Eksodha 19:3 - Bhiblia Yo Sawuleka

³ Mosi a to kwela a txi ya ka Txizimu, se Mkoma a to m'dhana a di mmangoni, a txi khene: U na ya wombisa tiya ka nyumba ya ka Jakobe, u txi huwelela ka vanana va ka Israyeli u txi khawe:

Eksodha 19:3 Referans Kwoze

Eksodha 3:4

Mkoma a woni ti to Mosi wa tenderuka kasiku eya wona. Se Txizimu txi to m'dhana txi txi kha txona: “Mosi! Mosi!” Ene a to khene: “Niho hawa.”

Mithumo 7:38

Ngu mbimo ya kusengeletana ka va ka Israyeli txiwulani, ngene Mosi a nga ema ni ngelozi, ayi yi nga womba-womba nayo mmangoni ka Sinayi, kumweko ni vatate vathu; ngene a nga amukela mapswi a wutomi, kasi ku ta hi ninga ona.

Eksodha 20:21

Vathu va to zumbela kule; Mosi a txi tshuketa aha ka direfu, mtemani, ahale Txizimu txi nga ti kona.

Eksodha 34:2

Zumba u di ti lulamisete ti to mangwana ni mixo u nata kwela mmangoni ka Sinayi, u txi ya ni verela kona, txitimwi ka mmango.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Levhi 1:1

Se Mkoma a to dhana Mosi, a txi womba-womba nayo amu ka ditenda da msengeletano, a txi khene:

Eksodha 19:20

Mkoma a to txhika txitimwi ka mmango wa Sinayi. Se ene Mkoma a dhani Mosi a di kona mmangoni, aha Mosi a nga kwela.

Eksodha 24:12

Sekoko Mkoma a to khene ka Mosi: “Kwela u txi ta zumba hawa kwangu, mmangoni; se ni na kuninga sileti sa marigwi, ni milayo, ni sirumo si ni nga si bhala, kasi ku u txi ya va gondisa.”

Eksodha 24:13

Se Mosi a to khukha ni Joxuwa txithumi txakwe; se Mosi e kwela mmangoni ka Txizimu.

Eksodha 34:4

Sekoko Mosi a to vata sileti sa simbidi sa marigwi so fana no so khata, a to wuka ni mixo ngutu, e kwela mmangoni ka Sinayi, nga ti Mkoma a nga ti mu leletele, e teka sileti sa simbidi sa marigwi ngu manzani kwakwe.