Eksodha 19:2 - Bhiblia Yo Sawuleka

² Ngako va di khukhile Refidhime, va to wulela txiwulani ka Sinayi. Aho va nga ya gova kona. Va ka Israyeli va to ya aka kona, masoni ka mmango.

Eksodha 19:2 Referans Kwoze

Eksodha 17:1

Msana keto, wotshe msengeletano wa vanana va ka Israyeli wu to khukha txiwulani ka Simi, wu txi tsimbila ngu mipfhuka yi yi londetelanako, nga ti Mkoma a nga leletisa tona, va txi ya gova Refidhime, ahawa ku nga ti si nga ni mati o sela.

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Eksodha 3:12

Txizimu txi ti kha txona: Ngu ditshuri ani ni na va ni nawe; ngu txiya txikombiso txi no komba ti to ani ni kurumile: Ngako u di humisile vathu vangu ngu Egipta, anu mi nata khozela Txizimu ka mmango wuwa.

Eksodha 18:5

Jetro, msade wa Mosi, a manekile a txi tsula ni vanana ni msikati wa Mosi, aha a nga ya manana nayo txiwulani, mmangoni ka Txizimu, ahale a nga ti govile kona.

Eksodha 17:8

Sekoko Vaamaleki va to khukha va txi ya Refidhime, kasi va txi yalwa ni va ka Israyeli.

Vagalatiya 4:24

Ahawa ku ni txidinganiso; vavasikati vava, kunene, nzitumelelano sa simbidi: Txitumelelano txo khata ngu txi txi khukhelako Sinayi; ngu txi txi velekako vanana va wukhumbi: I Hagari.

Mithumo 7:38

Ngu mbimo ya kusengeletana ka va ka Israyeli txiwulani, ngene Mosi a nga ema ni ngelozi, ayi yi nga womba-womba nayo mmangoni ka Sinayi, kumweko ni vatate vathu; ngene a nga amukela mapswi a wutomi, kasi ku ta hi ninga ona.

Mithumo 7:30

“utingako ku di pindile mune wa magumi a malembe, ngelozi yi to ti wonekisa kwakwe txiwulani, mmangoni ka Sinayi, yi di mdhikilani ka txipopo txi nga ti tura.

Mitengo 33:15

Va to khukha koko ngu Refidhime, veya humula txiwulani ka Sinayi.

Mitengo 1:1

Mkoma a to womba kambe ka Mosi, txiwulani ka Sinayi, ditendani ka msengeletano, ka ditshiku do khata da mtxima wa wumbidi, ka dilembe da wumbidi da kuhuma kwawe ngu ditikoni ka Egipta, a txi khene: