti taku yotshe nyumba ya ka Israyeli ni yotshe nyumba ya ka Judha ti txi namarela kwangu, kuwomba Mkoma, kasi di txi maneka kwangu ditiko, ni ditina, ni wudhundo, ni wuhombe; aniko kha va tumela kuengisa.

Amosi 3:2

Ka totshe timwaya ta ha mafuni, ni zivile anu dwe; ngu koneho, ni na mi endela ngu mhaka ya wotshe wubihi wanu.

Eksodha 28:36

U na maha txileti txa nzalama ya yinene, atxi ka txona u no bhala ngu kukenyela nga ti va bhalisako tona ngu txixambanyo aha ka phera, u txi khawe: “Kusawuleka nga Mkoma.”

Mitengo 16:3

Se ve tshangana ni Mosi ni Aroni, va txi kha vona: Konkuwa, ta dingana nguko wotshe msengeletano wu sawulekile, ni Mkoma aho hagari ka wona! Ngu kutxani mi txi ti kulisa txitimwi ka msengeletano wa Mkoma kani?

Masalmo 114:2

Judha a to hinduka eva nyumba yo sawuleka ya Mkoma se Israyeli e maha mfumo wakwe.

Hagayi 2:5

madingano ni dipswi di ni nga pfana ni nanu, mbimo yile mi nga huma ngu Egipta, se Moya wangu wu ti ti zumba hagari kwanu; mi nga thaveni.