Eksodha 19:24 - Bhiblia Yo Sawuleka

²⁴ Se Mkoma a to xamula a txi khene: “Tsula u relela, ngu msana u na kwela awe ni Aroni; aniko vaphaxeli ni vathu va nga tshawunyete muhingano, va txi ya ka Mkoma kasi ku asi va peki ngu lifo.”

Eksodha 19:24 Referans Kwoze

Vahebheru 4:16

Ngu kota yeto, ahi yeni ngu kutsaka txiluveloni ka makatekwa, ahawa hi no ya mana wumbilu ni kateko yi yi no hi vhuna ngu mbimo yi yi fanelako.

Vahebheru 12:29

Nguko, Txizimu txathu, i mndilo wu wu hisako.

Vagalatiya 3:22

Aniko mibhalo yi womba ti to sotshe si sungilwe ngu txionho, kasiku txithembiso txi ningwa ka va va tumelako ngu kukholwa ka Jesu Kristu.

Vagalatiya 3:19

Idito, Mlayo wu thumile txani kani? Wu ningilwe msana ka mbimo ngu mhaka ya wuhambunyeti, kuza kuhumelela lixaka li, txithembiso txi nga mahelwa lona. Mlayo wu tisilwe ngu tingelozi manzani ka mtshanganisi.

Varoma 4:15

nguko mlayo wu va nga kuhenya, kasi ahawa ku ku si nga ni mlayo kuwalo kundaka mlayo.

Johani 1:17

Nguko hi ningilwe Mlayo manzani ka Mosi, aniko kateko ni ditshuri hi wuyisetwe ngu Jesu Kristu.

Luka 16:16

“Mlayo ni tigondo ta Vaprofeti ngu sona si nga txi thuma kala kuza e hoka Johani Mubhabhatisi; kukhukhela konako, Evhangeli ya Mfumo wa Txizimu ya txhumayelwa, se mmweyo ni mmweyo wa ti karata kufela kuwulela ka wona ngu mtamo.”

Luka 13:24

Ene a mu xamute a txi khene: “Zamani ngu mtamo kuwulela ngu txike txo songa, nguko ani na mi gela ti to vavangi va na zama kuwulela, kambe kha va na mbi sikota.

Matewu 11:12

Kukhukhela ka masiku a Johani Mubhabhatisi kala konakuwa, Mfumoni ka nzumani ku wulelwa ngu mtamo, se va mtamo ngu vona va wu manako.

Eksodha 24:9

Mosi, ni Aroni, ni Nadhabhi, ni Abhiyu, ni madhota a mtxhanu wa magumi ni magumi mambidi va to kwela va txi ya mmangoni,

Eksodha 24:1

Msana keto, a to khene ka Mosi: “Kwela u txi ya ka Mkoma, awe ni Aroni, ni Nadhabhi, ni Abhiyu, ni mtxhanu wa magumi ni mambidi a madhota a ka Isareli; se mi na khizama mi di kule.

Eksodha 19:12

U na komba ka vathu muhingano ngu kurendelekisa, u txi va gela tiya: Mi nga kweleni mmango hambi ni kugwesa makhatoni ka wona. Awule a wu gwesako, a na tsayiswa ngu kufa.

Eksodha 19:25

Sekoko, Mosi a to relela a va gela vathu timhaka tiya.

Levhi 10:3

Se Mosi a to womba ka Aroni a txi khene: Ngu tona tiya Mkoma a nga womba, a txi khene: Ka vale va tshuketako hafuhi kwangu ni na va komba ti to ani ni sawulekile ni ka vathu votshe ni na komba mtamo wangu! Aroni a to malala a so dwe.

1 Makronika 13:9

Se va di hokile wuhuleloni ka Kidhoni, Uza a to nawuluta dianza e ñola dibhokiso, nguko tihomu ti ti lava ku di wisa.