Eksodha 19:21 - Bhiblia Yo Sawuleka

²¹ Se Mkoma a to khene ka Mosi: “Relela u txi ya zivisa vathu ati to va si tshawunyeti muhingano ngu kulava kuwona Mkoma, kasi ku ku si fi vavangi.

Eksodha 19:21 Referans Kwoze

1 Samuwele 6:19

Se Mkoma a to daya vathu va Bheti-Semi, ngu kule va nga solela mndani ka dibhokiso da Mkoma, eza e daya vathu vo dingana 50.070 wa vavamna; sekoko vathu va to pandiseka, ngu kule Mkoma a nga maha phango ya hombe ngutu hagari ka vathu.

Eksodha 3:5

Txizimu txi ti kha txona: “U nga tshukete hawa; ambula tikathula mikondoni kwako, nguko wukhalo wu u ku ka wona, mafu o sawuleka.”

Ekleziyaste 5:1

Xayisa mkondo wako, u txi wulela Nyumbani ka Txizimu; se ti namise ngutu u engisa kupinda kuningela miphaxo ya siphukuphuku, nguko kha si ti zivi ti to si maha wubihi.

Eksodha 33:20

A to engeta a txi khene: Khu na mbi sikota kuwona khohe yangu, nguko kha ku nga ni m'thu a ni wonako, e zumba a txi hanya.

Eksodha 3:3

Se Mosi a to khene: “Na nga tenderuka, ni txi wona txiwoniso txiya txo xamalisa: Ngu kutxani txipopo txi si hyiko txi tshokoma kani?”

Mitengo 4:20

Kambe ka mbimo yi va wulelako, kha kulaveki ve wonana aha ka simaha so sawuleka, nguko va nga fa.”

Dhewuteronome 5:5

Konako ani ni emile hagari ka Mkoma ni nanu, kasi ku ni mi gela dipswi da Mkoma, nguko mi ti ti ni dizowa ngu mndilo, ngu mhaka yeto kha ma kwela mmangoni. Ene a ti khene:

Mitengo 4:15

Msana ka kuva Aroni ni vanana vakwe va di gwitile kuveketela simaha so sawuleka ni sotshe siya sa kona, wugovelo wu na khukha, se vanana va Kohate va nata si rwala. Kambe va nga si gwese asile so yila nguko va nga fa, ngako va txi si gwesa. Awuwa ngu wona mthumo wa vanana va Kohate amu ka ditenda da msengeletano.

Mitengo 4:18

“Wonani tito, ka nyumba ya lihunzu la ka Kohate, mi nga dhuke mi yi humisa amu ka lihunzu la ka Levhi.

Mitengo 4:19

Aniko, ati mi no va mahela ngu tito, ve hanya va si fi mbimo yile va tshuketako ka wukhalo wo kusawuleka ko sawuleka, mi na maha tiya: Aroni ni vanana vakwe, va na emiswa mmweyo ni mmweyo ka mthumo wakwe, ni wukhalo wakwe.