Eksodha 19:20 - Bhiblia Yo Sawuleka

²⁰ Mkoma a to txhika txitimwi ka mmango wa Sinayi. Se ene Mkoma a dhani Mosi a di kona mmangoni, aha Mosi a nga kwela.

Eksodha 19:20 Referans Kwoze

Nehemiya 9:13

U txhikile txitimwi ka mmango wa Sinayi, u womba-womba navo u di nzumani, u va ningile wululamo wa wunene ni milayo ya ditshuri, sileleto ni sirumo sa sinene.

Masalmo 81:7

Kuxanisekani kwako, u ni dhani ni ta kuhanyisa; ni ku angute, ni di direfuni ka txingwalangwanda, awe u nga ni duka matini ka Meribha.

Eksodha 34:4

Sekoko Mosi a to vata sileti sa simbidi sa marigwi so fana no so khata, a to wuka ni mixo ngutu, e kwela mmangoni ka Sinayi, nga ti Mkoma a nga ti mu leletele, e teka sileti sa simbidi sa marigwi ngu manzani kwakwe.

Eksodha 34:2

Zumba u di ti lulamisete ti to mangwana ni mixo u nata kwela mmangoni ka Sinayi, u txi ya ni verela kona, txitimwi ka mmango.

Eksodha 24:18

Se Mosi a to wulela hagari ka direfu, e kwela mmangoni; Mosi a to zumba mmangoni mune wa magumi a masiku, ni mune wa magumi a wusiku.

Eksodha 19:11

va txi va va di ti longisete ka ditshiku da wuraru, nguko ka ditshiku da wuraru, Mkoma a na txhika txitimwi ka mmango wa Sinayi, masoni ka vathu votshe.

Eksodha 19:3

Mosi a to kwela a txi ya ka Txizimu, se Mkoma a to m'dhana a di mmangoni, a txi khene: U na ya wombisa tiya ka nyumba ya ka Jakobe, u txi huwelela ka vanana va ka Israyeli u txi khawe:

Dhewuteronome 9:9

Mbimo yi ani ni nga kwela kasi kuya amukela sileti simbidi sa marigwi, sileti sa txitumelelano, atxi Mkoma a nga maha kumweko ni nanu, sekoko ni ti ya zumba mmangoni, mune wa magumi a masiku, ni mune wa magumi a wusiku, ni sidyi dipawu, hambi kusela mati.

Dhewuteronome 33:2

“A to khene koko: Mkoma a tile ngu Sinayi, a kwelete na a txi ta ngu Seyiri; a woningile a di mmangoni ka Parani, a txi ta ni 10.000 wa vasawuleki; txinene kwakwe ku ti ti ni mndilo wa mlayo.

1 Vafumeli 19:11

Se Mkoma a to khene ka Elija: Huma hahanze u txi ya maneka mmangoni masoni ka Mkoma. Se Mkoma a txi pinda, kumweko ni moya wa hombe wa mtamo, wu nga txi bhandelela mmango, ni kukhundumusa marigwi masoni ka Mkoma; aniko Mkoma a ti si ngaho ka moya wule; wu di pindile moya wule ku to zinginika mafu; emo kambe asi ngaho Mkoma.

Eksodha 24:15

Mbimo yile Mosi a nga txi kwela mmangoni, direfu di to fenengeta mmango.