Eksodha 19:22 - Bhiblia Yo Sawuleka

²² Vaphaxeli va va ku ni fanelo yo tshuketa hafuhi ka Mkoma va na maneke va di basile, ati to Mkoma asi va peki ngu lifo.”

Eksodha 19:22 Referans Kwoze

Eksodha 24:5

Ngu msana a to ruma mazambi okari a vanana va ka Israyeli, kasiku va txi maha miningelo yo hiswa, va txi maha miphaxo ka Mkoma ngu kudaya marole va txi dhumisa Mkoma.

Mithumo 5:10

Se konaho a to wela minengeni kwakwe efa. Ngako mazambi ale ma di wulete, ma to ta mu mana a di fite, se veya mu tshotsha hafuhi ni mwamna wakwe.

Mithumo 5:5

Ngako Ananiya a di engisile mapswiyo, a to wa hahatshi efa. Se votshe va va nga tiengisa, va to tala ngu kuthava ngutu.

Isaya 52:11

Khukhani, khukhani, humani emo, mi nga gweseni txilo txo mbi basa; humani hagari ka dona, ti sawulekiseni anu mi rwalako siya sa Mkoma.

2 Makronika 30:15

Sekoko ngu ditshiku da wugumi ni mune ka mtxima wa wumbidi va to phaxa mhamba ya Pasika. Vaphaxeli ni va ka Levhi va to wa tingana, ve ti basisa ve neha mningelo wo hiswa Nyumbani ka Mkoma.

2 Makronika 30:3

Ka yoneyo mbimo, kha va sikota kumaha m'buso ngu ku mtengo wa vaphaxeli va va nga ti basisa i ti ti wudotho, ni vo vathu va ti siya sengeletana Jerusalema.

1 Makronika 15:13

Ngako koko, anu mi nga mbi ti maha kukhatani, Mkoma a hi tsayisile, nguko kha ha mlava madingano ni kuleleta kwakwe.

Eksodha 19:5

Kukhukhela ka kuwa, ngako mi txi engisa dipswi dangu, mi txi londeta mhaka ya txitumelelano txangu, hagari ka votshe vathu, sekoko mi na va mi di thomba yangu. Nguko dotshe ditiko ndangu.

Eksodha 19:24

Se Mkoma a to xamula a txi khene: “Tsula u relela, ngu msana u na kwela awe ni Aroni; aniko vaphaxeli ni vathu va nga tshawunyete muhingano, va txi ya ka Mkoma kasi ku asi va peki ngu lifo.”

Levhi 21:6

Vaphaxeli va fanete kuva vo sawuleka masoni ka Txizimu txawe, va nga nyenyezise ditina da Txizimu txawe, nguko ngu vona va mahako mningelo wo sawuleka ka Mkoma, i ku sakudya sa Txizimu txawe, va fanete kuva va di sawulekile kuhanyani kwawe.

Mitengo 11:18

Se u na gela vathu u txi khawe: Ti basiseni, nguko mangwana mi na khata kudya nyama, nga ha mi nga txi yi dilela tinzeveni ka Mkoma, mi txi khanu: “I mani a no hi ninga nyama hi txi dya, nguko hi ti ti zumbisekile ditikoni ka Egipta.” Se Mkoma a na mi ninga nyama mi txidya;