Eksodha 19:4 - Bhiblia Yo Sawuleka

⁴ “Mi ti woni ati ni nga ti maha ka Vaegipta ni ti ni nga mi gulisa tona ngu txitimwi ka mabhapi a ngungwa, ni txi mi tisa kala kona hawa kwangu.

Eksodha 19:4 Referans Kwoze

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Isaya 40:31

Aniko avale va emako ka Mkoma, va na wuseta mitamo yawe, se va na kwelela ngu tibhapi kufana ni magama; va na tutuma va si karali, va na tsimbila va si rereki.

Mtuletelo 12:14

Kambe ene a to amukela mabhapi a mambidi a ngungwa ya hombe kasiku e purumela txiwulani, eya ka wukhalo wu wu nga ti lulamisetwe ene, kasi kuzumba a txi phamelwa kona sakudya, kule ni mnyoka, mbimo yimweyo, timbimo timbidi ni hafu ya mbimo.

Dhewuteronome 29:2

Mosi a to ramba votshe va ka Israyeli e va gela ku khene: Anu mi ti woni tiya totshe Mkoma a nga ti maha masoni kwanu, ditikoni ka Egipta, a txi mahela Faro, ni sotshe sithumi sakwe, ni dotshe ditiko dakwe.

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

Hagayi 2:5

madingano ni dipswi di ni nga pfana ni nanu, mbimo yile mi nga huma ngu Egipta, se Moya wangu wu ti ti zumba hagari kwanu; mi nga thaveni.

Malakiya 2:10

Ina kha hi nga ni tate mmweyo athu hotshethu kani? Kha ha vangwa ngu Txizimu tximwetxo kani? Ngu kutxani hi kanganyisana, hi onha ni txitumelelano txa vatate vathu kani?

Dhewuteronome 1:30

Mkoma, Txizimu txathu, ngene a no ya masoni kwanu, ene a na mi lwela, kufana ni tile a nga ti maha ngu nganu ditikoni da Egipta, khoheni kwanu.

Dhewuteronome 1:31

Hambi ni txiwulani, mi ti woni ti to Mkoma, Txizimu txako, a mi belekile, nga ti m'thu a belekisako tona mwanana wakwe, ka yotshe nzila yi mi nga tsimbila ngu yona, kala mi hoka ka wuwa wukhalo.”

Dhewuteronome 29:1

Aawa mapswi nga txitumelelano, aawa Mkoma a nga ruma Mosi ti to e ma womba ka vanana va ka Israyeli, ditikoni ka Mowabhi, hahanze ka txitumelelano txi a nga txi maha navo, mmangoni ka Horebhi.

Joxuwa 23:3

kambe anu mi ti woni totshe ti Mkoma, Txizimu txanu, a nga maha ka otshe matiko awa ngu mhaka yanu. Kunene, Mkoma, Txizimu txanu, ngene a nga lwa a txi mi vhikela.

Hoseya 11:1

Mbimo yile Israyeli i nga ti ti mfana, ani ni mrandile; se ni dhani mwanana wangu e huma ngu Egipta.